JEREMÍAS 42:1 - Dios Rimashca Shimicunami

¹ Soldadocunata tucui mandajcunapish, Careapaj churi Johananpish, Osaiaspaj churi Jezaniaspish, tucui chaipi cajcunallataj jatuncunamanta uchillacunacamami,

JEREMÍAS 42:1 Iomraidhean Croise

2 REYES 25:23

Babilonia llajtata jatun mandajca, Judá pueblota mandaj cachunca Gedaliastami churashca nijta uyashpami, Judá llajta soldadocunata mandajcunapish tucui gentecunapish Mizpa puebloman Gedaliaspajman shamurcacuna. Paicunahuanca Netaniaspaj churi Ismael, Carea runapaj churi Johanan, Netofa pueblopi causaj Tanhumet runapaj churi Seraías, Maacamanta caj shuj runapaj churi Jaazaniaspishmi rircacuna.

ISAÍAS 29:13

Chaimantami Jatun Diosca: “Cai gentecunaca ñucataca jahua shimillami yuyarincuna. Jahua shimillahuanmi ñucataca allimari cangui nincuna. Ashtahuanpish paicunapaj shunguca ñucamanta carupimari. Ñucata manchanchij nishpapish, gentecuna yachachishpa mandashcacunallatami rurancuna.

ISAÍAS 48:1

Jacobpaj huahuacuna, caita uyaichij. Cancunaca Israel shutitami apanguichij. Judapaj huahua huahuacuna, caita uyaichij. Mandaj Diospaj shutipi imatapish pajtachishami nijcuna caita uyaichij. Cancunaca israelcunapaj Diosta yuyarijcunami canguichij. Paita yuyarina shinatajca mana ruranguichijchu. Cashcatatajca mana ruranguichijchu.

JEREMÍAS 37:3

Jatun mandaj Sedequiasca: “Ñucanchijta Mandaj Diosta ñucanchijmanta mañapai” nichunmi, Selemiaspaj churi Jucaltapish, Maasiaspaj churi Sofonías curatapish Dios ima nishcata huillaj Jeremiaspajman cacharca.

JEREMÍAS 40:13

Gedaliasca, Mizpa pueblopimi causacurca. Shuj punllami Carea runapaj churi Johananpish, urcucunapi miticushpa saquirishca caishuj mandaj soldadocunapish Gedaliaspajman shamurcacuna.

JEREMÍAS 40:8

Chaimantami paicunaca Gedaliaspajman, Mizpa puebloman shamurcacuna. Caicunami shamurcacuna: Netaniaspaj churi Ismaelpish, Carea runapaj Johanán, Jonatán shuti ishqui churicunapish, Tanhumetpaj churi Seraiaspish, Netofa pueblopi causaj Efaipaj churicunapish, Maaca pueblopi causaj shuj runapaj churi Jezaniaspishmi shamurca. Tucui paicunami paicunapaj soldadocunandij shamurcacuna.

JEREMÍAS 41:11

Ismael imalla jatun llaquita rurashcataca, Careapaj churi Johananpish, paihuan caj soldadocunata mandajcunapish yachaj chayarcacunami.

JEREMÍAS 41:16

Careapaj churi Johananpish, paihuan caj soldadocunata tucui mandajcunapish Netaniaspaj churi Ismael Ahicampaj churi Gedaliasta huañuchishpa, Mizpa pueblomanta apacushca soldadocunata, huarmicunata, huahuacunata, eunucocunataca Gabaón pueblo c'uchupimi quichurcacuna. Tucui paicunata apashpami, Mizpaman tigrarcacuna.

JEREMÍAS 41:18

Babilonia llajtata jatun mandajca, Ahicampaj churi Gedaliastami Judá llajtata mandachun churashpa saquishca carca. Netaniaspaj churi Ismael, paita huañuchishcamanta caldeocunata manchashpami, Egiptoman rinata yuyarircacuna.

