JEREMÍAS 48:11 - Dios Rimashca Shimicunami

¹¹ Moab runacunaca callarimantapachami sumajta causarcacuna. Vinoca shuj puñullapi unita tiyashpaca, p'ucurishpa mishquijllami tucun, mishquijlla ashnaipish mana anchurinchu. Vinota mana shujtaj shujtaj puñucunaman pasachishca shinami paicunaca mana maijan llajtaman prezu rircacuna ninmi.

JEREMÍAS 48:11 Iomraidhean Croise

SALMOS 123:4

Achcata charijcuna chanzata rurajpi, ñucanchij almaca shaicushcamari. Jatun tucushcacuna yanganchijpi yallitaj shaicushcami canchij.

SALMOS 55:19

Ñaupa punllacunamanta huiñaicama causacuj Taita Diosca uyashpa paicunataca utcami llaquichinga. Paicunallataj Taita Diosman mana cutirishcamanta, paita mana manchashcamantami chashna ruranga. Selah

PROVERBIOS 1:32

Upacunataca paicunapaj panda causaillatajmi huañuiman chayachin. Rumi shungucuna cushicushpa causashcaca, chingarinaman apanllami.

ISAÍAS 16:6

Moabitacunataca jatun tucushca cashcatami uyashcanchij. Paicunaca c'ari c'ari tucushcacunami, jatun tucushcacunami, ñahui alzashcacunami. Imata rimacushcata mana entendishpa yallitaj jatun tucushcacunami. Paicuna llullashpalla chashna cashcaca mana caticungallachu.

ISAÍAS 24:3

Tucui allpami chushajlla saquiringa. Tucui imapish illajmi saquiringa. Mandaj Diosmi tucui chaicunataca huillan.

ISAÍAS 25:6

Tucuita Mandaj Diosca, cai urcupimi tucuicunapaj fuerzata cuj shuj jatun micuita ruranga. Alli aichahuan ñutcundij sumaj jatun micuitami ruranga. Tucuimanta yalli alli vinohuanmi canga.

JEREMÍAS 22:21

Ñucaca cancuna manaraj ima llaqui tucujpimi rimarcani. Ashtahuanpish huambramantapachami ñuca imata nijpipish: Manataj uyashachu nishpa manataj uyaj carcanguichij.

JEREMÍAS 48:12

Mandaj Diosca cashnapishmi nin: “Uni huatacunata shuj puñullapi tiyacushca vinota shujtaj puñucunapi churachun shuj runacunata cachagrinimi. Chai punlla chayamujpi paicuna shamushpami, chai vinotaca shujtaj puñucunapi churangacuna. Vino tiyacushca cara capachucunatapish chushajyachishpaca, tucui lliquingacunami.

JEREMÍAS 48:29

Moab runacuna jatun tucushca cajtaca uyashcanguichijllatajmi. Paicunaca yallitaj jatun tucushca, c'ari c'ari tucushca, pita mana manchaj, pita mana cazuj tucushcacunami.

JEREMÍAS 51:34

“Babilonia llajtata jatun mandaj Nabucodonosormi, ñucataca ñutushpa tucui micurca. Chashna rurashpami, ñucataca chushajlla vasota shina saquirca. Jatun manchanana animal shamushpa huijsa jundata micuj shinami, ñuca charishca ima sumajcunataca tucuchirca. Chashna micushpaca, ñucataca llujshichishpami shitarca.

NAHUM 2:10

Chushajlla, huañucuj, llaquinayajmari saquirishca. Shungupish huañushcamari. Cunguri mucucunapish chujchucunmari, huijsatapish nanachicunmari. Ñahuicunapish quillu quillumari tucushca.

NAHUM 2:2

Mandaj Diosca Jacobopaj huahua huahua israelcuna sumaj cashcataca, cutinmi alliyachinga. Shuhuacunaca paicuna imalla charishcacunatami quichushpa aparcacuna. Paicunataca uva yuracunata saruj shinami sarurcacuna.

SOFONÍAS 1:12

Chai punllapica luzta japichishpami, Jerusalén pueblopi causajcuna imalla rurashcataca ricusha. Siquiyashca vino shina imata mana manchashpa causacuj runacunatapish llaquichishami. Paicunaca shungu ucullapica: Mandaj Diosca allitapish, mana allitapish mana rurangachu nincunami.

ZACARÍAS 1:15

Chaimantami ricuj llajtacunahuanca yallitaj p'iñarishca cani. Ñuca ashallata p'iñarishca cajpica, ashtahuanpish paicunaca yallitaj millaita rurashpami p'iñachircacuna ninmi.