JEREMÍAS 51:1 - Dios Rimashca Shimicunami1 Mandaj Diosca cashnami nin: Babilonia llajtatapish, chaipi causaj, ñucata c'ariyaj runacunatapish llaquichichun jatun huairatami cachagrini. Faic an caibideil |
“Babiloniapi causajcunataca puntajlla caspicunahuan huañuchichun tucui arcoyujcunata tandachichij. Tandanacushpa paipaj tucui muyundijpi shayarichij, shujllatapish ama causaj llujshichun saquichijchu. Paicuna rurashcallatataj cutichichigari. Paicunaca israelcunapaj jucha illaj Mandaj Diostamari jatun tucushpa c'ariyarcacuna.
Ñucamari janaj llajtamantaca Babilonia llajtata llaquichichun, tandanacushca c'ari c'ari runacunata pushamugrini. Chai janaj llajtamanta allichirishpa shamushpami, macanacushpa mishangacuna. Macanacunata alli yachaj c'ari c'ari runaca macanacuimantaca, mana chushajlla tigrangachu. Chashnallataj paicunapish puntajlla caspicunataca, shujllatapish mana yanga shitancunachu” ninmi.
Huauquicunapurapica pai miraricujpipish inti llujshin ladomanta huaira shamushpa, shitashca pambamanta Mandaj Diospaj huaira jatarishpami pajchashpa llujshicuj yacutaca chaquichinga. Pajchashpa llujshicuj jatun yacucunaca chaquiringami. Paicunapaj achca valij sumaj charinacunatapish quichushpami apanga.