JEREMÍAS 40:8 - Dios Rimashca Shimicunami

⁸ Chaimantami paicunaca Gedaliaspajman, Mizpa puebloman shamurcacuna. Caicunami shamurcacuna: Netaniaspaj churi Ismaelpish, Carea runapaj Johanán, Jonatán shuti ishqui churicunapish, Tanhumetpaj churi Seraiaspish, Netofa pueblopi causaj Efaipaj churicunapish, Maaca pueblopi causaj shuj runapaj churi Jezaniaspishmi shamurca. Tucui paicunami paicunapaj soldadocunandij shamurcacuna.

JEREMÍAS 40:8 Iomraidhean Croise

2 SAMUEL 10:6

Amonitacunaca chaimanta David paicunahuan p'iña cashcata yachashpami, Bet-rehobpi causaj siriocunata, Sobapi causaj siriocunata chaquillahuan purij 20.000 runacunata, jatun mandaj Maacapaj 1.000 runacunata, Is-tobpaj 12.000 runacunata pagashpa pushamuchun cacharca.

2 SAMUEL 10:8

Amonitacunaca macanacungapaj llujshishpaca paicunapaj puebloman yaicuna pungullapimi macanacunalla tucushpa shayarircacuna. Sobamanta caj siriocunapish, Rehobmanta cajcunapish, Is-todmanta cajcunapish, Maacamanta cajcunapish shujtaj pambapimi shayarircacuna.

2 SAMUEL 23:34

Maacapaj churi Ahasbaipaj churi Elifeletpish, Gilomanta caj Ahitofelpaj churi Eliampish,

2 REYES 25:23

Babilonia llajtata jatun mandajca, Judá pueblota mandaj cachunca Gedaliastami churashca nijta uyashpami, Judá llajta soldadocunata mandajcunapish tucui gentecunapish Mizpa puebloman Gedaliaspajman shamurcacuna. Paicunahuanca Netaniaspaj churi Ismael, Carea runapaj churi Johanan, Netofa pueblopi causaj Tanhumet runapaj churi Seraías, Maacamanta caj shuj runapaj churi Jaazaniaspishmi rircacuna.

2 REYES 25:25

Gedalías canchis quillata ña mandacujpimi, Judá llajtata jatun mandajpaj familiapura caj Elisama runapaj nieto Netaniaspaj churi Ismaelca chunga runacunandij Mizpa puebloman shamurca. Chaipimi Gedaliastapish, Judá llajtallamantataj paihuan chaipi causacujcunatapish, paihuan caj Caldeocunatapish huañuchirca.

1 CRÓNICAS 11:30

netofatitapuramanta caj Maharaipish, netofatitapurallamantataj caj Baanapaj churi Heledpish,

1 CRÓNICAS 2:48

Calebpaj Maaca caishuj huarmica: Seber, Tirhana churicunatami charirca.

1 CRÓNICAS 2:54

Salmapaj huahua huahuacunaca: Belenpi causajcunapish, Netofapi causajcunapish, Atrot-bet-joabpi causajcunapish, chaupi manahetitacunapish, zoraitacunapishmi carca.

ESDRAS 2:2

Zorobabelhuan tigraj pushajcunaca Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum, Baana shuticunami carca. Tandanacushca israelcunaca caicunami carca:

ESDRAS 2:22

Netofamantaca pichca chunga sujta runacunami carca.

NEHEMÍAS 7:26

Belenmanta, Netofamanta cajcunaca 188mi carca.

JEREMÍAS 37:15

Mandajcunaca p'iñarishpami, Jeremiastaca anguhuan macarcacuna. Chaimantaca Jonatán shuti quillcaj runapaj huasi cashca ucupimi prezu churarcacuna. Chai huasitaca ñaupamanca, quillcashpa tiyana huasi cashca cajpipish, prezuna huasitami rurarcacuna.

JEREMÍAS 37:20

Jatun mandaj ñuca amitolla, cunanca caillatami mañagripani. Ñuca mañashcata ari nihuailla: Ñucaca quillcaj Jonatanpaj huasipica mana huañusha ninichu. Ama chaiman tigrachishpa cachahuaichu– nircami.

JEREMÍAS 38:26

Shina nijpica: Jatun mandajtaca mana chai Jonatanpaj huasipi huañusha ninica, ama chaiman cutin tigrachishpa cachahuaichu nishpallami mingacurcani ningui– nircami.

JEREMÍAS 40:11

Shinallataj Judá llajtamanta rishpa Moab, Amón, Edom shuti llajtacunapi cajcunapish, tucui caishuj llajtacunapi cajcunapishmi Babilonia llajtata jatun mandajca, Judá llajtapi huaquincunata saquishcata yachaj chayarcacuna. Shinallataj chaipi saquirishcacunata mandachunca, Safanpaj churi caj Ahicampaj churi Gedaliasta saquishcatapishmi yachaj chayarcacuna.

