JEREMÍAS 44:3 - Dios Rimashca Shimicunami

³ Chai pueblocunapi causajcunamari paicunapish, cancunapish, cancunapaj ñaupa yayacunapish mana rijsishca, shujtajcunapaj dioscunaman inciensota cushpa adorarcacuna. Chashna millaita rurashpami, ñucataca yallitaj p'iñachircacuna. Chaimantami chai jatun llaquicunata cacharcani.

JEREMÍAS 44:3 Iomraidhean Croise

NEHEMÍAS 9:33

Quiquinca cashcata ruraj cashpami, ñucanchij ima shina cashca shinallataj ñucanchij jahuaman llaquicunata cachashcangui. Ashtahuanpish ñucanchijmari mana allita rurashcanchij. Quiquinca imata mana pandata rurashcanguichu.

ISAÍAS 3:8

Jerusalenca ñuturishcami saquirishca. Judaca urmashcamari. Paicunapaj c'alluhuan, paicunapaj rurashcacunahuan, Mandaj Diosta p'iñachishcamanta, Mandaj Dios jatun mandaj cashcata yanganchishcamantami chashna tucushca.

JEREMÍAS 11:17

Canta tarpuj, tucuita Mandaj Diostajmari cantaca llaquichishami nini. Israelcunapish, can Judá runacunapish Baalman inciensota cushpa rupachishpa, millaita rurashpa ñucata p'iñachishcamantami chashna ruragrini” nircami.

JEREMÍAS 16:10

Judá llajtapi causajcunaman tucui caicunata huillajpica, paicunaca cashnami ningacuna: Ñucanchijca ¿ima millaitataj rurashcanchigari? Mana cashpaca ¿ima juchata rurashpataj, ñucanchijta Mandaj Diostaca p'iñachishcanchigari? Mandaj Diosca ¿imamantataj ñucanchijtaca cashna jatun llaquihuan ñacachisha ninchu imamí? ningacunami.

JEREMÍAS 22:9

Shina nijpica shujcunaca: Caipi causajcunami paicunata Mandaj Dioshuan ari ninacushcata p'aquircacuna. Chaimantaca shujtajcunapaj dioscunatamari adorashpa, chaicunata servircacuna ningacunami” ninmi.

JEREMÍAS 29:19

Mandaj Diosca cashnapishmi nin: “Cancunallatajmari ñucata servij ñuca ima nishcata huillajcunahuan huillachishca ñuca shimicunataca mana uyashun nircanguichij. Ñaupamantapacha huasha huasha cachashpa huillachijpipish, manataj cazurcanguichijchu. Mandaj Diostajmi chashna nini.

JEREMÍAS 32:30

Israelcunapish, Judá runacunapish ñuca ñaupajpi ima allita ruranapaj randica, callarimantapacha millaillata rurashpami causarcacuna. Tucui israelcunallatajmi paicunapaj maquihuan rurashca dioscunahuan ñucata p'iñachishpalla causancuna. Ñuca, Mandaj Diostajmi chashna nini.

JEREMÍAS 44:23

Cancunami shujtajcunapaj dioscunaman inciensota cushpa, Mandaj Diostaca yallitaj p'iñachircanguichij. Mandaj Dios mandashcataca manataj cazurcanguichijchu. Ima shinalla causanata yachachishcacunatapish manataj pajtachircanguichijchu. Chaimantami cancunataca cai tucui llaquicuna japishca. Cunan punllacamallatajmi chashna llaquipi causacunguichij– nircami.

JEREMÍAS 44:8

Cancunaca cai Egipto llajtapi causanaman shamushpapish, cai llajta dioscunamanmari inciensota cushpa rupachinguichij. ¿Imamantataj chashna rurashpa ashtahuan p'iñachinguichigari? Chaimantamari cancunaca tucui shujtaj llajtacunapi causajcuna p'iñashpa mana ricusha nishca tucugringuichij. Yangamantamari chashna llaquipi yaicunguichij.

