JEREMÍAS 40:7 - Dios Rimashca Shimicunami7 Babilonia llajtata jatun mandajca, Ahicampaj churi Gedaliastami Judá llajtapi saquishca tucui c'aricunatapish, huarmicunatapish, huahuacunatapish, huajchacunatapish mandashpa, cuidashpa tiyachun mingashpa saquirca. Babilonia llajtaman mana apashcacunata mandachun paita saquishcataca, urcucunapi miticushpa saquirishca mandaj soldadocunami paicunapaj soldadocunandijllataj yachaj chayarcacuna. Faic an caibideil |
Chaimi chai pueblopaj jatun pircata jutcushpaca macanacuj runacunaca tuta llujshishpa miticushpa rircacuna. Paicunaca caldeocuna chai pueblo muyujpi cajllapitajmi jatun mandajpaj huerta ladopi caj ishqui pircapaj punguman rina ñanta miticushpa rircacuna. Jatun mandajca Arabá pambaman rina ñantami rirca.
Tucui chai c'aricunata, huarmicunata, huahuacunata, jatun mandajpaj ushushicunatapish, cuidaj soldadocunata mandaj Nabuzaradán, Ahicampaj churi Gedaliashuan saquishcacunatapish tucuicunatami tandachircacuna. Ahicampaj yayaca Safanmi carca. Shinallataj Dios ima nishcata huillaj Jeremiastapish, Neriaspaj churi Baructapishmi tandachircacuna.
Jeremiastaca, prezuna huasi canllamanta llujshichichircacuna. Chaimanta llujshichishpaca, Ahicampaj churi Gedaliasmanmi curcacuna. Ahicampaj yayaca Safán shutimi carca. Jeremiastaca paipaj huasipi pushashpa causachunmi, Gedaliasmanca curcacuna. Chashnami Jeremiasca, Judapi saquirishcacunallahuantaj causarca.
Chai huatapaj canchis quillapimi, jatun mandajpaj huahua huahuapura Netaniaspaj churi Ismaelca, jatun mandajpajta rurashpa causashca maijan mandajcunandij, shujtaj chunga runacunandij Gedaliaspajman Mizpa puebloman shamurcacuna. Netaniasca Elisamapaj churimi carca. Ismaelca tucui paicunahuan shamushpami, Mizpa pueblopica Gedalías jatun micuita rurashpa carajpi tandalla micurca.
Chai q'uipaca Netaniaspaj churi Ismaelca, Mizpa pueblopi saquirishcacunatapish, jatun mandajpaj ushushicunatapish tandachishpami, tucuicunata apashpa Amón llajtaman rirca. Cuidaj soldadocunata mandaj Nabuzaradanmi, tucui chaicunataca Ahicampaj churi Gedaliasman mingashpa saquishca carca. Chaicunatami Ismaelca prezu aparca.