JEREMÍAS 48:10 - Dios Rimashca Shimicunami

¹⁰ Mandaj Dios mingashcata mana cushicuihuan ruraj runaca, llaqui tucushca cachun. Paipaj espadahuan mana huañuchigrijpish, llaqui tucushca cachun.

JEREMÍAS 48:10 Iomraidhean Croise

1 REYES 20:39

Jatun mandaj paipaj chaita ña pasagrijpica: –Can jatun mandajpajta ruraj ñucaca macanacuipimi carcani. Chaipimi ñucanchijpura shuj soldadoca, shujtaj soldadota prezu japimushpa ñucaman cushpaca: Cai soldadota cuidangui. Ima shinamanta miticushpa rijpica canmi paipaj randi huañungui, mana cashpaca shuj talento cullquitami cuna cangui nircami nishpami sinchita caparirca.

1 REYES 20:40

Shina cajpipish cambajta ruraj ñuca caita chaita ruracujpimari, chai soldadoca ñapish mana ricurinlla– nijpimi israelcunata jatun mandajca: –Canllataj mana alli cuidashcamantaca, can huillashca shinallataj llaqui tucunguillatajchari– nirca.

1 REYES 20:42

Chaipimi profeta canata yachacujca Acabtaca: –Mandaj Diosca cashnami nin: Ñuca chingachina cashca runata cambaj maquimanta cacharishpa cachashcamantaca, canmi paipaj randi huañungui. Cambaj soldadocunami, paipaj soldadocunapaj randi huañungacuna ninmi– nircami.

2 REYES 13:19

Chaimi Diospaj runa paihuan p'iñarishpaca: –Pichca cutinllapish, mana cashpaca sujta cutinllapish huajtashca cashpami, Siria llajta soldadocunataca shujllatapish mana saquishpa tucuita chingachinguiman carca. Ashtahuanpish cunanca siriocunataca quimsa cutinllami mishangui– nircami.

JEREMÍAS 11:3

Can Jeremiasca cashna ni: Israelcunata Mandaj Diosca cashnami nin: Ñucahuan ari ninacushca cai shimicunata mana cazujcunaca, llaqui tucushca cachun.

JEREMÍAS 47:6

Mandaj Diospaj espadalla, ¿ima horastaj samarigringuiyari? Canta huaquichinapi yaicushpa samariyari.

JEREMÍAS 47:7

¿Maitataj samaringuipishari? Mandaj Diosmari cantaca, Ascalón pueblopi causajcunata huañuchichun cachashca. Mama cucha uripi caj llajtapi causajcunata huañuchichunmari chaipi churashca.

JEREMÍAS 50:25

Ñuca, Mandaj Diosmari ñuca macanacunacunata huaquichishca huasita pascarcani. Jatunta p'iñarishca cashpamari, ñuca macanacunacunataca llujshichircani. Tucuita Mandaj Diosmari caldeocunapaj llajtapica, ñuca rurana cashcata pajtachigrini.

JEREMÍAS 50:27

Paipaj tucui soldadocunatapish huagracunata huañuchinaman apaj shina, tucuicunata huañuchichij. ¡Aij chai runacunalla! Paicunata jatunta llaquichina punllamari chayamushca” ninmi.

JOSUÉ 10:19

Cancunaca ama saquirichijllachu. Ashtahuanpish mirga mirga tucushpa cancunata p'iñajcunataca mashcashpa huañuchigrichij. Paicunapaj pueblocunaman yaicujtapish ama saquichijchu. Cancunata Mandaj Diosca paicunataca ñami cancunapaj maquipi churarca” nircami.

JUECES 5:23

Mandaj Diospaj angelca: “Meroz llajtataca llaqui tucushca canman nichij. Chaipi causajcunataca jatunta llaquichishcataj cachun nichij. Paicunallatajmi Mandaj Diospaj soldadocunataca mana ayudarca. C'ari c'ari tucushcacunahuan Mandaj Diospaj soldadocuna macanacucujpi mana ayudarcachu” nircami.

1 SAMUEL 15:3

Amalecitacunata huañuchishpa imalla charishcacunata tucui chingachigri. Paicunataca ama llaquishpa c'aricunatapish, huarmicunatapish, huahuacunatapish, chuchucuj huahuacunacama tucuita huañuchigri. Vacacunatapish, ovejacunatapish, camellocunatapish, burrocunatapish huañuchigri ninmi– nircami.

1 SAMUEL 15:9

Saulpish, paipaj soldadocunapish Agagtaca mana huañuchircacunachu. Ovejacunatapish, huagracunatapish, ashtahuan allicunataca mana huañuchircachu. Huirayashca animalcunatapish, carnerocunatapish tucui alli allitaca mana chingachishun nircachu. Ashtahuanpish imapish mana vali, yangacunallatami tucui chingachircacuna.