JEREMÍAS 52:3 - Dios Rimashca Shimicunami

³ Chaimanta yallitaj p'iñarishpami, Mandaj Diosca Jerusalenpi causajcunatapish, Judá llajtapi causajcunatapish paipaj ñaupajmanta llujshichishpa cacharca. Chai q'uipami Sedequiasca, Babilonia llajtata jatun mandajtaca c'ariyarca.

JEREMÍAS 52:3 Iomraidhean Croise

GÉNESIS 4:14

Ñucata cai allpamanta llujshichishpa cachajpica, cunanca quiquinpaj ñaupajmanta miticushpa rishallami. Cai allpapica maipi causanata mana charij, caru llajtamanta shina puricushallatajchari. Chaipica ñucataca pipish japishpa huañuchingallatajchari– nirca.

GÉNESIS 4:16

Mandaj Diospaj ñaupajmanta Caín rishpaca, Edén llajtamanta inti llujshin ladoman caj Nod llajtapimi causagrirca.

2 SAMUEL 24:1

Mandaj Diosca israelcunahuan cutinllataj nina sindirij shina p'iñarishpami, Davidmanca israelcunapish, judacunapish mashna cashcata yupana yuyaita curca.

1 REYES 10:9

Mandaj cambaj Taita Diosca, alli nishca cachun. Canca pai munashca cajpimi israelcunata mandaj cachun churarca. Mandaj Diosca israelcunata c'uyacujlla cashcamantami cashcata rurashpa paicunata mandachun cantaca churashca” nircami.

2 REYES 17:18

Chaimi Mandaj Diosca israelcunahuan yallitaj p'iñarishpa, paipaj ñaupajmanta tucuita anchuchirca. Judá aillullami saquirirca.

2 REYES 17:20

Chaimantami Mandaj Diosca, Israelpaj huahua huahuacunataca tucuita cungarishpa saquirca. Paipaj ñaupajmanta tucui anchungacamami llaquichishpa shuhuacunapaj maquipi churarca.

2 REYES 17:23

Mandaj Dios israelcunata paipaj ñaupajmanta tucui anchuchingacamami manataj saquishpa juchallicurcallacuna. Mandaj Diosca paipajta ruraj profetacunaman huillachishca shinallatajmi, israelcunataca Asiria llajtaman prezu apachun saquirca. Paicunaca cunan punllacamami chaipi causacuncuna.

2 REYES 24:20

Chashna rurajpimi Mandaj Diosca Jerusalenpi causajcunahuan, Judapi causajcunahuan yallitaj p'iñarishpaca paipaj ñaupajmanta llujshichishpa cachangacama p'iñarirca. Chai q'uipaca Sedequiasca, Babilonia llajtata jatun mandajtaca c'ariyashpami jatarirca.

2 CRÓNICAS 36:13

Jatun mandaj Nabucodonosortapish c'ariyarcami. Chai jatun mandajca paihuan tandalla canata shuj yuyailla cachunca, Diospaj shutipimi paitaca ari nichishca carca. Chashna ari nishca jahuami, mana pajtachirca. Shinallataj ch'ahuan shungu tucushpami, israelcunata Mandaj Diosmanca manataj cutirisha nirca.

ESDRAS 4:15

cambaj ñaupa mandaj yayacuna quillcachishpa saquishca quillcacunata mashcachishpa ricuchun huillanchij. Chai quillcacunapi ricushpaca, chai pueblopi causajcunaca yallitaj millaicuna cashcata, jatun mandajcunatapish, llajtacunatapish llaquichijcuna cashcatami yachangui. Chai pueblopi causajcunaca ñaupa punllacunamanta pacha mana cazushpa jatarijcuna cashcamanta chingachishcatapishmi yachangui.

PROVERBIOS 28:2

Llajtapi causajcuna mana cazushcamantami, mandajcunaca huasha huasha yaicuncuna. Ashtahuanpish yuyaisapa, yachaisapa mandajtaca pi mana cuyuchinchu.

ECLESIASTÉS 10:16

¡Huambraraj jatun mandajta charij llajtalla, aij, imachari tucungui! Pai churashca mandajcunapish, tutamantamanmi jatun micuita callarincuna.

ISAÍAS 19:4

Egipciocunataca p'iña amopaj maquipimi churasha. Paicunataca mana llaquishpa llaquichij jatun mandajmi mandanga” ninmi Tucuita Mandaj Jatun Diosca.

ISAÍAS 3:1

Tucuita Mandaj Jatun Diosca Jerusalenpi, Judapi allicunata cujta, tucuita rurai tucujta anchuchingami. Micunatapish, anchuchingami. Yacutapish anchuchingami.

ISAÍAS 36:5

Canca sumaj shimicunata rimarishcallahuanchu ñucahuan macanacunata yuyangui. Can chashna rimashcaca cambaj shimillapitajmari saquirin. ¿Maijanpi shunguta churashpataj ñucataca c'ariyasha ninguiyari?

JEREMÍAS 15:1

Mandaj Diosca ñucataca cashnami nirca: “Moiseshuan, Samuelhuan cunantaj ñuca ñaupajpi paicunamanta shayarijpipish, cai runacunahuanca manataj alli tucushachu. Ñuca ñaupajmanta anchuchun, llujshishpa richij nigri.

JEREMÍAS 7:15

Efrainpaj huahua huahuacunataca tucuicunatami ñuca ñaupajmanta llujshichishpa cacharcani. Cancunatapish chai cancunapaj huauquicunata shinallatajmi, ñuca ñaupajmanta llujshichishpa cachasha ninmi.