JEREMÍAS 6:16 - Dios Rimashca Shimicunami

¹⁶ Mandaj Diosca cashnami nirca: “Ñancuna callaripi shayarishpa cancunallataj alli ricuichij. Ñaupa ñancunamanta tapushpa, maijan alli ñan cajpica, chaita catichij. Chai ñanta purishpaca, samarinatami charinguichij” nirca. Ashtahuanpish cancunaca: “Ñaupa ñantaca manataj purishunchu” nircanguichijmi.

JEREMÍAS 6:16 Iomraidhean Croise

1 REYES 8:36

jahua pachamanta can uyashpa cambajta rurajcunapaj juchacunata, can agllashca israelcunapaj juchacunata perdonashpa, alli ñanpi purinata yachachishpa, paicunapaj allpacuna cachun can cushca allpacunapica tamyachinguimi.

2 CRÓNICAS 19:11

Amarías curami, Mandaj Diospajta ruranapica, tucuita mandanga. Ñucapajta ruranapica, Judapaj huahua huahuacunata mandaj Zebadiasmi mandanga. Paica Ismaelpaj churimi. Shinallataj levitacunapish cancunapaj randi, Diospajta rurangapaj caipimi cangacuna. Cancuna imallata rurana cashcataca tucuicuna chai yuyai ruranguichij. Caicunata alli rurajtaca, Mandaj Diosmi pushanga” nircami.

SALMOS 116:7

Cunantajca samari tucunimi. Mandaj Diosmari ñucapaj allita rurarca.

ISAÍAS 2:5

Jacobpaj huahua huahuacuna shamuichigari. Mandaj Diospaj luzpi purishunchigari.

ISAÍAS 28:12

Paicunamanca paica cashnami nirca: “Caimi samarinaca. Shaicushcaman samarinata cuichij. Caipimi samarinaca tiyan” nircami. Ashtahuanpish paicunaca mana uyashun nircacunachu.

ISAÍAS 30:21

Cancunapaj rinrincunaca cancunapaj huashamantaca: “Caimari ñan, paillapi purichij. Alli ladomanpish, lluqui ladomanpish ama llujshinguichijchu” nishca shimicunatami uyanguichij.

ISAÍAS 46:9

Ñaupa huatacunamanta ñuca imallata rurashcata yuyarichij. Ñucallami Dios cani, shujtaj Diosca mana tiyanchu. Ima shujtajca ñuca shinaca mana tiyanchu.

ISAÍAS 57:2

Ashtahuanpish paica sumaj causaimanmi yaicunga. Taita Diospaj ñaupajpi purijcunaca tucuicunami sumaj camapi samaringacuna.

ISAÍAS 8:20

Mandashcapish, Dios ima shina cashca shina causachun nishcapish tiyanmi. Mandashcacunapi nishca shina mana nishpaca, paipica manaraj pacarishcachu.

JEREMÍAS 12:16

Chai llajtacunapi causajcunami ñuca runacunataca: Baalpish ricucunmi ninata yachachircacuna. Q'uipataca chai shinallataj paicunapish ñuca agllashcacunaman ñuca cushca yachanata yachachuncuna. Tucui shunguhuan chaita yachashpa, ñucatapish: Mandaj Dios ricucunmi nichuncuna. Chashnaca ñuca agllashcacunapurapi causangallacunami.

JEREMÍAS 18:12

Chaita huillajpica paicunaca: “Yangamari chashna rimaringui. Ñucanchijca rurashcalla dioscunatamari catishun. Tucuicunallataj ñucanchij millai shungu yuyachishcatami rurashun” nircacunami.

JEREMÍAS 18:15

Ñuca agllashcacunaca imapaj mana valij yangacunaman inciensota cushpa rupachishpa, ñucataca cungarinllacunami. Ñaupa ñancunaman yaicushpamari chingarishcacuna. Paicuna mana purishca, mana rijsishca ñancunatamari puricuncuna.

JEREMÍAS 2:25

Ñucaca: Ama lluchu chaquilla maita purigrichu, ama yacunaihuan shimi chaquishpa maita purigrichu nircanimi. Ashtahuanpish canca: Manataj saqui tucunichu, ñucaca shujtajcunatami c'uyani. Paicunataca catishpa rishatajmi nircanguimi.

JEREMÍAS 22:21

Ñucaca cancuna manaraj ima llaqui tucujpimi rimarcani. Ashtahuanpish huambramantapachami ñuca imata nijpipish: Manataj uyashachu nishpa manataj uyaj carcanguichij.

