JEREMÍAS 5:11 - Dios Rimashca Shimicunami

¹¹ Israelcunapish, Judá runacunapish paicunapaj yuyaimantatajmi ñucataca mana cazurcacuna” ninmi Mandaj Diosca.

JEREMÍAS 5:11 Iomraidhean Croise

ISAÍAS 24:16

Tucui cai pachamantami: “Cashcata rurajca jatun nishca cachun” nishpa cantacujta uyarcanchij. Chaimi ñucaca: ¡Aij ñucalla llaquihuanmari huañucuni, llaquihuanmari huañucuni! Mana cazujcunaca ña manataj cazuncunachu. Yallitaj mana cazuj millaicunami tucuncuna.

ISAÍAS 48:8

Cancunaca nunca manaraj uyarcanguichijchu, nunca manaraj yacharcanguichijchu. Cancunapaj rinrinca uyanapajca manaraj pascarishcachu carca. Canca imatapish manataj pajtachij cashpa, mana cazuj cajpimi mamapaj huijsamanta pacha cantaca: Caica mana cazujmi nishpa shutichircani.

JEREMÍAS 12:1

Mandaj Dioslla, canca ñuca imata nijpipish cashcata cutichinguillami. Shina cajpipish caitamari cantaca tapusha nipani: ¿Imamantataj canta mana cazujcuna cashpapish, alli causanllacunari? Canmanta anchurijcunapish sumajta causanllacunamari.

JEREMÍAS 3:20

Ashtahuanpish can israelcunaca shuj mana c'uyaj huarmi paipaj cusata shitaj shinamari ñucataca mana cazushpa shitarcanguichij. Mandaj Diostajmi chashna nini.

JEREMÍAS 5:10

Cai pueblo muyundij pircacunaman huichiyashpa t'unichij. Chai pircacunaca mana ñucapajchu, jahua umamanta callarishpa urmachichijlla. Shina cashpapish ama tucui chingachichijchu.

JEREMÍAS 9:2

Mana cashpaca shitashca pambapi ñanta purijcuna llandurina shinallatapish ñuca causanapaj maijan cujpica, ñuca llajtapi causajcunata saquishpa chaimanchari riman. Chaipitajca paicunamanta ch'icanyaimanmi. Paicunaca tucuicuna huainayajcuna, mana cazujcunamari.

OSEAS 5:7

Mandaj Diostaca c'ariyashpami llaquichishcacuna. Huahuacunatapish shujtaj dioscunapaj huahuacuna cachunmi saquishca. Chashna cashcamanta cunanca paicunatapish, paicunapaj allpacunatapish shuj quillallapimi tucuita chingachishca canga.

OSEAS 6:7

Ashtahuanpish paicunaca, Adán shinallatajmi ari ninacushcata p'aquirca. Chashna juchallishpami ñucata llaquichirca.