JEREMÍAS 5:13 - Dios Rimashca Shimicunami

¹³ Ashtahuanpish Dios ima nishcata huillajcunarajmi huaira shina chingaringacuna. Paicunaca manapish Dios huillanaman cachajpimi, imatapish llullancuna. Chaimantami paicunaraj, paicuna huillashca shinallataj chingaringacuna” nincunami.

JEREMÍAS 5:13 Iomraidhean Croise

2 CRÓNICAS 36:16

Chashna huillajpipish paicunaca, Dios cachashca huillajcunataca asircacunami. Paipaj shimicunata p'iñashpami, pai ima nishcata huillajcunataca chanzata rurashpa asircacuna. Mandaj Diosca, pai agllashcacuna chashna rurashpa yallitaj p'iñachijpimi, mana jarcai tucuipajta p'iñarishpa llaquichirca.

JOB 6:26

¿Cancunaca ñuca llaquihuan musparicushpa rimarishca huaira shina chingarijlla shimicunamantachu jarcashpa rimanguichij?

JOB 8:2

“¿Maicamataj chashna rimaricunguillari? Can rimashca shimicunaca, acapana huaira jatarishca shinallamari.

PROVERBIOS 25:14

Imata cushami nishpa jatun tucushpapish mana pajtachij runaca, huairapish p'uyupish shamushpa manapish tamyaj shinami.

ISAÍAS 41:29

Riqui, tucuicunami yangallacuna. Paicuna rurashcapish ima mana tiyanchu. Imamanpish rijchaj paicunapaj rurashcalla dioscunaca, huaira shina yangallami.

JEREMÍAS 14:13

Chashna nijpimi, ñucaca cashna nircani: “Mandaj Jatun Dioslla, canmanta huillajcunaca paicunamanca: Pi mana espadahuan huañuchinaman shamujta ricunguichijchu. Cancunapajca yaricaipish mana tiyangachu. Ashtahuanpish Diosca: Cai llajtapica mana tucurij sumaj causaitami cusha ninmi nishpami huillancuna” nircanimi.

JEREMÍAS 14:15

Manapish ñuca cachajpimari: Cai llajtamanca pi mana espadahuan huañuchingapaj shamungachu, yaricaipish mana tiyangachu nishpa llullashpalla ñuca shutipi huillancuna. Chaimanta Mandaj Diostajmi paicunataca cashna nini: Chai huillajcunaca espadahuan, yaricaihuanllatajmi huañushpa tucuringacuna.

JEREMÍAS 18:18

Jeremías huillashcata uyashpaca, cashnami ninacurcacuna: “Shamuichij, Jeremiasta huañuchinata yuyarinacushunchij. Mandashcacunata ñucanchijman yachachichunpish curacunaca mana illanchu. Alli yuyaita cungapajpish, yachajcuna mana illanchu. Dios ima nishcata huillajcunapish mana illangachu. Juchachishpa huañuipi churashunchij. Pai huillashcataca imata mana uyashunchijchu” nircacunami.

JEREMÍAS 22:22

Cancunata michijcunatapish, cancunapaj c'uyashcacunatapish tucuicunatami huaira apaj shina caru llajtaman prezu apangacuna. Chashna tucujpica cancuna millaita rurashpa causashcamantaca jatunta pingai tucushpami, ñahuita pambapi churanguichij.

JEREMÍAS 28:3

Chai Babilonia llajtata jatun mandaj Nabucodonosor cai ñuca huasimanta llujshichishpa, paipaj llajtaman apashca charinacunataca cunanmanta ishqui huatallapimi caiman tigrachimugrini.

JEREMÍAS 43:2

Osaiaspaj churi Azariaspish, Careapaj churi Johananpish, tucui caishuj jatun tucushca runacunapishmi Jeremiastaca cashna nircacuna: “Canca llullacunguillami. Maitataj ñucanchijta Mandaj Diosca: Ama Egipto llajtapi causagrichijchu nigri nishpaca cachashca cangari.

OSEAS 9:7

Llaquichina punllacunaca chayamushcami. Japina cashcata japina punllacunaca chayamushcami. ¡Israelcunaca chai shamuna punlla chayamushcatami entendingacuna! Cancunallataj yallitaj millaita ruraj cashcamantami profetataca sinchi shungumi tucushca nircanguichij. Alli yuyaiyuj runataca yuyai illajmi tucushca nircanguichij. Cancunaca yallitaj p'iñaj cashcamantami chashna nircanguichij.