JEREMÍAS 51:12 - Dios Rimashca Shimicunami

¹² Babilonia pueblo muyundij jatun pircapi banderata shayachichigari. Ama llujshichun, alli cuidaj soldadocunata churaichij. Alli allichirishca chapaichigari. Mandaj Diosmari pai munashca shina llaquichinata yuyarirca. Babiloniapi causajcunata chashna llaquichisha nishcataca pajtachingatajmi.

JEREMÍAS 51:12 Iomraidhean Croise

PROVERBIOS 21:30

Ima alli yachaipish, alli yuyaipish, alli cunashcapish Mandaj Diospaj munaitaca mana shujtajyachi tucunchu.

ISAÍAS 11:12

Tucui llajtacuna ricunapajmi banderata shayachinga. Prezu apashca israelcunatami tandachinga. Caita chaita urata janajta rishca judiocunatami cai pacha chuscundij ladomanta tandachinga.

ISAÍAS 13:2

“Lluchu urcu jahuapi banderata shayachichij. Jatun mandajcuna yaicuna punguta soldadocuna yaicuchun maquita cuyuchishpa caparichij.

JEREMÍAS 23:20

Mandaj Diosca jatunta p'iñarishca cashpami, chashna ruragrin. Chaita rurangacama paica manataj alli tucungachu. Pai imata ruranata yuyarishcataca pajtachingatajmi. Q'uipa punllacunaca pai tucui chaicunata rurajpimi, cancunaca pai imallata rurana cashcataca tucuita yachanguichij.

JEREMÍAS 4:28

Chai llaqui shamujpica, allpaca yanata churarishca shinami saquiringa. Jahua pachapish amsayangami. Chaitaca ñucatajmi chashnami rurasha nircani. Chashna ruranata yuyarishcataca, mana shujtajyachishachu. Ama chashna rurasha nishpa, mana saquishallachu” nircami.

JEREMÍAS 50:2

“Llajtacunapi huillashpa yachaj chayachichigari. Banderacunatapish ricunallapi churashpa cashna huillaichigari: Babilonia puebloca shujtajpaj maquipi urmanca. Bel shuti diosca yallitaj pingai tucunca, Merodac diospish ñuturishcamari. Paicunapaj rurashcalla tucui dioscunamari ñutushca siricun nishpa caparichigari. Imata ama upalla saquirichijchu.

JEREMÍAS 50:25

Ñuca, Mandaj Diosmari ñuca macanacunacunata huaquichishca huasita pascarcani. Jatunta p'iñarishca cashpamari, ñuca macanacunacunataca llujshichircani. Tucuita Mandaj Diosmari caldeocunapaj llajtapica, ñuca rurana cashcata pajtachigrini.

JEREMÍAS 51:11

Mandaj Diosca Babilonia llajtataca, paipaj huasita urmachishcamantamari, jatunta llaquichisha nishca. Chaimantamari Media llajtata jatun mandajcunataca, Babiloniata llaquichina yuyaita cushca. Media soldadocunalla, puntajlla caspicunata alli p'ichaichigari, escudocunatapish rigrapi aparichigari.

JEREMÍAS 51:27

Tucui cai pachapi banderata alzaichigari. Chai pueblopi causajcunahuan macanacungapaj, trompetapi tocashpa tucui llajtacunamanta tandanacuichigari. Tucui runacuna paicunahuan macanacungapaj. Ararat, Mini, Askenaz shuti llajtacunamanta tandanacuichigari. Chai pueblopi causajcunahuan macanacuipi alli pushachun, alli mandajta churaichigari. P'iña langostacunatajlla caballocunapi tiyarishca huichiyamuichigari.

JEREMÍAS 51:29

Mandaj Diosca, Babilonia llajtata llaquichisha nishcataca pajtachigrinmari. Chai llajtataca shuj runallapish illaj, shitashcatamari saquinga. Chaita rurajpica, cai pachapish chujchushpa llaquillamari saquiringa.

LAMENTACIONES 2:17

Mandaj Diosmari pai rurasha nishcata rurarca. Ñaupamanta pai huillachishcatamari pajtachirca. Pai urmachina cashcataca mana llaquishpami, tucuita urmachirca. Canta p'iñajcunatamari mishashpa tucuchichun churarca. Canta mana ricunachijcunamanmari mishachun fuerzata curca.

JOEL 3:2

Tucui shujtaj llajtacunapi causajcunata tandachishpaca, Josafat pugru pambamanmi uriyachisha. Chaipimi ñuca agllashcacunata llaquichishpa causajcunataca llaquichisha. Paicunami ñucapajlla cachun agllashca israelcunataca, tucui llajtacunaman caita chaita cacharcacuna. Chashnami ñuca llajtataca chaupircacuna.

NAHUM 2:1

Nínive pueblolla, canta llaquichishpa chingachijmi huichiyamucun. Pata jahuaman huichiyashpa cuidaiyari. Ñanta shamujcunata chapaiyari, sinchita chumbilliriyari. C'ari c'ari shayariyari.

JOSUÉ 8:14

Israelcuna Hai puebloman chayagricujta ricushpaca, chai pueblopi causajcunata mandajca paipaj soldadocunata pushashcahuanmi israelcunahuan macanacungapaj utca llujshirca. Paicunaca israelcunapaj soldadocuna Hai pueblo huashaman pacalla chapacushcataca mana yacharcacunachu. Chaimantami Arabá pueblo ch'imbapuracama rircacuna.