JEREMÍAS 47:3 - Dios Rimashca Shimicunami

³ Caballocunami culun nishpa callpamunga, carretacunapish ruedacuna t'alaj nishpa huajiashpami shamunga. Chaita uyashpaca yayacunapish, huahuacunata shitashpami callpangacuna. Maquicuna chujchushpa imata mana rurai tucungacunachu.

JEREMÍAS 47:3 Iomraidhean Croise

ISAÍAS 5:28

Paicunapaj puntajlla caspicunapish ashtahuan puntajllata rurashcami canga. Paicunapaj arcocunapish shitanajllami canga. Paicunapaj caballocunapaj sillucunapish, yacu rumi shinami canga. Paicunapaj carrocunapaj ruedacunapish, acapana shinami callpanga.

JEREMÍAS 46:9

Caballocunapi tiyarishcacuna, huichiyaichigari. Carretapi purijcunapish, t'alaj nichishpa callpaichigari. Etiopía llajta soldadocuna, Put llajta soldadocuna, escudota aisaj c'ari c'arimari canguichij, llujshirichigari. Lud llajta soldadocunapish arcocunahuan macanacujcunamari canguichij, llujshirichigari.

JEREMÍAS 50:42

Paicunaca arcohuanpish, lanzahuanpish alli macanacunata yachajcunami. Pita mana llaquishpa huañuchingallacunami. Paicuna caparirishcapish mama cucha yacu jatarishca shina manchananatami uyaringa. Babiloniapi causajcunalla, chai runacunamari cancunahuan macanacungapaj allichirishpa, caballocunapi tiyarishca shamungacuna.

JEREMÍAS 8:16

P'iñajcunaca ñamari shamuncuna. Paicunapaj caballocunaca ñamari p'ucurishpa Dan llajtata shamucun. Chai caballocunaca allpa chujchujtamari huacarishpa callpamuncuna. Paicuna chayamushpaca allpapi tucui imalla tiyajtami tucuchicun. Tucui pueblocunatapish, chaicunapi causajcunatapishmi tucuchicun.

EZEQUIEL 23:24

Shinallataj canta llaquichingapajca ruedayuj carrocunatapish, carretacunatapish, manchanayaj runacunatapishmi cachasha. Canta llaquichij runacunaca uchilla escudocunahuan, jatun escudocunahuan, umapipish cascota churashcacunami cambaj muyundijpica shayaringacuna. Paicunataca ñucami llaquichichijlla nishpa mandasha. Cantaca paicunapaj mandashcapi nishca shinami llaquichingacuna.

NAHUM 2:4

Macanacuna carretacunahuanmi plazacunaman yaicungacuna. Callecunataca c'ulun nishpami puringacuna. Chai carretacunaca nina sindi shinami ricuringa, relampa shinami callpanga.

NAHUM 2:8

Ñaupa punllacunaca Nínive puebloca, tanquepi yacuta jundachishca shinami carca. Chashna cashpapish, paicunaca miticunaman callpancunami. Paicunataca: “¡Ama richijchu, ama richijchu!” nishpa caparijpipish, mana tigrashpa ricuncunachu.

Apocalipsis 9:9

Pechopish huashapish fierro churana shinami carca. Paicunapaj alaspish, achca caballocuna carretacunata aisashpa jatun macanacuiman ricuj shinami huajiarca.

JUECES 5:22

Caballocunapish sillucuna t'alaj t'alajmi callparcacuna. C'ari c'ari soldadocuna tiyarishpa rijpimi, chashna uyarirca.