JEREMÍAS 42:5 - Dios Rimashca Shimicunami

⁵ Chashna nijpica, paicunaca Jeremiastaca cashnami nircacuna: –Canta Mandaj Dios ñucanchijman imata huillachun canta cachajpipish, ñucanchijca chaitatajmi rurashun. Ñucanchij nishca shinataj mana rurajpica, Mandaj Diosllataj ñucanchijta ricuchun.

JEREMÍAS 42:5 Iomraidhean Croise

GÉNESIS 31:50

Ñuca ushushicunata llaquichijpipish, mana cashpaca ñuca ushushicunata charishca jahua shujtaj huarmicunata cambaj huarmi cachun japijpipish, canpish ñucapish mana tandalla cajpipish cantapish ñucatapish ricucuj Taita Dios imatapish nichun ninimi– nircami.

ÉXODO 20:19

Chaimi Moisestaca: –Quiquinlla Dioshuan rimashpa ñucanchijman huillai, ñucanchijca uyashunllami. Dios ñucanchijhuan rimajpica huañushunllatajmari– nircacuna.

ÉXODO 20:7

Mandaj cambaj Diospaj shutipica manapish rimanapica ama rimangui. Ñuca shutita manapish rimanapi rimajtaca llaquichishatajmi.

JEREMÍAS 42:20

¿Imamantataj cancunallataj cashna yallitaj umaringuichigari? Cancunallatajmari ñucataca: Ñucanchijta Mandaj Diosta ñucanchijmanta mañapai. Chaimantaca ñucanchijta Mandaj Dios imata mandajpipish, chaitataj huillahuai. Ñucanchijca pai mandashcatami rurashun nircanguichij.

JEREMÍAS 43:2

Osaiaspaj churi Azariaspish, Careapaj churi Johananpish, tucui caishuj jatun tucushca runacunapishmi Jeremiastaca cashna nircacuna: “Canca llullacunguillami. Maitataj ñucanchijta Mandaj Diosca: Ama Egipto llajtapi causagrichijchu nigri nishpaca cachashca cangari.

JEREMÍAS 43:4

Chashna nishpami Careapaj churi Johananpish, chaipi caj soldadocunata tucui mandajcunapish, tucui caishujcunapish Mandaj Dios Judá llajtallapitaj saquirichun nishpa mandashcataca mana cazurcacuna.

JEREMÍAS 5:2

Maijancuna: Mandaj Dios ricucunmi nishpapish, yangallami chashna nincuna” ninmi.

MIQUEAS 1:2

Tucui cai pachapi causajcunapish, caipi imalla tiyajcunapish caita alli uyahuaichij. Mandaj Jatun Diosca, paipajlla huasimanta cancunata llaquichina cashcataca ricuchishca cachun.

MALAQUÍAS 2:14

Chaimanta cancunaca: “¿Imamantataj mana chasquinguichu imamí?” ninguichijmi. Canllatajmari mosoraj cashpa, ari ninacushpa cazarashca quiquin huarmitamari shitarcangui. Chaitaca Mandaj Diosca ricucurcami.

MALAQUÍAS 3:5

Tucuita Mandaj Diostajmi cashna nini: Ñucami cancuna imalla rurashcacunata ricuj shamusha. Chai punllapimi yumbucunatapish, huainayajcunatapish, llullashpa huillajcunatapish, trabajajcunaman cullquita mana tucui pagajcunatapish, viudacunata, yaya mama illajcunata p'iñajcunatapish, caru llajta runacunata llaquichijcunatapish, ñucata mana manchajcunatapish llaquichisha.

Romanos 1:9

Paipaj Churipaj alli huillaita huillashpa, tucui ñuca yuyaihuan servicushca Taita Diosmi mana shaicushpa, cancunamanta paita ñuca mañacushcataca yachan.

Apocalipsis 1:5

Chaitaca ima shina cashcatataj huillaj Jesucristopish cuchun. Paica huañushcacunapaj chaupimanta punta causarijmi, cai pachapi jatun mandajcunatapish jatun mandajmi. Paica ñucanchijta c'uyashpami, paipaj yahuarhuan ñucanchij juchacunata maillarca.

Apocalipsis 3:14

Laodicea pueblopi caj tandanacushca crijcunapaj angelmanpish quillcai: “Chashna Cachun shutiyuj, cashcata huillaj, mana llullaj, Dios tucuita ruranapaj ña tiyajca, caitami nin:

JUECES 11:10

Galaad llajtata cunaj yuyajcunaca Jeftaca: –Can nishca shina ñucanchij mana rurajpica, Mandaj Diosllataj ricuchun– nircacunami.

1 SAMUEL 12:5

Chaimi Samuelca: –Ima juchachinata mana charinchijchu nishpa cancuna ñucata nishcataca Mandaj Diospish, paillataj churashca jatun mandajpish ricucunmi– nijpimi paicunaca: –Ari, chashnatajmari– nircacuna.

1 SAMUEL 20:42

Chaipimi Jonatanca, Davidtaca: –Imata ama manchashpa rilla. Ñucanchijca ishquindijtajmi Mandaj Diospaj shutipi cashna nishpa ari ninacurcanchij. Mandaj Diosca canhuanpish, ñucahuanpish, cambaj huahuacunahuanpish ñuca huahuacunahuanpish huiñaita cashca cachun nircanchijmi– nircami. Chashna nijpica Davidca jatarishpa rircallami. Jonatanpish pai causacun pueblomanmi tigrarca.