JEREMÍAS 42:20

¿Imamantataj cancunallataj cashna yallitaj umaringuichigari? Cancunallatajmari ñucataca: Ñucanchijta Mandaj Diosta ñucanchijmanta mañapai. Chaimantaca ñucanchijta Mandaj Dios imata mandajpipish, chaitataj huillahuai. Ñucanchijca pai mandashcatami rurashun nircanguichij.

JEREMÍAS 42:8

Chaimantami paica Careapaj churi Johanantapish, paihuan caj soldadocunata tucui mandajcunatapish, chaipi cajcunataca jatuncunamanta uchillacunacama cayashpa,

JEREMÍAS 43:2

Osaiaspaj churi Azariaspish, Careapaj churi Johananpish, tucui caishuj jatun tucushca runacunapishmi Jeremiastaca cashna nircacuna: “Canca llullacunguillami. Maitataj ñucanchijta Mandaj Diosca: Ama Egipto llajtapi causagrichijchu nigri nishpaca cachashca cangari.

JEREMÍAS 44:12

Ashacunalla saquirishca tucui Judá runacunami cai Egipto llajtaman shamunata munarcacuna. Chashna mana cazushpa caipi causanaman shamushcacunaca tucuicunami cai llajtapica espadapipish, jatun yaricaihuanpish huañushpa tucuringacuna. Jatuncunamanta uchilla huahuacunacamami espadapipish, jatun yaricaihuanpish huañushpa tucuringacuna. Saquirijcunaca tucui ricujcunapajmi millananapish, mancharinapish, shujtajcunatapish paicuna shina tucushca alli canman ninapish, chanzata rurashpa asinapish cangacuna.

JEREMÍAS 6:13

Cunanca ashtahuan uchillacunamanta callarishpa, ashtahuan jatuncunacama tucuicunami jahuanpi jahuanpi charijyanallata yuyancuna. Ñucamanta huillajcunamanta callarishpa, curacunacama tucuicuna umajcunami.

JEREMÍAS 8:10

Paicunapaj huarmicunatapish, chagracunatapish cai llajtata quichunaman shamujcunamanmi cugrini. Jatuncunamanta callarishpaca, ashtahuan uchillacunacamami jahuanpi jahuanpi charinallata yuyancuna. Ñucamanta huillajcunamanta callarishpa, curacunacama tucuicuna umajcunami.

EZEQUIEL 11:1

Diospaj Espiritumi ñucataca jatarichishpa, Mandaj Diospaj huasi inti llujshin ladoman caj punguman pushashpa rirca. Chai huasi punguca, inti llujshin ladomanmi carca. Chai pungu yaicunllapica, ishqui chunga pichca runacuna shayacujtami ricurcani. Chai runacunapurapica Azurpaj churi Jaazaniastapish, Benaiapaj churi Pelatiastapishmi ricurcani. Paicunaca pueblopi causajcunata pushajcunami carca.

EZEQUIEL 33:31

Can rimashcata uyana cashcallamantami, ñuca agllashcacuna cashca shina uyanaman shamuj tucungacuna. Paicunaca can imalla rimashcata uyashpapish, chaitaca mana pajtachincunachu. Ashtahuanpish mishquijlla shimicunahuan rimashpapish, charina yuyaillami purincuna.

EZEQUIEL 8:11

Chaicunapaj ñaupajpica, israelcunapuramanta canchis chunga cunaj yuyajcunami carca. Chai cunaj yuyajcunapaj chaupipica, Safanpaj churi Jaazaniaspishmi carca. Paicunaca tucuicunami quiquin maquipi inciensota rupachinata charicurcacuna. Chaimantaca achca incienso cushnimi jahuata huichiyarca.

Mateo 15:8

“Cai llajtapi causajcunaca, ñucataca shimillahuanmi allimari cangui nincuna. Ashtahuanpish paicunapaj shunguca ñucamanta carupimi.

Hechos 8:10

Uchillacunamanta callarishpa jatuncunacamami chai runa yachachishcataca alli uyashpa: –Cai runaca Jatun Diospaj poderhuanmari– nijcuna carca.