JEREMÍAS 5:8 - Dios Rimashca Shimicunami

⁸ Huirayashca caballocuna huacarishpa caticuj shinami, shujtajcunapaj huarmicunata catincuna.

JEREMÍAS 5:8 Iomraidhean Croise

GÉNESIS 39:9

Cai huasipica ñucata yalli tucuita ricujca, pi mana tiyanchu. Ñuca amoca tucui paipaj ima charishcacunatapish tucuitami ñuca maquipi churarca. Canllatami mana ñuca maquipi churarca. Chashna cashcamanta ñucaca maitataj jatun millaita rurashpa, Taita Diosta p'iñachishpa juchallishari– nircami.

JOB 31:9

Shujtaj huarmita ricushpa, ñuca shungupi munashca cajpica, shujtajpaj huarmita umangapaj pungupi chapaj cashca cajpica,

ÉXODO 20:14

Ama huainayangui.

ÉXODO 20:17

Shujtajpaj huasita, paipaj huarmita cashpa, paipajta rurajta cashpa, pai huiñachishcata cashpa, paipaj huagrata cashpa, paipaj burrota cashpa, paipaj shujtaj ima charishcacunatapish ama munangui” nishpami mandarca.

PROVERBIOS 6:29

Maijanpish shujtajpaj huarmihuan churarishpaca, chai shinamari tucun. Cusayuj huarmipi chayarishpaca, paillatajmi jatun llaquipi yaicun.

JEREMÍAS 13:27

Tucui lomacunapipish, tucui pambacunapipish huainayanallata yuyashpami, huacarishpa purircangui. Ñucaca chaitaca ricucurcanimari. ¡Aij, Jerusalenlla! ¿Mashna huata llaquita apashpachari chuya saquiringui? ¿Ima horaschari mapa illajlla saquiringui?” ninmi.

JEREMÍAS 23:10

Cai llajtaca huainayajcunahuan jundamari. Millaita ruranallatami yachancuna, mandanapipish shujtajcunata llaquichishpallami tiyacuncuna. Chaimanta Dios llaqui tucuchun nijpimi, allpapish shitashca pamba shina chaquishca, michina pambacunapish tucui chaquishcami.

JEREMÍAS 29:23

Paicunaca israelcunapurapica, jatun millaitamari rurancuna. Pipaj huarmihuanpish huainayashpa puricushca jahuami, manapish ñuca huillachun cachajpi, llullashpalla ñuca shutipi huillancuna. Chaitaca tucuitami yachani, ñucatajmi tucuita ricuchigrini ninmi Mandaj Diosca” nishpami quillcashpa cacharca.

JEREMÍAS 50:11

Cancunaca ñuca llajtata tucuchishpaca, jatuntami cushicurcanguichij. Llullu q'uihuaman huagra yaicushca shinami sajsarcanguichij. Caballocuna huacaricuj shinami caparirircanguichij.

JEREMÍAS 9:2

Mana cashpaca shitashca pambapi ñanta purijcuna llandurina shinallatapish ñuca causanapaj maijan cujpica, ñuca llajtapi causajcunata saquishpa chaimanchari riman. Chaipitajca paicunamanta ch'icanyaimanmi. Paicunaca tucuicuna huainayajcuna, mana cazujcunamari.

EZEQUIEL 22:11

Tucuicunallatajmi shujtajpaj huarmihuan, millanana juchata rurarcacuna, quiquin nuerahuanpish millai munaita rurashpa mapayachircacunami. Shinallataj yayamanta lapanitapish japirircallami.

DEUTERONOMIO 5:18

Ama huainayangui.

DEUTERONOMIO 5:21

Shujtajpaj huarmita cashpa, paipaj huasita cashpa, paipaj allpata cashpa, paipajta ruraj c'arita cashpa, huarmita cashpa, paipaj huagrata cashpa, paipaj burrota cashpa, paipaj shujtaj ima charishcacunatapish ama munangui” nishpami mandarca.