JEREMÍAS 5:19

Chai punllacunapica: Ñucanchijta Mandaj Diosca ¿imamantataj ñucanchijtaca cashna llaquichinchu imamí? ningacunami. Chashna nijpica cashna ningui: Cancunallatajmari Mandaj Diosta saquishpa, cancunaman pai cushca llajtapi shujtajcunapaj dioscunata adorarcanguichij. Chai shinallatajmari cancunaca mana rijsishca runacunata servishpa paicunapaj llajtapi causagringuichij ningui” ninmi.

JEREMÍAS 5:29

Chashna rurashcamantaca ¿manachu llaquichisha imatagari? Chashna millai runacunamanca ¿manachu paicuna chasquina cashcata cusha imatagari? Mandaj Diostajmi chashna nini.

JEREMÍAS 7:19

Paicunamari ñucataca p'iñachincuna. Chashna rurashpaca, paicunallataj jatunta pingai tucungapajmari llaquipi yaicuncuna” ninmi Mandaj Diosca.

LAMENTACIONES 1:8

Jerusalenca jatun juchatamari rurarca. Chaimantamari pai tiyacushcamantaca aisashpa shitarcacuna. Ñaupaman paita alli nijcunaca, lluchullata ricushpami tucuicuna millanachincuna. Chaimantami pingaihuan shungu llujshishpalla tiyacun.

LAMENTACIONES 4:13

Jerusalenpica paicunapaj huillajcuna, curacunamari yallitaj juchata rurarcacuna. Paicunamari cashcata rurajcunataca, cai pueblo chaupipi huañuchishpa yahuarta jicharcacuna. Chaimantamari chashna llaqui tucurcacuna.

EZEQUIEL 9:9

Shina nijpimi, cashna nirca: “Israelcunapish, Judá llajtapi causajcunapish yallitajmi millaita rurashcacuna. Chaimantami cai llajtaca yahuarhuan junda, cai pueblopi causajcunaca millaita rurana yuyaillahuan jundami. Paicunaca cashnami nincuna: Mandaj Diosca cai llajtataca cungarinmi, Mandaj Diosca mana ricucunchu nishcacunami.

DANIEL 9:5

Ñucanchijmari juchallishcanchij, millaitamari rurashcanchij, quiquinta mana rijsijcuna shinamari rurashcanchij, c'ariyajcunami cashcanchij, quiquin mandashcacunamantapish, quiquin chashnataj rurachun nishcacunamantapish anchurishcanchijmi.

DEUTERONOMIO 13:6

Cancunataca quiquin huauquillataj, quiquin churillataj, ushushillataj, quiquin huarmillataj, mana cashpaca cancunahuan alli apanacujcunallataj cancunataca pacalla cashna ningachari: “Jacuchij shujtajcunapaj dioscunapajta rurashunchij” ningachari. Chai dioscunataca cancunapish, cancunapaj yayacunapish mana rijsircanguichijchu.

DEUTERONOMIO 29:25

Chaita cutichijca: 'Mandaj Dios paicunapaj ñaupa yayacunapaj Taita Diosmi Egiptomanta paicunata llujshichimucushpaca pai munashca shina causachun ari nichishca carca. Paicunallataj chaita p'aquishpa,

DEUTERONOMIO 29:26

shujtaj dioscunapaj ruranacunata rurajcuna tucushpa paicunaman imatapish mana cuj, paicuna mana rijsishca dioscunapaj ñaupajpi cungurircacuna.

DEUTERONOMIO 32:17

Taita Diosman animalcunata huañuchishpa cunapaj randica supaicunamanmi curcacuna. Paicunaca mana rijsishca dioscunamanmi curcacuna. Paicunapaj ñaupa yayacuna mana manchaj cashca, cunanlla ricurij dioscunamanmi curcacuna.

Hebreos 3:16

¿Picunataj Dios rimashcata uyashca jahua, paita p'iñachijcunaca carca? ¿Manachu Moisés Egiptomanta tucui llujshichimushcacuna carca?