JEREMÍAS 41:2 - Dios Rimashca Shimicunami

² Ña micushpaca Netaniaspaj churi Ismaelca, paihuan caj chunga runacunandij jatarishpami, Ahicampaj churi Gedaliastaca espadahuan chugrichishpa huañuchircacuna. Chashnami Safanpaj nieto Gedaliastaca huañuchircacuna. Paitaca Babilonia llajtata jatun mandajllatajmi Judá llajtata mandaj cachun churashpa saquishca carca.

JEREMÍAS 41:2 Iomraidhean Croise

2 SAMUEL 3:27

Hebronman Abner tigrajpica, Joabca paillahuan parlasha nishpami puebloman yaicuna pungu c'uchuman pusharca. Chaipimi paipaj huauqui Asaelta huañuchishcamantaca paitapish pechopi lanzahuan satijpi huañurca.

2 REYES 25:25

Gedalías canchis quillata ña mandacujpimi, Judá llajtata jatun mandajpaj familiapura caj Elisama runapaj nieto Netaniaspaj churi Ismaelca chunga runacunandij Mizpa puebloman shamurca. Chaipimi Gedaliastapish, Judá llajtallamantataj paihuan chaipi causacujcunatapish, paihuan caj Caldeocunatapish huañuchirca.

SALMOS 109:5

Paicunapaj allita rurashcamantaca, millaita rurashcahuanmi ñucamanca cutichincuna. Paicunata c'uyashcamantaca, p'iñashcahuanmi cutichincuna.

SALMOS 41:9

Ñucahuan alli apanacuj runa, ñuca paipi shunguta churashca runa, ñuca micunata micujllatajmi, ñucata p'iñashpa chaqui talonhuan jaitarca.

JEREMÍAS 40:14

Paicunami Gedaliastaca: –Amón runacunata jatun mandaj Baalisca, Netaniaspaj churi Ismaeltamari canta huañuchichun cachashca. ¿Chaitaca manachu yachangui?– nircacunami. Shina nijpipish, Ahicampaj churi Gedaliasca mana crircachu.

JEREMÍAS 40:16

Shina nijpipish Ahicampaj churi Gedaliasca, Careapaj churi Johanantaca: –Ama chaita ruragrichu, Ismaeltaca manapish pai rurasha nicushcata yanga juchachicunguillami– nircami.

JEREMÍAS 40:5

Saquirisha nishpaca, Ahicampaj churi Gedaliaspajman tigrailla. Safanpaj nieto Gedaliastaca Babilonia llajtata jatun mandajmi, tucui Judá llajta pueblocunapi causajcunata mandaj cachun churashpa saquirca. Judapi saquirishca cambaj llajtapuracunapaj chaupipi paipaj huasipi causagrilla. Mana cashpaca maipi ashtahuan alli canata ricushpa chaiman rinata agllailla” nircami. Shina nishpaca cuidaj soldadocunata mandajca micunatapish, shuj sumaj convidanatapish cushpami, Jeremiastaca caya minchacama nishpa cacharca.

JEREMÍAS 40:7

Babilonia llajtata jatun mandajca, Ahicampaj churi Gedaliastami Judá llajtapi saquishca tucui c'aricunatapish, huarmicunatapish, huahuacunatapish, huajchacunatapish mandashpa, cuidashpa tiyachun mingashpa saquirca. Babilonia llajtaman mana apashcacunata mandachun paita saquishcataca, urcucunapi miticushpa saquirishca mandaj soldadocunami paicunapaj soldadocunandijllataj yachaj chayarcacuna.

JEREMÍAS 40:8

Chaimantami paicunaca Gedaliaspajman, Mizpa puebloman shamurcacuna. Caicunami shamurcacuna: Netaniaspaj churi Ismaelpish, Carea runapaj Johanán, Jonatán shuti ishqui churicunapish, Tanhumetpaj churi Seraiaspish, Netofa pueblopi causaj Efaipaj churicunapish, Maaca pueblopi causaj shuj runapaj churi Jezaniaspishmi shamurca. Tucui paicunami paicunapaj soldadocunandij shamurcacuna.

JEREMÍAS 41:3

Shinallataj Ismaelca, Mizpa pueblopi Gedaliashuan causacuj Judá runacunatapish, chaipi saquishca caldeo soldadocunatapishmi huañuchirca.

Juan 13:18

Mana tucui cancunatachu chashna nini. Maijanlla ñuca agllashcataj cajtaca yachanimi. Ashtahuanpish: “Ñucahuan micujllatajmi, ñucataca jaitanga” nishpa Quillcachishca pajtachunmi chashna tucun.