JEREMÍAS 5:10 - Dios Rimashca Shimicunami

¹⁰ Cai pueblo muyundij pircacunaman huichiyashpa t'unichij. Chai pircacunaca mana ñucapajchu, jahua umamanta callarishpa urmachichijlla. Shina cashpapish ama tucui chingachichijchu.

JEREMÍAS 5:10 Iomraidhean Croise

2 CRÓNICAS 12:4

Tucui chaicunahuan Judaman shamushpami, muyundijta jatun pircacunayuj pueblocunapi causajcunahuan macanacushpa mishashpaca, Jerusalenmanpish chayarca.

2 CRÓNICAS 36:17

Mandaj Diosca yallitaj p'iñarishca cashpami, Judapi causajcunata llaquichichun caldeocunata jatun mandajta cacharca. Pai shamushpami q'uipa huiñaicunataca, Diospaj huasi ucullapitaj espadacunahuan huañuchirca. Mosocunatapish, solteracunatapish, yuyajcunatapish, ungushcacunatapishmi tucuicunata chai jatun mandajpaj maquipi churarca.

JEREMÍAS 2:21

Ñucaca cancunataca alli uva muyumanta huiñashca yuracunatamari tarpurcani. Ima sacha yurahuan chagruta mana tarpurcanichu. ¿Imamantataj sacha uva shina tucurcanguichigari?

JEREMÍAS 25:9

Chaimanta cunanca tucui janaj lado llajtacunapi causaj ch'ican ch'ican aillucunatapish, Babilonia llajtata jatun mandaj ñucata servij Nabucodonosortapishmi caiman pushamugrini. Paitami cai llajtapi causajcunatapish, cai muyundij tucui llajtacunatapish llaquichishpa tucuchichun churagrini. Chashna huiñaipaj shitashcata saquishpami, chanzata rurashpa asinata rurasha. Ñuca Mandaj Diostajmi chashna nini.

JEREMÍAS 30:11

Ñucaca cancunata quishpichingapaj cancunahuanmi cani. Ñuca cancunata mai llajtallaman prezu cachashca cashpapish, chai llajtacunataca tucuchishami. Ashtahuanpish cancunataca mana tucuchishachu. Llaquichinataca llaquichishatajmi. Shina cashpapish cancunataca allichingapajllami llaquichisha” ninmi Mandaj Diosca.

JEREMÍAS 39:8

Caldeo soldadocunaca mandana huasitapish, tucui Jerusalén pueblo huasicunatapishmi rupachircacuna. Muyundij jatun pircacunatapish urmachircacunami.

JEREMÍAS 4:27

Ñaupamanmi Mandaj Diosca cashna nirca: “Tucui llajtatami chushajllata saquisha. Shina cashpapish, tucuitajca mana chingachishachu.

JEREMÍAS 46:28

Jacobopaj huahuacunalla, cancunaca ñucata servijcunamari canguichij, ama manchaichijchu. Ñucamari cancunahuan casha. Ñuca llujshichishpa cachajpi, cancunata apashca llajtacunata tucuchishpapish, cancunataca mana tucui chingachishachu. Ashtahuanpish cancunataca llaquichina shinallatami llaquichisha. Shina cashpapish, cancunataca llaquichinatajmi cani ninmi Mandaj Diosca” nircami.

JEREMÍAS 5:11

Israelcunapish, Judá runacunapish paicunapaj yuyaimantatajmi ñucataca mana cazurcacuna” ninmi Mandaj Diosca.

JEREMÍAS 5:18

Mandaj Diosca caitapishmi nin: “Chai llaqui punllacuna chayamujpipish, tucuitajca mana chingachishachu.

JEREMÍAS 5:9

Cashna juchamantaca ¿manachu llaquichina cani imatagari? Chashna millai runacunataca ¿manachu p'iñarishpa ñacachisha imatagari? Mandaj Diostajmi chashna nini.

EZEQUIEL 12:16

Paicunapuramantaca ashacunallatami, espadahuan, yaricaihuan, ungüihuan huañunamantaca quishpichisha. Paicunami mai llajtaman chayashpapish: Ñucanchijca yallitaj millaitami rurashcanchij nishpa, tucuita huillangacuna. Chaimantami ñucataca, Mandaj Diostaj cashcatapish yachangacuna” nircami.

EZEQUIEL 14:17

Mana cashpaca espadata cai llajtaman apamushpaca: Espada, cai llajtapi causaj runacunatapish, animalcunatapish huañuchi nishpa huañuchichicujpica,

OSEAS 1:9

Taita Diosca: “Cancunaca ña mana ñuca agllashcacunachu canguichij. Ñucapish ña mana cancunapaj Taita Dioschu cani nishca shuti Lo-ammita shutichi” nircami.

AMÓS 9:8

Mandaj Jatun Dios ñucaca, jucha mandacun Israel llajtataca ricucunimi. Paicuna chashna millaita rurashcataca p'iñanimi. Chaimanta cai llajtapi causajcunataca anchuchishami. Chashna anchuchicushpapish, ñaupa yaya Jacobpaj huahua huahuacunataca manataj tucuita chingachishachu.

Mateo 22:7

Chaita jatun mandaj uyashpaca p'iñarishpami, chai huañuchijcunata huañuchichun, paicunapaj pueblotapish rupachichun, paipaj soldadocunata cacharca.