JEREMÍAS 6:1 - Dios Rimashca Shimicunami

¹ Benjaminpaj huahuacuna, Jerusalenmanta llujshishpa callpaichigari. Ñamari janaj lado llajtamantaca, cancunata tucuchij jatun llaqui shamucun. Tecoa pueblopica, bocinapi tocashpa huillagrichigari. Bet-haquerem pueblo c'uchupi cushnita churashpa ricuchichigari.

JEREMÍAS 6:1 Iomraidhean Croise

2 SAMUEL 14:2

Joabca yachaj tucushca shuj huarmita Tecoamanta pushamuchishpami chai huarmitaca: “Huañushcamanta churarinata churarishpa huañushcamanta llaquilla caj shina tucui. Mishquijllata ashnacujhuanpish ama churaringui. Maijan huañushcamanta achca huatacunata llaquilla cashca huarmi shina tucui.

2 CRÓNICAS 11:6

Belén, Etam, Tecoa,

NEHEMÍAS 3:14

Mapacunata llujshichishpa shitana pungutaca Recabpaj churi Malquiasmi allichirca. Paica Bet-haquerem llajtata mandajmi carca. Punguta churana patacunata allichishpa punguta churashpaca, cerraduracunata, cerrojocunatapishmi churarca.

NEHEMÍAS 3:5

Pai pircashca c'uchumantaca tecoitacunami pircarcacuna. Paicunata mandajcuna Jatun Diospajta mana rurashun nijpipish paicunaca rurarcallacunami.

JEREMÍAS 10:22

Judá llajtapi caj tucui pueblocunata shitashcata saquingapajmari, janaj llajtamantaca caparirishpa shamuncuna. Chacal animalcuna causanatamari rurangacuna– nircanimi.

JEREMÍAS 25:9

Chaimanta cunanca tucui janaj lado llajtacunapi causaj ch'ican ch'ican aillucunatapish, Babilonia llajtata jatun mandaj ñucata servij Nabucodonosortapishmi caiman pushamugrini. Paitami cai llajtapi causajcunatapish, cai muyundij tucui llajtacunatapish llaquichishpa tucuchichun churagrini. Chashna huiñaipaj shitashcata saquishpami, chanzata rurashpa asinata rurasha. Ñuca Mandaj Diostajmi chashna nini.

JEREMÍAS 4:29

Caballocunapi tiyarishca soldadocunapish, puntajlla caspicunata shitajcunapish manchanayajta c'ulun nishpa shamujta uyashpami, pueblopi causajcunaca tucuicuna llujshishpa jatun sachacunapi, c'aca jahuacunapi miticugrircacuna. Tucui pueblocunamanta chashna llujshishpami, shujllapish mana saquirishpa shitashcata saquircacuna.

JEREMÍAS 6:22

Mandaj Diosca cashnapishmi nin: “Janaj lado llajta runacunami shamugrin. Cai pacha tucuri llajtamantaca huaranga, huaranga runacunami shamugrin.

AMÓS 1:1

Cai shimicunaca, Tecoa pueblomanta michijcunapura Amós runa, israelcuna ima tucunamanta huillashca shimicunami. Judá llajtataca, jatun mandaj Uziasmi mandacurca. Israel llajtataca, Joaspaj churi Jeroboammi mandacurca. Allpa chujchui tiyanapaj ishqui huata ñaupamanmi,

AMÓS 3:6

Trompetapi tocashca pueblopi uyarijpica ¿manachu gentecunaca mancharishpa caparincuna? Mandaj Dios manapish llaquichijpica, pueblopica ¿ima llaqui tiyangallachu imashi?

ZACARÍAS 6:6

Yana caballocunaca carretataca, huichimanmi aisashpa rircacuna. Yuraj caballocunaca caishuj carretataca, chaininijmanmi aisashpa rircacuna. Bayo caballocunahuan caj carretataca, urimanmi aisashpa rircacuna.

JOSUÉ 15:63

Judapaj huahua huahuacunaca, chai tucui pueblocunata japishpapish, Jerusalenpi causaj jebuseocunataca mana llujshichishpa cachai tucurcacunachu. Chaimantami jebuseocunaca cunancama, Judapaj huahua huahuacunahuan Jerusalenpi causancuna.

JUECES 1:21

Benjaminpaj ailluca, Jerusalenpi causaj jebuseocunataca mana llujshichishpa cacharcacunachu. Jebuseocunaca Benjaminpaj ailluhuanmi Jerusalenpi cunancama causacuncuna.