JEREMÍAS 51:51 - Dios Rimashca Shimicunami

⁵¹ Cancunaca: “Ñucanchijca c'amijpi, pingaihuanmari canchij. Maitajshi runacuna shamushpamari Mandaj Diospaj huasipica, paipaj ch'icanchishca ucucama yaicurcacuna. Chaimantamari ñahuita maipi mana churaipajta pingai tucunchij” ninguichijmi.

JEREMÍAS 51:51 Iomraidhean Croise

SALMOS 109:29

Ñucata p'iñajcunaca yanganchishca canahuan churarishca cachun. Jahua churanaca musparishca canahuan churarishca cachun.

SALMOS 71:13

Ñucata p'iñajcunaca pingaichishca cachun. Ñuca causaita chingachishun nicujcunaca chingarishca cachun. Ñucata llaquichingapaj mashcacujcunataca pingaihuan tapachishca cachun. Musparinahuan tapachishca cachun.

SALMOS 79:1

Taita Dioslla, cambajlla allpamanca shujtaj llajtacunami shamurcacuna. Cambajlla huasitami mapayachircacuna. Jerusalentaca chingachishpami rumi montonllata saquircacuna.

SALMOS 79:12

Mandaj Dioslla, ñucanchij c'uchulla llajtacunataca canchis cutinhuan llaquichihuayari. Mandaj Diosta paicuna ima shinalla yanganchishca shinallataj paicunatapish llaquichihuayari.

SALMOS 79:4

Ñucanchij c'uchullapi causajcuna yanganchishcamari canchij. Ñucanchij muyundijpi cajcuna chanzata rurashpa asishcamari canchij.

SALMOS 89:46

Mandaj Dioslla, ¿maicamataj chashna ruranguiyari? ¿Shuj cutintajchu miticungui imatagari? ¿Shuj cutintajchu nina sindirij shina p'iñaringui imatagari?

ISAÍAS 13:1

Babiloniata llaquichinataca Amozpaj churi Isaiasman muscuipi shina ricuchishcami.

ISAÍAS 14:1

Mandaj Diosca Jacobpaj huahua huahuacunataca llaquingami. Israelcunataca cutinllatajmi agllanga. Paicunapaj allpallapitajmi samachinga. Caru llajtamanta cajcunapish paicunahuanmi shuj yuyailla tucungacuna. Jacobpaj familiami tucungacuna.

ISAÍAS 21:1

Mama cucha c'uchupi caj shitashca pambapi causajcuna imalla tucunataca cashami huillachishca: Neguevmantaca jatun acapanami shamun. Jatun acapana shinallatajmi manchanana llajtapi caj shitashca pambamantaca shamuncuna.

ISAÍAS 47:1

Babiloniapaj ushushi, c'arihuan manaraj chayarinacushca huarmi uriyashpa ñutu allpapi tiyari. Caldeocunapaj ushushi, tiyana illajllami cangui, pambapi tiyari. Cantaca ña mana sumaj atirida huarmimi cangui ningacunachu.

JEREMÍAS 14:3

Charijcunaca, cullqui jahua paicunata servijcunatami yacuman cachancuna. Paicunaca pugyuman chayashpapish, yacuta mana japishpami, chushaj puñucunahuan tigrancuna. Chaimantami yallitaj pingai tucushpa, llaquirishpa umata taparincuna.

JEREMÍAS 25:26

Janaj ladoman caj tucui llajtacunata jatun mandajcunamanmi ubyachircani. C'uchullapi cajcunaman, carupi cajcunaman tucui cai pacha llajtacunallamantajmi huasha, huasha ubyachircani. Tucuicunapaj q'uipaca, Babilonia llajtata jatun mandajmi ubyanga.

JEREMÍAS 31:19

Canmanta anchurishca cashpapish, cunanca llaquirinimi. Ñucallataj mana allita rurashcata cunan yuyaita japishpamari, ñuca changata chugrichirini. Manataj cungaripaj, yallitaj pingai tucunica. Huambraraj cashpa juchata rurashcamantamari cashna pingai tucuni ninmi.

