JEREMÍAS 5:4 - Dios Rimashca Shimicunami

⁴ Shina cajpipish ñucaca cashnami yuyarcani: Cai huajcha runacunallami yuyai chingarishca shina causacungacuna. Caicunallamari paicunata Mandaj Dios mandashcatapish, ima shina causachun pai munashcatapish mana yachangacuna.

JEREMÍAS 5:4 Iomraidhean Croise

ISAÍAS 27:11

Chai yura ramacuna chaquijpica, p'aquishcami canga. Huarmicuna shamushpami ninata japichingacuna. Cai Israelcunaca mana yuyaita charijcunami. Chaimanta paicunata rurajca mana llaquingachu. Paicunata rurajca manataj llaquingachu.

ISAÍAS 29:12

Rezanata mana yachajmanpish librota cushpaca: “Cunanca caita rezai” nijpica, paica: “Mana rezanata yachanichu” ningami.

JEREMÍAS 10:8

Tucui paicunaca upacunami, imata mana yachajcunami. Paicunapaj yanta caspicunaca, imata mana yachachi tucunchu.

JEREMÍAS 4:22

Ñuca runacunaca alli yuyaihuan canapaj randica, imatapish mana uyashun nij rumi shungucunamari. Allitaca imata mana yachancunachu, millaita ruranapajtajcarinpish jatun yachajcunamari.

JEREMÍAS 7:8

Cancunaca manapish alli causaita cuipaj, llulla shimicunahuan inquitashcallamari causacunguichij.

JEREMÍAS 8:7

Cigüeñacunapish, jahua pachata ricushpa ima quillapi shujtajman rina cashcata yachanmi. Urpicunapish, grullacunapish, golondrinacunapish ima quillapi quiquin llajtaman tigranata yachancunami. Ashtahuanpish ñuca agllashca cancunaca, Mandaj Dios ñuca mandashcataca mana rijsinguichijchu.

JEREMÍAS 9:3

Mandaj Diosca cashnami nin: “Paicunapaj c'alluhuanca puntajlla caspita arcohuan shitaj shinamari llullancuna. Cai llajtapi charijyashpapish, ima allitaca mana rurancunachu. Ashtahuanpish ashtahuan millaicuna tucushpami, ñucataca ña mana rijsincuna.

OSEAS 4:6

Ñuca agllashcacunaca yachai illaj cashcamantami chingachishca carcacuna. Ashtahuanpish cantaca yachaita yanganchishcamantami ñucapajta ruraj cura canamantaca anchuchisha. Cambaj Taita Dios mandashcatamari cungarircangui. Ñucapish cambaj huahuacunataca cungarishami.

Mateo 11:5

Ñahui mana ricujcuna ricushcata, cojocuna purishcata, leprahuan cajcuna alliyashcata, rinrin mana uyajcuna uyashcata, huañushcacunata causachishcata, huajchacunamanpish alli huillaita huillashcata Juanmanca huillagrichij.