JEREMÍAS 41:8 - Dios Rimashca Shimicunami

⁸ Chashna huañuchicujpica, chaicunapuramanta chunga runacunami Ismaeltaca: –Ama huañuchihuaichu, ñucanchijca ñucanchij allpacunapica achca trigo chagracunatapish, cebada chagracunatapish, aceitetapish, mishquitapishmi charinchij– nircacuna. Chashna nijpimi, mana paicunapaj familiacunata shina huañuchishpa saquirca.

JEREMÍAS 41:8 Iomraidhean Croise

JOB 2:4

Chashna nijpimi Satanasca, Mandaj Diostaca cashna nirca: –Runaca, carapuraca cambiangallatajmari. Mana huañusha nishpaca, tucui charishcahuanmi paipaj causaitaca quishpichisha ninman.

PROVERBIOS 13:8

Charij runaca imamanta huañuchisha nijpica, cullquihuanmi quishpirincuna. Ashtahuanpish huajcha runataca, pi mana huañuchisha nishpa manchachinchu.

ISAÍAS 45:3

Sumaj charinacuna pacashca tiyacujtapish canmanmi cusha. Pacalla alli huaquichishcacunatapish canmanmi cusha. Ñucaca Mandaj Dios cashcata, israelcunapaj Taita Dios cashcata yachachun cantaca ñuca shutipi ñuca cayashca cashcata yachachunmi chashna rurasha.

JEREMÍAS 41:9

Gedaliasta ricuj shamushcamanta Ismael huañuchishpa, chai huañushca runacunata shitashca jatun jutcutaca ñaupamanmi, Israel llajtata jatun mandaj Baasa macanacunaman shamujpi, Judá llajtata jatun mandaj Asa rurachishca carca. Chai jutcupimi Netaniaspaj churi Ismaelca, huañushcacunata jundachirca.

Mateo 16:26

Runaca cai pachapi tucui tiyajcunata japishpapish, paipaj almata chingachishpaca ¿ima allitaj cangari? Paipaj almata quishpichingapajca ¿imatashi cunga?

Mateo 6:25

Chaimanta cashnami nini: Cancunapaj causaipi, imatataj micushun, imatataj ubyashun, cuerpopipish imatataj churashun nishpa, ama chai yuyailla huañuricuichijchu. ¿Manachu causaica micunatapish ashtahuan yalli alli? ¿Manachu cuerpopish churanata ashtahuan yalli alli?