JEREMÍAS 45:4 - Dios Rimashca Shimicunami

⁴ Chaimanta paitaca cashna ningui ninmi: Mandaj Diosca cashnami nin: Ñuca shayachishcacunatami urmachicuni, ñuca tarpushcacunatami aisashpa shitacuni. Tucui cai llajtapi causajcunatami chashna rurasha.

JEREMÍAS 45:4 Iomraidhean Croise

ECLESIASTÉS 3:3

Huañuchingapajpish, jambingapajpish, imata shayachingapajpish, imata urmachingapajpish punllami chayan.

JEREMÍAS 1:10

Riqui, cunantajmi cantaca llajtacunata jatun mandajcunatapish, llajtacunapi causajcunatapish sapimanta llujshichichun, urmachishpa chingachichun, cutin shayachichunpish, llajtacunata cutin tigrachichunpish cantaca churani” nircami.

JEREMÍAS 11:17

Canta tarpuj, tucuita Mandaj Diostajmari cantaca llaquichishami nini. Israelcunapish, can Judá runacunapish Baalman inciensota cushpa rupachishpa, millaita rurashpa ñucata p'iñachishcamantami chashna ruragrini” nircami.

JEREMÍAS 12:2

Can tarpujpimari, ucujta sapiyashpa huiñashpaca granurcacuna. Cambaj shutitaca shimi jahuamari charincuna. Ashtahuanpish paicunapaj shunguca canmanta carupimari.

JEREMÍAS 31:28

Ñucaca paicunataca sapimanta aisashpa shitanata, tucui urmachinata, jatun llaquita ruranata, tucui ima tiyajta chingachinata huanachinata yuyarishpaca, rurangacama chai yuyaimi carcani. Q'uipataca, chai shinallataj chai yuyaimi cutin tigra shayachimushpa tarpusha.

LAMENTACIONES 2:6

Paicunapaj pueblotaca, huerta chaupipi shayachishca chugllata shinallami anchuchirca. Paicuna tandanacuna huasitapish tucuimi urmachirca. Siónpi causajcuna jatun punllacunapi tandanacunatapish, samana punllacunata yuyarinatapish Mandaj Diosmari tucuchirca. Jatunta p'iñarishpamari jatun mandajtapish, curacunatapish shitarca.

OSEAS 2:14

Shina cajpipish ñucapajman tigrana yuyaitami cusha. Shitashca pambamanmi pushasha. Shunguman yaicujtami rimasha.

DEUTERONOMIO 28:63

Mandaj Diosca allicunata rurashpa, cancunata achcata mirachishpa cushicuj cashca shinallatajmi, cancunata jatunta llaquichishpa tucuchishpapish cushicunga. Cancuna japigricun llajtamantaca sapimanta aisashpa shitaj shinami anchuchinga.