JEREMÍAS 41:1 - Dios Rimashca Shimicunami

¹ Chai huatapaj canchis quillapimi, jatun mandajpaj huahua huahuapura Netaniaspaj churi Ismaelca, jatun mandajpajta rurashpa causashca maijan mandajcunandij, shujtaj chunga runacunandij Gedaliaspajman Mizpa puebloman shamurcacuna. Netaniasca Elisamapaj churimi carca. Ismaelca tucui paicunahuan shamushpami, Mizpa pueblopica Gedalías jatun micuita rurashpa carajpi tandalla micurca.

JEREMÍAS 41:1 Iomraidhean Croise

2 SAMUEL 3:27

Hebronman Abner tigrajpica, Joabca paillahuan parlasha nishpami puebloman yaicuna pungu c'uchuman pusharca. Chaipimi paipaj huauqui Asaelta huañuchishcamantaca paitapish pechopi lanzahuan satijpi huañurca.

2 REYES 11:1

Ocoziaspaj mama Ataliaca paipaj churi huañushcata yachashpa jatarishpaca, jatun mandajpaj tucui huahua huahuacunatami chingachirca.

2 REYES 25:22

Babilonia llajtata jatun mandaj Nabucodonosorca, mana huañushpa puchushca Judá llajtapi cajcunata mandachunca, Safanpaj nieto Ahicampaj churi Gedaliastami churarca.

2 REYES 25:25

Gedalías canchis quillata ña mandacujpimi, Judá llajtata jatun mandajpaj familiapura caj Elisama runapaj nieto Netaniaspaj churi Ismaelca chunga runacunandij Mizpa puebloman shamurca. Chaipimi Gedaliastapish, Judá llajtallamantataj paihuan chaipi causacujcunatapish, paihuan caj Caldeocunatapish huañuchirca.

2 CRÓNICAS 22:10

Ocoziaspaj mama Ataliaca, paipaj churi huañushcata yachashpa jatarishpaca, Judá llajtata jatun mandajpaj tucui huahua huahuacunatami chingachirca.

SALMOS 109:5

Paicunapaj allita rurashcamantaca, millaita rurashcahuanmi ñucamanca cutichincuna. Paicunata c'uyashcamantaca, p'iñashcahuanmi cutichincuna.

SALMOS 41:9

Ñucahuan alli apanacuj runa, ñuca paipi shunguta churashca runa, ñuca micunata micujllatajmi, ñucata p'iñashpa chaqui talonhuan jaitarca.

PROVERBIOS 13:10

Jatun tucushcacunaca p'iñanacunllami. Ashtahuanpish cunashcata chasquijcunaca, alli yachajcunami tucun.

PROVERBIOS 27:4

P'iñarishca yuyaipica, pita llaquina yuyaipish mana tiyanchu. Yallitaj p'iñarishca cajpicarin, jarcarina yuyaipish mana tiyanchu. ¿Imata charijpi p'iñajpaj ñaupajpicarin, pitaj shayari tucungari?

JEREMÍAS 36:12

Chaita uyashpaca, jatun mandajpaj huasiman uriyashpami, quillcaj runapaj ucuman yaicurca. Chaipica tucui cai mandajcunami tiyacurcacuna: Quillcaj Elisama, Semaiaspaj churi Delaía, Acborpaj churi Elnatán, Safanpaj churi Gemarías, Ananiaspaj churi Sedequiaspishmi tiyacurcacuna.

JEREMÍAS 36:20

Chashna nishpaca Baruc charicushca pillushca carataca, Elisama shuti quillcaj runa tiyana ucupi saquishpami, jatun mandaj tiyacunman rircacuna. Chaipimi chai shimicunata uyashcataca, paiman tucuita parlarcacuna.

JEREMÍAS 39:14

Jeremiastaca, prezuna huasi canllamanta llujshichichircacuna. Chaimanta llujshichishpaca, Ahicampaj churi Gedaliasmanmi curcacuna. Ahicampaj yayaca Safán shutimi carca. Jeremiastaca paipaj huasipi pushashpa causachunmi, Gedaliasmanca curcacuna. Chashnami Jeremiasca, Judapi saquirishcacunallahuantaj causarca.

JEREMÍAS 40:13

Gedaliasca, Mizpa pueblopimi causacurca. Shuj punllami Carea runapaj churi Johananpish, urcucunapi miticushpa saquirishca caishuj mandaj soldadocunapish Gedaliaspajman shamurcacuna.

JEREMÍAS 40:5

Saquirisha nishpaca, Ahicampaj churi Gedaliaspajman tigrailla. Safanpaj nieto Gedaliastaca Babilonia llajtata jatun mandajmi, tucui Judá llajta pueblocunapi causajcunata mandaj cachun churashpa saquirca. Judapi saquirishca cambaj llajtapuracunapaj chaupipi paipaj huasipi causagrilla. Mana cashpaca maipi ashtahuan alli canata ricushpa chaiman rinata agllailla” nircami. Shina nishpaca cuidaj soldadocunata mandajca micunatapish, shuj sumaj convidanatapish cushpami, Jeremiastaca caya minchacama nishpa cacharca.

JEREMÍAS 40:6

Jeremiasca, Ahicampaj churi Gedaliaspajmanmi, Mizpa puebloman tigrarca. Chaipimi paipaj huasipi causarca. Chashnami Judapi saquirishcacunapurallapitaj causarca.

JEREMÍAS 40:7

Babilonia llajtata jatun mandajca, Ahicampaj churi Gedaliastami Judá llajtapi saquishca tucui c'aricunatapish, huarmicunatapish, huahuacunatapish, huajchacunatapish mandashpa, cuidashpa tiyachun mingashpa saquirca. Babilonia llajtaman mana apashcacunata mandachun paita saquishcataca, urcucunapi miticushpa saquirishca mandaj soldadocunami paicunapaj soldadocunandijllataj yachaj chayarcacuna.

JEREMÍAS 40:8

Chaimantami paicunaca Gedaliaspajman, Mizpa puebloman shamurcacuna. Caicunami shamurcacuna: Netaniaspaj churi Ismaelpish, Carea runapaj Johanán, Jonatán shuti ishqui churicunapish, Tanhumetpaj churi Seraiaspish, Netofa pueblopi causaj Efaipaj churicunapish, Maaca pueblopi causaj shuj runapaj churi Jezaniaspishmi shamurca. Tucui paicunami paicunapaj soldadocunandij shamurcacuna.

EZEQUIEL 17:13

Shinallataj jatun mandajpaj huahua huahuacunapuramanta shuj pushajta japishpami, chai runataca imata ruranatapish pajtachichun ari nichirca. Chaimantaca cai llajtata jatun mandajcunata pushashpa rircallami.

Juan 13:18

Mana tucui cancunatachu chashna nini. Maijanlla ñuca agllashcataj cajtaca yachanimi. Ashtahuanpish: “Ñucahuan micujllatajmi, ñucataca jaitanga” nishpa Quillcachishca pajtachunmi chashna tucun.