JEREMÍAS 41:9 - Dios Rimashca Shimicunami

⁹ Gedaliasta ricuj shamushcamanta Ismael huañuchishpa, chai huañushca runacunata shitashca jatun jutcutaca ñaupamanmi, Israel llajtata jatun mandaj Baasa macanacunaman shamujpi, Judá llajtata jatun mandaj Asa rurachishca carca. Chai jutcupimi Netaniaspaj churi Ismaelca, huañushcacunata jundachirca.

JEREMÍAS 41:9 Iomraidhean Croise

2 SAMUEL 17:9

Ashtahuanpish paica cunanca shuj jutcupi cashpa, mana cashpaca mai shujtajpimi pacatucushpa chaparacunga. Chashna cashcamanta cambaj runacunaca punta macanacuipiraj paicunapaj maquipi urmajpica, maijan chaita uyajcunaca: Absalonta catijcunataca ñamari mishashca ningacunami.

ISAÍAS 14:19

Ashtahuanpish cantaca retoñota aisashpa shitashca shinallami canta churashca jutcumantaca anchuchishca cangui. Espadahuan huañuchishcacunata jatun jutcupi shitashcacunapaj churana shinami cangui. Huañushcata sarushca shinami cangui.

Hebreos 11:38

Chai jucha illajcunaca cai pachapica mana munashcami carcacuna. Chaimantami paicunaca shitashca pambacunapi, urcucunapi, machi ucucunapi, jatun jutcucunapi llaquinayajta causarcacuna.

JUECES 6:2

Madianitacuna ashtahuan ashtahuan llaquichijpimi, israelcunaca paicunata manchashcamantaca urcucunapi jutcucunata rurashpa, machi ucucunapipish, pircacunapipish miticunata rurarcacuna.

1 SAMUEL 13:6

Israelcunaca mana mishaipaj cashcata yuyashpami, tucuicuna ña llaqui tucugrinchijmi nishpaca jutcucunapi, sanja huashacunapi, jatun rumi chaupicunapi, peñacunapi, yacu tandarichun rurashca jutcucunapipish miticurcacuna.

1 SAMUEL 14:11

Chashna nishpaca cuidacuj filisteocunapi ishquindijtaj ricurijpimi, paicunaca: “Riquichigari, hebreocunaca miticushpa tiyacun jutcucunamantamari llujshicuncuna” ninacurcacuna.

1 SAMUEL 14:22

Efraín urcupi miticushpa tiyacuj israelcunapish filisteocuna miticushpa callpacun nijta uyashpami, paicunapish catishpa macanacushpaca,

1 SAMUEL 24:3

Chaipica ñan c'uchullapi tiyaj ovejacunapaj corralman chayashpami, Saulca chai c'uchullapi tiyaj jutcupi mapangapaj yaicurca. Chai jutcu ucu c'uchumanca Davidpish, paihuan caj runacunapishmi tiyacurcacuna.