JEREMÍAS 41:5 - Dios Rimashca Shimicunami

⁵ Siquem, Silo shuti, Samaria shuti pueblocunamantaca, pusaj chunga runacunami Mizpa puebloman shamurcacuna. Paicunaca barbasta p'icharishca, churanacunata lliquirishca, tucui aichata aspirishcami, Mandaj Diospaj huasiman apangapaj Diosman cunatapish, inciensotapish apashca shamurcacuna.

JEREMÍAS 41:5 Iomraidhean Croise

GÉNESIS 33:18

Jacobca Padan-arammanta tigrashpaca Canaanpi caj Siquem puebloman ima mana tucushca alli chayashcamantami, chai pueblo ch'imbapurallapi causanata callarirca.

GÉNESIS 34:2

Paitaca chai llajtata mandaj heveo Hamorpaj churi Siquem moso ricushpami mana nicujllatataj pushashpa paihuan dormishpa pingaichirca.

GÉNESIS 37:12

Shuj punllaca Josepaj huauquicunaca, paicunapaj yayapaj ovejacunata Siquempi michinamanmi rircacuna.

2 SAMUEL 10:4

Chaimi Hanunca, Davidpajta rurajcunata japishpa, shuj lado barbasta tucui raspashpa, churanacunatapish shuj lado uritaca siqui patacama lliquishpa paicunataca tigrachishpa cacharca.

1 REYES 12:1

Roboamca, jatun mandaj cachun paita churangapaj tucui israelcuna Siquempi tandanacujpimi, chaiman rirca.

1 REYES 12:25

Jeroboamca, Efraín urcupi caj Siquem pueblota allichishpami chaipi causarca. Chaimanta llujshishpaca, Penuel pueblotami allichirca.

1 REYES 16:24

Omrica, Semer shuti runamanmi, Samaria urcuta ishqui talento cullquipi randishpa, chai urcupica, shuj pueblota rurarca. Chai urcuta c'atuj runa Semer shuti cashcamantami, chai pueblotaca Samariata shutichirca.

1 REYES 16:29

Jatun mandaj Asa, Judá llajtata ña quimsa chunga pusaj huatata mandacujpimi, Omripaj churi Acabca, Israel llajtata mandai callarirca.

2 REYES 25:9

Paimi Mandaj Diospaj huasitapish, mandashpa tiyana huasitapish, Jerusalenpi caj huasicunatapish, jatun mandaj churashca mandajcunapaj huasicunatapish tucuita rupachirca.

1 CRÓNICAS 19:4

Shina nijpimi Hanunca, Davidpajta rurajcunata japishpa shuj lado barbasta tucui raspashpa, churanacunatapish shuj lado uritaca siqui patacama lliquishpa paicunataca tigrachishpa cacharca.

SALMOS 102:14

Quiquinpajta rurajcunaca chai pueblopaj rumimantami huañucuncuna. Chai ñutu allpata llaquishpamari huañucuncuna.

SALMOS 78:60

Chaimantami Silopi caj carpa huasipi canataca saquirca. Runacunapaj chaupipi pai causacushca carpa huasimantaca anchurcami.

ISAÍAS 15:2

Bayit, Dibón pueblocunapaj jatun urcucunapi caj altarcunapi huacanamanmi huichiyangacuna. Nebo, Medeba pueblocunata tucuchishcamantapishmi, Moabpi causajcunaca caparishpa huacangacuna. Tucuicunami umata rutushca, barbasta anchuchishca cangacuna.

JEREMÍAS 16:6

Cai llajtapi causajcunaca jatuncunandij, uchillacunandijmi huañungacuna. Paicunataca pi mana pambangacunachu, pi mana huacangallapishchu. Pi mana llaquirishpa churanata lliquiringachu, uma ajchatapish mana ruturingacunachu.

JEREMÍAS 41:4

Gedaliasta pai huañuchishcataca, shuj punlla huashacama manaraj pi yachaj chayarcachu. Chaimantami chai punlla huashaca cashna tucurca:

JEREMÍAS 47:5

Gaza pueblopi causajcunaca, uma ajchata rasparircacunami. Ascalonpi causajcunacarin tucurircamari. Chai pueblo c'uchu pugru pambapi causajcunapish, ¿maicamachari llaquirishpa quiquin aichata chugrichiricunguichijlla?

JEREMÍAS 48:37

Tucuicunamari uma ajchata rasparingacuna, barbastapish p'icharishpami, tucuicuna cañamazuta churaringacuna. Maquicunapish chugri chugrimi cangacuna.

JEREMÍAS 7:12

Ñucaca ñaupaca, Silo pueblopimi causarcani. Ñuca agllashca israelcuna millaita rurashcamanta, chai pueblota ñuca imata rurashcata ricugrichigari.

JEREMÍAS 7:14

Chashna rurashcamantaca ñucata mañana cai huasitapish, Silo pueblota shinallatajmi ruragrini. Cancunapaj ñaupa yayacunaman cushcamanta, cancunapaj shunguta churashca cai huasitaca urmachishatajmi.

JOEL 2:13

Ama churanataraj lliquirichijchu, ashtahuanpish cancunapaj shungupi llaquirichigari. Cancunata Mandaj Diospajman cutirichigari. Paica llaquishpa cashcata rurajmari, mana utca p'iñarij, jatunta llaquijmari, llaquichisha nishpapish, llaquishpa jarcarijmi.

DEUTERONOMIO 14:1

Cancunaca Mandaj Dios cancunapaj Taita Diospaj huahuacunami canguichij. Maijan huañushcamantaca, cancunapaj aichata ama chugrichiringuichijchu. Uma ajchata ama p'itiringuichijchu.

JOSUÉ 18:1

Israelcunaca tucuicunata mishashpa llajtata japishca q'uipaca, Silo pueblopi tucuicuna tandanacushpami, Mandaj Dioshuan tupangapaj tandanacuna carpa huasita shayachircacuna.

JOSUÉ 24:32

Israelcunaca Egiptomanta apamushca Josepaj tullucunataca, Siquem pueblopimi pambarcacuna. Chai allpataca yaya Jacobmi, Siquem shuti runapaj yaya Hamorman patsaj cullquipi randirca. Chai allpacunami Josepaj huahuacunapaj tucurca.

JUECES 18:31

Chashnami Danpaj ailluca Micaía runa imamanpish rijchaj diosta caspipi rurashcata shayachishpa adorarcacuna. Diospaj carpa huasi Silo pueblopi cai punllacunaca tucui chai punllacunami chaipi shayachishca carca.

JUECES 9:1

Jerobaal nishca Gedeonpaj churi Abimelecca, paipaj mamapaj turicunapajman Siquem puebloman rishpami, paicunatapish, paipaj mamapaj, yayapaj tucui familiacunatapish cashna nirca:

1 SAMUEL 1:7

Mandaj Diospaj huasiman huatanta huichiyashpapish Penina huarmica Anataca chashnallataj nishpami llaquichij carca. Chaimantami Anaca huacashpa mana micuj carca.