JEREMÍAS 48:1 - Dios Rimashca Shimicunami

¹ Tucuita Mandaj, israelcunapaj Diosca, Moab llajtamantaca cashnami nin: “¡Aij Nebo pueblolla, cunanca tucurishcamari! Quiriataim pueblotapish ñamari yaicushcacuna. Misgab pueblopi causajcunapish manchaihuan musparicunmari.

JEREMÍAS 48:1 Iomraidhean Croise

GÉNESIS 14:5

Chunga chuscu huatapica, jatun mandaj Quedorlaomerca paihuan shuj shinalla caj jatun mandajcunahuan tucushpami, Astarot Karnaim puebloman rishpa, refaitacunahuan macanacushpa misharca. Chai q'uipaca Ham pueblopi causaj zuzitacunatapish, Save-quiriataimpi causaj emitacunatapishmi misharca.

GÉNESIS 19:37

Punta ushushica shuj c'ari huahuatami huacharca. Chai huahuataca Moabtami shutichirca. Paimi moabitacunapaj punta yayaca.

2 CRÓNICAS 20:10

Chaimanta cunanca canllataj ricunguimi. Amonpi, Moabpi causajcunapish, Seir urcupi causajcunapishmi shamushcacuna. Egiptomanta israelcuna shamucujpica, chaicunapaj llajtata pasachunca mana munashcachu carcangui. Ashtahuanpish paicunamanta caruta rishpa, ama llaquichichunmi mandashca carcangui.

ISAÍAS 25:10

Mandaj Diospaj maquica cai urcupimi samaringa. Ashtahuanpish Moabitacunataca quiquin llajtallapitajmi sarunga. Animalcunapaj cacata shitanapi ujshata saruj shinami sarunga.

ISAÍAS 25:12

Mandaj Diosca paicunapaj pueblo muyundij jatun pircacunatapish urmachishpa, cumurichishpami ñutu allpa tucungacama ñutuchinga.

ISAÍAS 27:3

“Mandaj Dios ñucami cuidaj cani. Punllapi cutin cutinmi yacutapish churasha. Pi ama llaquichichun tutai punllami cuidasha.

JEREMÍAS 25:21

Shinallataj Edom, Moab, Amón llajtapi causajcunamanpishmi ubyachircani.

JEREMÍAS 27:3

Chaimantaca Judá llajtata jatun mandaj Sedequiashuan parlachun Edom, Moab, Amón shuti llajtacunata jatun mandajcuna, Tiro, Sidón shuti pueblocunata jatun mandajcuna Jerusalenman cachashca mandajcunaman ricuchingui.

JEREMÍAS 9:26

Egiptopi, Judapi, Edompi, Amonpi, Moab llajtapi causajcunata, shinallataj shitashca pambapi tucui causajcunatapishmi llaquichisha. Chai tucui runacunaca, charishca aicha mirga carata mana p'itichishcacunami. Israelcunacarin shungumanta millai yuyaita mana p'itishcacunami.

NÚMEROS 24:17

Imalla tucunataca ricunimari. Chaica mana cunan punllachu chashna tucunga. Shamuj punllapi imalla tucunataca ashallatamari ricuni. Chaica caimi: Jacobmantaca LUZEROMI llujshinga. Israelmantaca mandana varami llujshinga. Moabtaca rinrin jahuanijllapimi chugrichinga. Setpaj huahua huahuacunataca tucuimi chingachinga.

NÚMEROS 32:3

–Riquichigari, Atarot, Dibón, Jazer, Nimra, Hesbón, Eleale, Sebam, Nebo, Beón shuti llajtacunapi causajcunataca,

NÚMEROS 33:47

Almón-diblataimmanta rishpaca, Nebo urcumanta inti llujshin ladoman caj Abarim urcucunaman chayashpami, carpa huasicunata shayachishpa tiyarircacuna.

JOSUÉ 13:19

urcucunapi caj pugru pambacunapi tiyaj Quiriataim, Sibma, Zaret-sahar shuti pueblocunatapishmi paicunaman curca.