JEREMÍAS 47:5 - Dios Rimashca Shimicunami

⁵ Gaza pueblopi causajcunaca, uma ajchata rasparircacunami. Ascalonpi causajcunacarin tucurircamari. Chai pueblo c'uchu pugru pambapi causajcunapish, ¿maicamachari llaquirishpa quiquin aichata chugrichiricunguichijlla?

JEREMÍAS 47:5 Iomraidhean Croise

JEREMÍAS 48:37

Tucuicunamari uma ajchata rasparingacuna, barbastapish p'icharishpami, tucuicuna cañamazuta churaringacuna. Maquicunapish chugri chugrimi cangacuna.

JEREMÍAS 25:20

Chaipi causaj tucui shujtaj shujtaj runacunamanpish, Uz llajtata tucui jatun mandajcunamanpish, Filistea llajtapi caj Ascalón shuti, Gaza shuti, Ecrón shuti pueblocunata tucui jatun mandajcunamanpish, Asdod pueblopi saquirishcacunamanpishmi ubyachircani.

MIQUEAS 1:16

Judá llajtalla, cambaj c'uyashca huahuacunamantaca uma ajchata ruturiyari. Águila shina lluchulla uma tucuyari. Canpi causajcunataca, shujtaj llajtamanmi prezu apangacuna.

JEREMÍAS 41:5

Siquem, Silo shuti, Samaria shuti pueblocunamantaca, pusaj chunga runacunami Mizpa puebloman shamurcacuna. Paicunaca barbasta p'icharishca, churanacunata lliquirishca, tucui aichata aspirishcami, Mandaj Diospaj huasiman apangapaj Diosman cunatapish, inciensotapish apashca shamurcacuna.

Marcos 5:5

Chai runaca punllapish tutapish urcucunata, panteoncunatami caparirishpa, paillataj rumicunahuan chugririshpa puricujlla carca.

EZEQUIEL 25:16

Chaimantami Mandaj Diostaj cashna nini: Ñuca maquita chutashpami, filisteocunataca llaquichisha. Shinallataj cereteocunatapish huañuchishami, mama cucha ladoman ashalla saquirijcunatapish chingachishami.

EZEQUIEL 7:18

Paicunaca cañamazutami churaringacuna, jatun manchaipishmi japinga. Tucuicunallatajmi pingai tucungacuna. Umatapish tucuicunami lluchullata ruturingacuna.

JEREMÍAS 47:4

Filisteocunata tucuchina punlla chayamungami, paicunata ayudacuj Tiro shuti, Sidón shuti pueblocunapish tucuringami” ninmi. Mama cucha chaupipi caj Caftor llajtamanta chaupirishpa shamushca filisteocunataca, Mandaj Diosmari tucuchinga.

JEREMÍAS 47:1

Gaza pueblopi causaj filisteocunata faraón manaraj llaquichijpimi, Mandaj Diosca pai ima nishcata huillaj Jeremiastaca, filisteocunata llaquichinata cashna huillachirca:

JEREMÍAS 16:1

Mandaj Diosca ñucamanca cashnami nirca:

ISAÍAS 15:2

Bayit, Dibón pueblocunapaj jatun urcucunapi caj altarcunapi huacanamanmi huichiyangacuna. Nebo, Medeba pueblocunata tucuchishcamantapishmi, Moabpi causajcunaca caparishpa huacangacuna. Tucuicunami umata rutushca, barbasta anchuchishca cangacuna.

1 REYES 18:28

Shina nijpi paicunaca ashtahuan sinchita caparishpami, paicuna ima shina ruraj cashca shinallataj cuchillocunahuan, uchilla lanzacunahuan chugririshpa yahuarsapa tucushpa yahuar shutucuj tucurcacuna.

JUECES 1:18

Judapaj ailluca Gaza, Ascalón, Ecrón pueblocunataca chai muyundij llajtacunandijmi japircacuna.

DEUTERONOMIO 14:1

Cancunaca Mandaj Dios cancunapaj Taita Diospaj huahuacunami canguichij. Maijan huañushcamantaca, cancunapaj aichata ama chugrichiringuichijchu. Uma ajchata ama p'itiringuichijchu.

LEVÍTICO 21:5

Uma ajchatapish corona pamballata lluchuta ama rutuchichun. Barbas puntatapish ama utuchichun. Aichatapish ama chugrichichun.

LEVÍTICO 19:28

Huañujmantaca cancunapaj cuerpotaca ama chugrichinguichijchu. Ima ricunacunatapish cancunapaj aichapi ama quillcanguichijchu. Ñucami Mandaj Dios cani.

JEREMÍAS 16:6

Cai llajtapi causajcunaca jatuncunandij, uchillacunandijmi huañungacuna. Paicunataca pi mana pambangacunachu, pi mana huacangallapishchu. Pi mana llaquirishpa churanata lliquiringachu, uma ajchatapish mana ruturingacunachu.