JEREMÍAS 49:2 - Dios Rimashca Shimicunami

² Chaimantami Mandaj Diosca cashnapish nin: “Shuj punllaca Amón runacuna causan Rabá pueblopica, jatun macanacuitami churasha. Chaipica caparirishpami llujshingacuna. Chai puebloca rumi montonllami saquiringa. Chai muyundij tucui caishuj pueblocunapish rupachishcami canga. Chai punllami israelcunaca, paicunata quichushca pueblocunata cutin tigra japingacuna” ninmi Mandaj Diosca.

JEREMÍAS 49:2 Iomraidhean Croise

2 SAMUEL 11:1

Chai q'uipa huataca cashnami tucurca: Cozicha punllacuna tucurijpi jatun mandajcuna macanacuiman llujshina punllacunapimi Davidca Joabtaca paipajta rurajcunandij, tucui israelcunandij cachajpi amonitacunata ñutuchishca q'uipaca, Rabá pueblo muyundijpi shayarircacuna. Davidca Jerusalenllapitajmi saquirirca.

SALMOS 48:11

Quiquin cashcata rurashpa mandajpica Sión urcuca cushicungami. Judapaj ushushicunaca cushicungami.

SALMOS 97:8

Mandaj Dioslla quiquin cashcata ruraj cashcata Judapaj ushushicuna uyashpaca cushicurcamari. Chaita Sión uyashpaca cushicurcamari.

ISAÍAS 11:14

Ashtahuanpish ishquindij tucushpami, inti huashicun ladopi caj filisteocunataca llaquichinga. Inti llujshin ladopi causajcunatapish imalla charishcacunata quichungacunami. Edomcunapish, Moabcunapish paicunapajtami rurangacuna. Amonitacunapish paicunatami cazungacuna.

ISAÍAS 17:1

Damasco pueblo imalla tucuna cashcataca cashnami huillachishca: “Riqui, Damascoca ña mana pueblo cangachu. Rumi montonllami canga.

JEREMÍAS 4:19

¡Aij ñuca shungulla! ¡Aij ñuca shungulla! Ñuca shungu angucuna nanaihuan p'itirigrinca. Ñuca shunguca manchanayajta saltacunca. Jatun macanacuipaj trompetapi tocashcapish, caparishcapish uyarijpica, maitataj ñuca almaca upalla cangari.

JEREMÍAS 49:1

Mandaj Diosca, Amón llajta runacunamantaca cashnami nin: “Israelcunaca, ¿manachu huahuacunata charin imatagari? Paicunapaj allpacunataca ¿manachu piman cunata charin imatagari? ¿Imamantataj Milcom diosca, Gad aillu israelcunataca llajtata quichushcari? ¿Imamantataj cunanca paipaj runacuna chai pueblocunapi causancunari?” ninmi.

EZEQUIEL 21:20

Shinallataj Amonpaj huahua huahuacuna causacun Rabá pueblomanpish, Judá llajtapi tiyaj muyundijta pircashcata Jerusalén pueblomanpish chai espada maijan ñanta rina cashcata ricuchingui.

EZEQUIEL 21:25

Israel llajtata mandajlla, canca ñucata mana manchaj millai runami cangui. Can millaita rurashcamanta, yallitaj llaquichishpa tucuchina punllaca ñamari pajtamushca” ninmi.

AMÓS 1:14

Chashna llaquichishcamantaca, Rabá pueblo muyundij patapimi ninata japichisha. Jatun macanacui punllapica ninaca trasyacujmi canga. Chai ninallahuantajmi paicuna mandashpa tiyana huasicunatapish tucui rupachisha. Chai punllaca jatun mancharina punllami canga.

ABDÍAS 1:19

Neguev llajtapi causaj israelcunaca, Esaupaj huahua huahuacuna causana urcutami japingacuna. Sefela pambapi causajcunaca, filisteocunapaj llajtatami japingacuna. Shinallataj Efraín llajtatapish, Samaria llajtatapishmi japingacuna. Benjaminpaj huahua huahuacunaca, Galaad llajtatami japingacuna.

NÚMEROS 10:9

Cancunapaj llajtapi cajpi cancunata p'iñajcuna cancunahuan macanacunaman shamugrijpi, paicunahuan macanacunaman llujshigrishpaca yallitaj sinchita trompetacunapi tocachinguichij. Chashna rurajpimi Mandaj Dios cancunapaj Dios cancunata yuyarishpa, cancunata p'iñajcunamanta quishpichishca canguichij.

NÚMEROS 21:25

Israelcunaca amorreocunapaj tucui pueblocunatami japircacuna. Hesbón pueblotapish muyundij uchilla pueblocunandij japishpami chaipi causarcacuna.

DEUTERONOMIO 13:16

Cancunaca chaipi tucui imalla japishcacunataca chaupi plazapi montonanguichij. Chai pueblotaca, chai japishcacunandij ninata japichishpa rupachinguichij. Tucui chaica Mandaj Dios cancunapaj Taita Diosman tucuita cushpa tucui rupachishca shinami canga. Chai puebloca rumicuna p'aquirishca montonllami huiñaipaj saquiringa. Cutinca ña mana pi shayachingachu.

DEUTERONOMIO 3:11

Yallitaj jatun runacunapuramantaca Basán llajtata jatun mandaj Og runallami saquirirca. Paipaj camaca fierromanta rurashcami carca. ¿Manachu Amón llajtapi caj Rabá pueblopi chaica tiyacun? Chai camaca sunimanca chuscu metro pichca centímetro, anchomanca shuj metro pusaj chunga centimetromi. Shuj runapaj codo medidapi medishcami carca.

JOSUÉ 17:11

Manasespaj huahua huahuacunaca Isacar, Aser shuti llajtacunapica cai pueblocunatapishmi charirca: Bet-seán, Ibleam pueblocunatami, muyundij llajtacunandij charirca. Dor pueblopi causajcunapish, muyundij llajtacunandij, Endor pueblopi causajcunapish, muyundij llajtacunandij, Taanac pueblopi causajcunapish, muyundij llajtacunandij, Meguido pueblopi causajcunapish, muyundij llajtacunandijmi paicunapaj carca. Chaicunaca quimsa jatun llajtacunami.

JOSUÉ 17:16

Josepaj huahuacunaca: –Chai urcupish ñucanchijpajca mana pajtangachu. Chai pambajlla llajtacunapi causaj tucui cananeocunapish fierro carrocunatami charin. Bet-seán muyundij llajtacunapi causajcunapish Jezreel pugru pambapi causajcunapish chashnallatajmi charin– nircacunami.