JEREMÍAS 48:4 - Dios Rimashca Shimicunami

⁴ Moabpi causajcunataca jatun llaquimari japishca. Uchilla huahuacunapish caruman uyarijtamari huacacuncuna.

JEREMÍAS 48:4 Iomraidhean Croise

ESTER 8:11

Chai quillcacunapica jatun mandajca, judiocunataca tucui pueblocunapi causajcunatami cashna mandarca: “Mai llajtapi cashpapish chaipi causajcuna cancunata huañuchingapaj macanacunacunahuan shamujpica, cancuna causacun pueblocunapi tandanacushpa mitsaringuichij. Huañuchinaman shamujcunapajtaca huarmicunatapish, huahuacunatapish ama llaquishpa huañuchinguichijlla. Paicuna imalla charishcacunatapish japi tucunguichijmi.

SALMOS 137:9

Cambaj huahuacunata japishpa peña urcupi huajtajca cushichishcami.

JEREMÍAS 20:16

Chai runaca Mandaj Dios, Judá llajta pueblocunata mana llaquishpa huiñaipaj llaquichishca shina llaqui tucushca cachun. Tutamantapish jatun llaquihuan caparirishca uyarichun. Chaupi punllapish jatun macanacuipi caparirishca uyarichun.

JEREMÍAS 48:3

Horonaim pueblotapish jatun llaquita rurashpamari tucuchicuncuna. Jatunta caparirishpa huacashcami uyaricun.

JEREMÍAS 48:5

Luhit pueblo huichitaca jatunta caparirishpami, huacashpa huichiyangacuna. Horonaim pueblo uritapish p'iñajcuna uyajta caparirishpami, huacaihuan uriyarcacuna.