JEREMÍAS 40:13

Gedaliasca, Mizpa pueblopimi causacurca. Shuj punllami Carea runapaj churi Johananpish, urcucunapi miticushpa saquirishca caishuj mandaj soldadocunapish Gedaliaspajman shamurcacuna.

JEREMÍAS 40:14

Paicunami Gedaliastaca: –Amón runacunata jatun mandaj Baalisca, Netaniaspaj churi Ismaeltamari canta huañuchichun cachashca. ¿Chaitaca manachu yachangui?– nircacunami. Shina nijpipish, Ahicampaj churi Gedaliasca mana crircachu.

JEREMÍAS 40:15

Chaimantami Careapaj churi Johananca Mizpa pueblollapitaj Gedaliasllata cashna nirca: Netaniaspaj churi Ismaeltaca pi mana yachajllapi cunantaj rishpa huañuchimugrisha. ¿Maitataj canta huañuchichunca saquinguiyari? Canhuan tandanacushpa, cai Judá llajtapi causacujcunaca caita, chaitamari ringacuna. Huaquincunallapish saquirishca cai Judá runacunaca chingaringamari– nircami.

JEREMÍAS 40:6

Jeremiasca, Ahicampaj churi Gedaliaspajmanmi, Mizpa puebloman tigrarca. Chaipimi paipaj huasipi causarca. Chashnami Judapi saquirishcacunapurallapitaj causarca.

JEREMÍAS 41:1

Chai huatapaj canchis quillapimi, jatun mandajpaj huahua huahuapura Netaniaspaj churi Ismaelca, jatun mandajpajta rurashpa causashca maijan mandajcunandij, shujtaj chunga runacunandij Gedaliaspajman Mizpa puebloman shamurcacuna. Netaniasca Elisamapaj churimi carca. Ismaelca tucui paicunahuan shamushpami, Mizpa pueblopica Gedalías jatun micuita rurashpa carajpi tandalla micurca.

JEREMÍAS 41:11

Ismael imalla jatun llaquita rurashcataca, Careapaj churi Johananpish, paihuan caj soldadocunata mandajcunapish yachaj chayarcacunami.

JEREMÍAS 41:2

Ña micushpaca Netaniaspaj churi Ismaelca, paihuan caj chunga runacunandij jatarishpami, Ahicampaj churi Gedaliastaca espadahuan chugrichishpa huañuchircacuna. Chashnami Safanpaj nieto Gedaliastaca huañuchircacuna. Paitaca Babilonia llajtata jatun mandajllatajmi Judá llajtata mandaj cachun churashpa saquishca carca.

JEREMÍAS 42:1

Soldadocunata tucui mandajcunapish, Careapaj churi Johananpish, Osaiaspaj churi Jezaniaspish, tucui chaipi cajcunallataj jatuncunamanta uchillacunacamami,

JEREMÍAS 42:8

Chaimantami paica Careapaj churi Johanantapish, paihuan caj soldadocunata tucui mandajcunatapish, chaipi cajcunataca jatuncunamanta uchillacunacama cayashpa,

JEREMÍAS 43:2

Osaiaspaj churi Azariaspish, Careapaj churi Johananpish, tucui caishuj jatun tucushca runacunapishmi Jeremiastaca cashna nircacuna: “Canca llullacunguillami. Maitataj ñucanchijta Mandaj Diosca: Ama Egipto llajtapi causagrichijchu nigri nishpaca cachashca cangari.

JEREMÍAS 43:5

Ashtahuanpish Careapaj churi Johananpish, caishuj mandaj soldadocunapishmi saquirishca tucui Judá runacunata tandachircacuna. Chaicunaca tucui caishuj llajtacunamanta Judá llajtaman tigrashpami, paicuna maillamanta llujshishpa rishcallapitaj causacurcacuna.

DEUTERONOMIO 3:14

Manasespaj huahua huahuacunapuramanta Jair runaca, tucui Argob llajtatami Gesur, Maaca shuti llajta lindecunacama japirca. Chai llajtataca Basán-havot-jair shutitami shutichirca. Chai llajtaca cunancama chai shutillatajmi.

JOSUÉ 12:5

Og shuti mandajca, Hermón urcupi caj llajtatapish, Salca llajtatapish, tucui Basán llajtahuan, Gesur llajtahuan, Maaca llajtahuan tupanacuncama, chaupi Galaad llajtatapish, Hesbón pueblota jatun mandaj Sehón mandacun llajtahuan tupanacun llajtacamami mandaj carca.