JEREMÍAS 31:21

Can maita rishca ñantaca, jatun rumicunata churashpa ringui. Maillata rishca ñantaca yuyaipi cangui. Israel huarmilla, can maita rishca ñanllatatajmi cambaj cashca cai pueblomanca tigrangui.

JEREMÍAS 42:3

Paita mañajpimari, canta Mandaj Diosca ñucanchijmanca maiman rinata ricuchinga, imata ruranatapish huillanga– nircacunami.

JEREMÍAS 44:16

–Mandaj Diosmi huillanaman cachan nishpa, can huillashcataca manataj uyashunchu.

JEREMÍAS 50:5

Tandanacushpa jacuchij. Cunantajca huiñaita amataj cungaringapaj shuj yuyai tucushpa, Mandaj Dioshuan tandanacugrishunchij nishpami, ñantaca tapui tapui Sionman tigramungacuna.

JEREMÍAS 7:23

Ashtahuanpish cashna nishpami mandarcani: Cancunaca ñuca rimashcata cazunguichij. Cancuna cazujpica, cancunapaj Dios cashami. Cancunapish ñuca agllashca runacunami canguichij. Ñuca imalla mandashcata chaitataj rurashpaca, allimi causanguichij nircanimi.

JEREMÍAS 7:24

Chashna mandajpica mana cazurcacunachu, mana uyashun nircacunallapishchu. Ashtahuanpish paicuna yuyashca shina causashpami, millai ch'ahuan shungucuna tucurca. Chashna tucushpami, ñaupajman rinapaj randica, huashaman rircacuna.

JEREMÍAS 7:3

Tucuita Mandaj, can israelcunapaj Diosca cashnami nin: Cancunapaj causaita allichishpa, allita ruraichigari. Chashna allichirijpica, cancunataca cai llajtapi causachun saquishami.

MALAQUÍAS 4:4

Ñucata servij Moisesman Horeb urcupi mingashca mandashcapi imallata nishcata alli yuyarichigari. Chai mandashcacunataca tucui israelcunamanmi curcani.

Lucas 16:29

Chaimi Abrahamca: “Moisés mandashcacunatapish, profetacuna quillcashcacunatapish charincunami. ¡Chaicunamanta huillashcata uyachuncuna!” nijpi,

Juan 12:35

Chaimi Jesusca: –Luzca ashacamallami cancunahuanca canga. Cancuna mana yuyashcapi amsa ama japichun, luz caipi cajpiraj luzhuan shujlla tucushpa purichij. Amsapi purijca, maiman ricushcata mana yachanchu.

Juan 13:17

Cai nishcacunata alli entendishpa chaitataj rurashpaca cushichishcami canguichij.

Juan 5:39

Quillcachishcacunata yachashpami huiñai causaita charishun yuyanguichijmi. Chai Quillcallatataj callarishpa alli ricuichij. Chai Quillcachishcacunaca ñucamantamari huillacun.

Hechos 17:11

Bereapi causajcunaca Tesalonicapi causajcunata yalli ashtahuan alli yuyaiyujcunami carca. Chashna cashpami paicuna huillashcata alli uyashpa chashna cashcata mana chashna cashcata yachangapaj Taita Dios Quillcachishcacunataca punllanta alli ricujcuna carca.

Romanos 4:12

Abrahamca circuncisionta rurashcacunapaj yayami. Paica mana chaicunapajllachu yaya. Ashtahuanpish mana circuncisionta rurashca cashpapish, Abraham crishca shina crishpa pai causashca shina causajcunapajpishmi yaya.

DEUTERONOMIO 32:7

Ñaupa huatacunata yuyarichigari. Achca huahua huahuacuna ima shina tucumushcata yuyarichij. Cambaj yayata tapuiyari paica huillangallami. Cancunapaj cunaj yuyajcunata tapuichigari, paicunapish huillangallacunami.

Colosenses 2:6

Chaimanta ima shinami Mandaj Jesucristota chasquircanguichij, chai shinallataj paihuan shuj shinalla purichij.

Hebreos 11:2

Chashna crishpami ñaupa yayacunaca, alli crijmi nishca tucurcacuna.

Hebreos 6:12

Chashna ruranataca ama q'uillanguichijchu. Chaipaj randica crishcamanta mana p'iñarishpalla Dios cusha nishcata japijcuna ima shina cashcata ricushpa allita ruraichij.

JUECES 2:17

Israelcunaca Mandaj Dios churashca juezcunatapish mana cazushpami, manapish dioscunata catinata mana saquishpa chaicunata adorarcacuna. Chashnami paicunapaj yayacuna Mandaj Diospaj mandashcacunata cazucushca ñanmantaca utca anchurircacuna. Paicunapaj yayacuna rurashca shinaca mana rurarcacunachu.