JEREMÍAS 51:10 - Dios Rimashca Shimicunami

¹⁰ Ñucanchijtaca Mandaj Diosmari mana shitashca cashcata ricuchishca. Ñucanchijta Mandaj Dios mitsashcataca, jacuchij Siónpi parlashunchij.

JEREMÍAS 51:10 Iomraidhean Croise

SALMOS 118:17

Mana huañushachu, ashtahuanpish causashamari. Mandaj Dios imalla rurashcacunataca huillashamari.

SALMOS 37:6

Can cashcata ruraj cashcataca luzta shinami ricungacuna. Can cashcata ruraj cashcaca chaupi punlla shina achijllami canga.

SALMOS 64:9

Chaimantaca tucuicunami mancharingacuna. Taita Dios imallata rurashcatami huillangacuna. Chaipimi pai imallata rurashcata entendingacuna.

SALMOS 66:16

¡Taita Diosta manchajcuna tucuicuna shamuichij, uyaichij. Ñuca causaipi Taita Dios imallata rurashcatami parlasha!

SALMOS 9:14

Cantaca alabanataj cashcata Sionpi causajcunapaj pungucunapi huillachunmi quishpichingui. Can quishpichishcamantaca, jatuntami cushicuni.

ISAÍAS 24:14

Chai llaquimanta saquirijcunaca cushicushpa sinchita caparishpami cantangacuna. Mandaj Dios jatun cashcataca mama cucha ladomantapishmi caparishpa cantangacuna.

ISAÍAS 40:2

Jerusalenpi causajcunaman caparishpa paicunapaj shunguman chayajta cashna nishpa huillaichij. Cancuna llaquita apana punllaca ñamari tucurishca. Cancunapaj juchacunataca ñami perdonashca. Cancunapaj juchamantaca Mandaj Diospaj maquihuan llaquichicujpica ishquihuan yallitami llaquicunata chasquishcanguichij ninmi.

ISAÍAS 51:11

Mandaj Dios quishpichishcacunaca tigrangacunatajmi. Sionmanca cantaihuanmi tigrangacuna. Paicunapaj umapica huiñaitami cushicunga nishcata churashcami canga. Cushicuita, yallitaj cushicuitami charingacuna. Nanaipish, aij ninapish miticushpa maitatajshi rishcami canga.

JEREMÍAS 50:28

Babilonia llajtamanta quishpirishpa shamujcuna huillacujtamari uyani. Ñucanchijta Mandaj Diosmari Babilonia llajtapi causajcunataca, paipaj huasita urmachishcamanta llaquichishca nishpami huillacuncuna.

JEREMÍAS 50:45

Chashna cashcamantaca, Mandaj Dios Babilonia llajtata imata rurasha nishcata, caldeocunata ima shina llaquichinata yuyarishcata uyaichigari. Paicunapaj canlla ovejacunatapish ashtahuan uchillacamami apangacuna. Ovejacuna shayanacunatapish tucui urmachishpami saquingacuna.