JEREMÍAS 46:11 - Dios Rimashca Shimicunami

¹¹ Egipto llajtapi causajcunalla, bálsamo aceiteta Galaad llajtamanta apamugrichijlla. Mashna jambicunata apamushpa jambirijpipish, cancunataca manataj alliyachingachu.

JEREMÍAS 46:11 Iomraidhean Croise

GÉNESIS 37:25

Chai q'uipaca micungapajmi tiyarircacuna. Paicuna huichilla ricushpaca, tauca ismaelitacuna shamucujtami ricurcacuna. Chaicunaca Galaadmantami mishquijllata ashnaj balsamota, mirrata camellocunaman apachishpa Egiptoman ricurcacuna.

GÉNESIS 43:11

Chaimi paipaj yaya Israelca: –Shina cajpica, chashna ruraichijlla. Chai mandajman convidangapajca, cai llajtapi tiyaj tucuimanta yalli asha balsamota, sacha chuspi huachashca asha mishquita, mishquijllata ashnaj asha jambicunata, mirrata, nuecesta, almendratapish asha ashata cancunapaj costalcunapi churashpa apaichij.

ISAÍAS 47:1

Babiloniapaj ushushi, c'arihuan manaraj chayarinacushca huarmi uriyashpa ñutu allpapi tiyari. Caldeocunapaj ushushi, tiyana illajllami cangui, pambapi tiyari. Cantaca ña mana sumaj atirida huarmimi cangui ningacunachu.

JEREMÍAS 14:17

Cunanca tucuicunata cashna nigri: Ñuca llajtapi causajcunapajca, c'arihuan manaraj chayarinacushca soltera shina cajpipish, jatun llaquimari chayamushca. Yallitaj jatun nanaimari japishca. Cunantajca tutapish, punllapish huacacushallami. Ñuca ñahuimantaca manataj huiqui illangachu.

JEREMÍAS 31:21

Can maita rishca ñantaca, jatun rumicunata churashpa ringui. Maillata rishca ñantaca yuyaipi cangui. Israel huarmilla, can maita rishca ñanllatatajmi cambaj cashca cai pueblomanca tigrangui.

JEREMÍAS 31:4

Israelcunalla, cancunaca ñuca cutin llajtata rurashpa shayachijpimi, llajta tucunguichij. Cancunapajca sumajta allichirishpa, panderocunapi huajtashpa cushicuihuan tushuna punlla cutin tiyangamari.

JEREMÍAS 51:8

Shina cashpapish Babilonia llajtaca, paipaj maquimanta ñapish urmashpa ñuturishcallamari. Paimanta huacaichigari, bálsamo aceiteta mashcaichigari. Chaihuan jambijpica, paipaj chugricuna alliyangapishchari.

JEREMÍAS 8:22

Galaad llajtapica ¿bálsamo aceite tiyanchu imashi? ¿Manachu maijan jambij tiyanga imashi? ¿Imamantataj ñuca llajtapi causajcunaca, ima jambihuan manataj alliyanchu imamí?

EZEQUIEL 27:17

Judá llajtapi causajcunapish, tucui israelcunapish canhuanmi c'atushpa randishpa causarcacuna. Paicunaca cambaj c'atuna plazacunapica Minit shuti, Panag shuti pueblocunamanta trigohuan, sacha chuspi huachashca mishquihuan, aceitehuan, resinahuanmi randijcuna carca.

MIQUEAS 1:9

Samaria pueblopi causajcunapaj carachaca, manchanayajta nanachijmari. Chai ungüica Judá llajtacamami chayarca, ñuca llajtapuracuna causacun Jerusalén pueblomanpishmi chayarca.

NAHUM 3:19

P'aquirishcata alliyachinapaj jambica mana tiyanchu. Cambaj chugrica, mana jambipajmi. Canca tucuicunatami llaquichishpa causarcangui. Chaimanta can llaqui tucushcata uyajcunaca, tucuicunami maquicunata huajtangacuna” ninmi.

Mateo 5:26

Tucui cullquita pagangacama manataj llujshinguichu. Chaica chashnatajmi canga.