JEREMÍAS 48:12 - Dios Rimashca Shimicunami

¹² Mandaj Diosca cashnapishmi nin: “Uni huatacunata shuj puñullapi tiyacushca vinota shujtaj puñucunapi churachun shuj runacunata cachagrinimi. Chai punlla chayamujpi paicuna shamushpami, chai vinotaca shujtaj puñucunapi churangacuna. Vino tiyacushca cara capachucunatapish chushajyachishpaca, tucui lliquingacunami.

JEREMÍAS 48:12 Iomraidhean Croise

SALMOS 2:9

Paicunataca fierro varahuan p'aquingui. Allpa mangata shina ñutungui” ninmi.

ISAÍAS 16:2

Pájaro mancharishpaca paipaj tazinta shitashpami miticugrin. Moabcunapish chai shinallatajmi, Arnón yacuta maitami ch'imbanallacunata miticushpa ringacuna.

ISAÍAS 30:14

Chai pataca allpamanta imata ruraj rurashca vasota ñutuj shinami ñutunga. Mana llaquishpami ñutuchinga. Allpa vaso ñuturijpica, tullpamanta nina brazusta surcungapaj shuj mirgallapish mana saquirinchu. Mana cashpaca pugyumanta yacuta surcungapaj shuj mirgallapish mana saquirinchu” ninmi.

JEREMÍAS 14:3

Charijcunaca, cullqui jahua paicunata servijcunatami yacuman cachancuna. Paicunaca pugyuman chayashpapish, yacuta mana japishpami, chushaj puñucunahuan tigrancuna. Chaimantami yallitaj pingai tucushpa, llaquirishpa umata taparincuna.

JEREMÍAS 19:10

Chashna nishca q'uipaca, canhuan rij yuyajcunapaj ñaupajpi puñuta p'aquingui.

JEREMÍAS 25:34

Michijcuna, caparirishpa huacaichigari. Oveja canllacunata pushajcuna, llaquirishpa allpapi singuichigari. Cunan punllami cancunataca cungata p'itishpa, tsirapana pajtashca. Sumaj vasota p'aquishca shinami saquiringuichij.

JEREMÍAS 25:9

Chaimanta cunanca tucui janaj lado llajtacunapi causaj ch'ican ch'ican aillucunatapish, Babilonia llajtata jatun mandaj ñucata servij Nabucodonosortapishmi caiman pushamugrini. Paitami cai llajtapi causajcunatapish, cai muyundij tucui llajtacunatapish llaquichishpa tucuchichun churagrini. Chashna huiñaipaj shitashcata saquishpami, chanzata rurashpa asinata rurasha. Ñuca Mandaj Diostajmi chashna nini.

JEREMÍAS 48:11

Moab runacunaca callarimantapachami sumajta causarcacuna. Vinoca shuj puñullapi unita tiyashpaca, p'ucurishpa mishquijllami tucun, mishquijlla ashnaipish mana anchurinchu. Vinota mana shujtaj shujtaj puñucunaman pasachishca shinami paicunaca mana maijan llajtaman prezu rircacuna ninmi.

JEREMÍAS 48:13

Chashna rurajpica Moab llajtapi causajcunaca, Quemosta yanga charishcamanta pingai tucungacunami. Israelcuna Bet-elpi shunguta churashpa causashca cashpapish, llaqui tucushpa pingai tucushca shinallatajmi pingaringacuna.

JEREMÍAS 48:15

Ñamari Moab llajtaca tucuchishca siricun, tucui pueblocunatamari urmachishcacuna. Huambraraj sinchi runacunataca tucuicunatamari cungata p'itishpa huañuchishcacuna” ninmi Jatun Mandajca, paica tucuita Mandaj Dios shutimi.

JEREMÍAS 48:38

Mandaj Diosca cashnami nin: “Ñucami Moab llajtataca yalli maucayashca puñuta ñutuj shina llaquichisha. Chaimantami Moab runacunaca tucui huasi jahuacunapipish, callecunapipish caparirishpa huacangacuna” ninmi.

JEREMÍAS 48:8

Shujtaj llajta runacuna shamushpami, tucui pueblocunata tucuchinga. Shuj pueblollapish mana alli saquiringachu. Pugru pambacunapish, loma jahua pambacunapish Mandaj Dios nishca shinallataj, ima illajmi saquiringa.

NAHUM 2:2

Mandaj Diosca Jacobopaj huahua huahua israelcuna sumaj cashcataca, cutinmi alliyachinga. Shuhuacunaca paicuna imalla charishcacunatami quichushpa aparcacuna. Paicunataca uva yuracunata saruj shinami sarurcacuna.