JEREMÍAS 51:8 - Dios Rimashca Shimicunami

⁸ Shina cashpapish Babilonia llajtaca, paipaj maquimanta ñapish urmashpa ñuturishcallamari. Paimanta huacaichigari, bálsamo aceiteta mashcaichigari. Chaihuan jambijpica, paipaj chugricuna alliyangapishchari.

JEREMÍAS 51:8 Iomraidhean Croise

ISAÍAS 21:9

Chashna chapacushpami ishqui ishqui caballocuna carrocunata aisashca shamucujta ricurcani”. Paicunamanta shujca: “¡Babiloniaca urmanca, urmanca! Paicunapaj rurashcalla dioscunaca ñuturishpami pambapi siricun” nircami.

ISAÍAS 47:11

Maimanta shamushcata mana yachashca llaquimi cambaj jahuamanca shamunga. Cambaj jahuamanca mana mitsari tucuipaj llaquimi shamunga. Can mana yuyashca llaquimi cambaj jahuamanca ñapish shamunga.

ISAÍAS 47:9

Viuda canapish, huahua illaj canapish ishquindijmi chai punllaca cambaj jahuaman ñapish shamunga. Chai llaquicuna ama japichun brujocunahuan pajtachiricujpipish chai llaquica tucui fuerzahuanmi cambaj jahuaman shamunga.

JEREMÍAS 46:11

Egipto llajtapi causajcunalla, bálsamo aceiteta Galaad llajtamanta apamugrichijlla. Mashna jambicunata apamushpa jambirijpipish, cancunataca manataj alliyachingachu.

JEREMÍAS 48:20

Moab llajtamari, jatunta llaquichijpi yallitaj pingai tucushca. Jatunta caparirishpa huacaichigari. Moab llajta llaqui tucushcataca, Arnón yacu uripi causajcunamanpish huillaichigari ninmi.

JEREMÍAS 48:31

Chaimantami ñucaca Moab llajtamantaca, aij nishpa huacagrini. Tucui Moab llajtapi causajcunamanta, Kir-hares pueblopi causajcunamantaca, jatunta caparirishpami huacagrini.

JEREMÍAS 50:2

“Llajtacunapi huillashpa yachaj chayachichigari. Banderacunatapish ricunallapi churashpa cashna huillaichigari: Babilonia puebloca shujtajpaj maquipi urmanca. Bel shuti diosca yallitaj pingai tucunca, Merodac diospish ñuturishcamari. Paicunapaj rurashcalla tucui dioscunamari ñutushca siricun nishpa caparichigari. Imata ama upalla saquirichijchu.

JEREMÍAS 51:41

Tucui cai pachapi causajcuna alli nishca Babilonia llajtaca ¿ima shinataj shujtajcunapaj maquipi urmarcachu imamí? ¿Ima shinataj tucui llajtacunapi causajcuna mancharina tucurcachu imamí?

JEREMÍAS 8:22

Galaad llajtapica ¿bálsamo aceite tiyanchu imashi? ¿Manachu maijan jambij tiyanga imashi? ¿Imamantataj ñuca llajtapi causajcunaca, ima jambihuan manataj alliyanchu imamí?

EZEQUIEL 30:2

“Huañujlla aichayuj runalla, cashna huillayari: Mandaj Diosca cashnami nin: Huacaichigari, ¡aij chai punllaca imachari tucunguichij!

DANIEL 5:24

Chaimi pai cachajpi chai maqui ricurishpa cai shimicunata quillcashca.

DANIEL 5:31

Pai mandanataca Media llajtamanta caj Dariomi japirca. Paica sujta chunga ishqui huatayujmi carca.

NAHUM 3:19

P'aquirishcata alliyachinapaj jambica mana tiyanchu. Cambaj chugrica, mana jambipajmi. Canca tucuicunatami llaquichishpa causarcangui. Chaimanta can llaqui tucushcata uyajcunaca, tucuicunami maquicunata huajtangacuna” ninmi.

Apocalipsis 14:8

Shujtaj angelpish: “Babilonia jatun puebloca, tucui llajtacunapi causajcunaman machana vinota ubyachij shina huainayachishcamantaca, paica urmashcamari, urmashcamari” nishpami caparishpa caticurca.

Apocalipsis 18:2

Paica sinchita caparishpami, cashna nirca: “¡Babilonia jatun puebloca urmashcamari, urmashcamari! Supaicuna causanamari tucushca. Mapayachij tucui espiritucuna causana jutcumari tucushca. Millanayaj pajarocuna causana tazinmari tucushca.