JEREMÍAS 52:13

Jerusalenman pai shamushpaca, Mandaj Diospaj huasitapish, jatun mandajpaj huasitapish, shujtaj huasicunatapishmi rupachirca. Jatun huasicunataca tucuitami ninahuan tucuchirca.

LAMENTACIONES 1:10

Paita p'iñajca ima sumaj charinacunatacatucuitamariquichushpa aparca. Pai ricucujpimari Diospaj huasimanca shujtaj llajta runacuna yaicurca. Can Diosca chaicunataca cambajllacuna tandanacushcapica, ama yaicuchun nishcamari carcangui.

LAMENTACIONES 2:20

Mandaj Dioslla, ricuyari. Pita cashna llaquichishcataca yuyariyari. Huarmicunaca paicuna huachashpa, c'uyaihuan huiñachicushca huahuacunatamari micucuncuna. ¿Maitataj chashna llaqui tucuchun saquinguiyari? Curacunatapish, can ima nishcata huillajtapish can Jatun Diospaj huasi ucupi huañuchishca cachunca ¿maitataj saquinguiyari?

LAMENTACIONES 5:1

Mandaj Dioslla, ñucanchij llaqui tucushcata yuyarihuayari. Ñucanchijta cashna c'amishpa llaquichicujtaca tigrashpa ricuyari.

EZEQUIEL 24:21

“Tucui israelcunata cashna ningui: Mandaj Jatun Diosca cashnami nin: Riquichij, sumaj cashcata ricuchij ñucapajlla huasitaca chingachishami. Chai huasitaca sumaj cajllapimi, cancunaca ricunata munarcanguichij. Ñuca huasitaca sumaj cashcallamantami munanguichij. Shinallataj cancuna saquishca cancunapaj churicunapish, ushushicunapish espadapimi huañungacuna.

EZEQUIEL 36:30

Shujtaj llajtapi causajcuna, ama cutin cancuna yaricaihuan cajta ricushpa chanzata rurashpa asichunmi, yuracunapipish allpacunapipish granocunataca achcata p'ucuchisha.

EZEQUIEL 7:18

Paicunaca cañamazutami churaringacuna, jatun manchaipishmi japinga. Tucuicunallatajmi pingai tucungacuna. Umatapish tucuicunami lluchullata ruturingacuna.

EZEQUIEL 9:7

Chai q'uipapish, chai runacunataca cashnami nirca: “Diospaj huasitaca mapayachishpa, huañushcacunatapish huasi canllapi jundachishpa, llujshichijlla” nircami. Shina nijpimi paicuna llujshishpaca, chai pueblopi causajcunata huañuchircacuna.

DANIEL 11:31

Paipaj soldadocunaca Diospaj huasitapish, torretapish yangatami ruranga. Punllanta Diosman cushpa rupachinatapish saquichingami. Chaita saquichishpaca millanana chingachijtami chaipi churanga.

AMÓS 7:9

Isaacpaj huahua huahua israelcunapaj, lomacunapi tiyaj altarcunatapish tucuitami urmachisha. Paicunapaj dioscunata yuyarina huasicunatapish tucuitami chingachisha. Shinallataj israelcunata jatun mandaj Jeroboamtaca, paipaj huahuacunandijmi espadahuan huañuchishpa chingachisha– nircami.

MIQUEAS 6:16

Canca Omri mandashcacunallatami cazurcangui. Acabpaj familiacuna imata rurashcatami catircangui. Paicuna mandashcacunatapish, cunashcacunatapishmi rurarcangui. Chaimantami cantaca llaquinayajta saquisha. Caipi causajcunapish chanzata rurashpa asinami cangacuna. Chaimanta ñuca agllashcacunapaj llaquitami apanguichij” ninmi.

MIQUEAS 7:10

Chashna rurashcataca, ñucata p'iñajpish ricungami. Chaita ricushpaca, pingaringami. Paica ñucata llaquichicui punllapica: “¿Maipitagari canta Mandaj Taita Diosca?” nircami. Ashtahuanpish cunanca paitarajmi ñancunapi sirij lodota shina sarushpa llaquichicujta ricusha.