JEREMÍAS 48:41 - Dios Rimashca Shimicunami

⁴¹ Chashna shamushpami tucui pueblocunata mishanga, tucui jatun torrecunayuj pueblocunatapishmi mishashpa japinga. Chai punllaca Moab runacunaca ashtahuan c'ari c'aricunapish, huachana nanaihuan caj huarmi shinami cangacuna.

JEREMÍAS 48:41 Iomraidhean Croise

ISAÍAS 13:8

Yallitaj manchai, yallitaj llaqui, yallitaj nanaicunami paicunataca llapinga. Huachana nanaihuan caj huarmi torcericuj shinami tucungacuna. Paicunahuan cajcunata caishuj chaishuj ñahuita ricunacushpaca tucuicunami jatunta mancharingacuna. Paicunapaj ñahuicunaca nina lunyacuj shinami cangacuna.

ISAÍAS 21:3

Chaimantami ñucaca huasha nanaihuan chujchucurcani. Huachana nanaihuan caj huarmita shinamari llaquica ñucataca japirca. Chaita uyashpaca llaquillami carcani. Chaita ricushpaca musparircanimi.

JEREMÍAS 30:6

Maipi shuj runa huachashcata pitapish tapushpa uyaichigari. Ñucaca tucui c'aricunatami huachana nanaihuan caj huarmi shina cintura quinrita chariricujta ricuni. Tucuicunamari quillu quillu ñahui tucushcacuna.

JEREMÍAS 4:31

Punta cutin huachana nanaihuan caj huarmi shina capariricujtami uyarcani. Sión urcupi causajcunamari caparirishpa huacacun. Maquicunata chutashpamari: “¡Aij ñucalla, cunantajca imachari tucusha! Cai huañuchij runacuna huañuchigrinca” nishpa capariricun.

JEREMÍAS 4:9

Mandaj Diosca cashnapishmi nin: “Chai llaqui punlla chayamujpica jatun mandajpish, pai churashca mandajcunapish manchaihuan upayangacunami. Curacunapish imata mana shimi llujshi tucungacunachu. Huillajcunapish manchaihuan chujchungami” ninmi.

JEREMÍAS 48:24

Queriot shuti, Bosra shuti pueblocunapajmari llaqui shamushca. Moab llajta pueblocunapajca c'uchullapi cajcunapajpish, carupi cajcunapajpish, tucui pueblocunapajllatajmi jatun llaqui shamushca.

JEREMÍAS 49:22

Bosra pueblopi causajcunata llaquichinamanca, alasta pascashpa huairapi águila shamuj shinami shamunga. Chai punllapica Edom runacunaca, ashtahuan c'ari c'aricunapish, huachana nanai japishca huarmi shinami canga” ninmi.

JEREMÍAS 49:24

Damascopi causajcunapish, imata mana rurai tucushpa, miticunaman callpagrincunami. Jatun manchai, jatun nanaimari japishca. Huachana nanai japishca huarmi shinamari tucuncuna.

JEREMÍAS 50:37

Espadahuanmi paicunapaj caballocunatapish, carretacunatapish tucuchingacuna. Espada shamujpica, tucui soldadocunapish huarmicuna shinami manchangacuna. Espadahuan yaicushpami, paicuna imalla charishcacunatapish llujshichingacuna.

JEREMÍAS 50:43

Babilonia llajtata jatun mandaj chaita uyashpaca, rigracuna chujchurcami. Yallitaj manchashpami, nanaihuan mana huachai tucucuj huarmi shina tucurca.

JEREMÍAS 51:30

Babilonia llajta c'ari c'ari soldadocunaca, mana macanacui tucushpa saquincunamari. Fuerza illajpimari, jatun torrecunapi huichcarincuna. Huarmicuna shinamari tucuncuna. Paicunapaj huasicunaca rupacunmari, pueblo pungu aldabacunapish p'aquishcamari.

JEREMÍAS 6:24

Chai runacunaca pitapish mishajcuna cashcata uyashpaca, ñucanchij rigracunapish chujchushpa huarcurinmi. Ñucanchijtaca jatun manchaimari japin. Huachacuj huarmi shina jatun nanaihuanmari canchij.

AMÓS 2:2

Chashna llaquichishcamantaca, Moab llajtallapitajmi ninata japichisha. Chai ninallatajmi, Queriot pueblota mandashpa tiyana huasicunatapish tucui rupachinga. Moab llajtapi causajcunaca, trompetapi tocashpa caparinacucujpimi, tucuicuna huañungacuna.

1 Tesalonicenses 5:3

Tucuicuna: “Allitaj, sumajtami causacunchij” ninacucujpica, chichu huarmita nanai japij shinami paicunapajmanca, jatunta llaquichinaca ñapish shamunga. Chaimantaca manataj miticungacunachu.