JEREMÍAS 5:16 - Dios Rimashca Shimicunami

¹⁶ Paicunaca tucuicuna c'ari c'aricunami. Carapi aparishca puntajlla caspicunahuanca pambana jutcucunata jundachijcunami.

JEREMÍAS 5:16 Iomraidhean Croise

SALMOS 5:9

Paicunapaj shimipica imatapish cashcata rimanaca mana tiyanchu. Shungupipish millaihuan jundami. Paicunapaj tunguripish pambana jutcuta pascashca shinami, c'alluhuanca sumajta rimaj tucucujcunami.

ISAÍAS 13:18

Q'uipa huiñaicunatapish paicunapaj arcocunahuanmi urmachingacuna. Cunanlla huacharishca huahuacunatapish mana llaquingacunachu. Paicunapaj ñahuipi ricurijtaca huahuacuna cachunpish manataj saquingachu.

ISAÍAS 5:28

Paicunapaj puntajlla caspicunapish ashtahuan puntajllata rurashcami canga. Paicunapaj arcocunapish shitanajllami canga. Paicunapaj caballocunapaj sillucunapish, yacu rumi shinami canga. Paicunapaj carrocunapaj ruedacunapish, acapana shinami callpanga.

JEREMÍAS 6:22

Mandaj Diosca cashnapishmi nin: “Janaj lado llajta runacunami shamugrin. Cai pacha tucuri llajtamantaca huaranga, huaranga runacunami shamugrin.

JEREMÍAS 6:23

Chai runacunaca arcotapish, shitashpa macanacuna lanzatapish aisashcami shamungacuna. Paicunaca pitapish mana llaquishpa huañuchijcunami. Mama cucha yacu manchanayajta huajiashpa jatarij shinami uyarimungacuna. Sión urcu pueblopi causajcunalla, chaicunaca cancunahuan macanacungapajmi caballocunapi tiyarishpa, allichirishca shamungacuna” ninmi.

LAMENTACIONES 3:13

Pai aparina carapi charicushca puntajlla caspicunataca, tucui caspicunatamari ñuca huijsapi shitarca.

Romanos 3:13

Paicunapaj tungurica, pambashca jutcuta pascashca shinami. Paicunapaj c'alluhuanmi umancuna. Paicunapaj shimi ucupica, culebracunapaj venenomi tiyan.