JEREMÍAS 40:5 - Dios Rimashca Shimicunami

⁵ Saquirisha nishpaca, Ahicampaj churi Gedaliaspajman tigrailla. Safanpaj nieto Gedaliastaca Babilonia llajtata jatun mandajmi, tucui Judá llajta pueblocunapi causajcunata mandaj cachun churashpa saquirca. Judapi saquirishca cambaj llajtapuracunapaj chaupipi paipaj huasipi causagrilla. Mana cashpaca maipi ashtahuan alli canata ricushpa chaiman rinata agllailla” nircami. Shina nishpaca cuidaj soldadocunata mandajca micunatapish, shuj sumaj convidanatapish cushpami, Jeremiastaca caya minchacama nishpa cacharca.

JEREMÍAS 40:5 Iomraidhean Croise

2 REYES 22:12

Hilcías curatapish, Safanpaj churi Ahicamtapish, Micaiaspaj churi Acbortapish, quillcaj Safán runatapish, jatun mandajpajta ruraj Asaiastapish cashna nishpa mandarca.

2 REYES 22:14

Shina nijpi Hilcías curapish, Ahicampish, Acborpish, Safanpish, Asaiaspish profeta Hulda huarmipajmanmi rircacuna. Chai huarmica, Harhaspaj nieto Ticvapaj churi Salumpaj huarmimi carca. Salumca jatun mandajpaj churanacunata cuidajmi carca. Chai huarmica q'uipata rurashca Jerusalenpimi causarca. Chaiman rishpami paicunaca paihuan parlanacurcacuna.

2 CRÓNICAS 34:20

Hilcías curatapish, Safanpaj churi Ahicamtapish, Micaiaspaj churi Abdontapish, quillcaj Safán runatapish, jatun mandajpajta ruraj Asaiastapish cashna nishpa mandarca:

ESDRAS 7:27

Jerusalenpi caj Mandaj Diospaj huasita sumajta shayachichun jatun mandajman yuyaita cuj ñucanchij ñaupa yayacunapaj Mandaj Diosca alli nishca cachun.

ESDRAS 7:6

Chai Esdrasmi Babiloniamanta Jerusalenman huichiyarca. Paica israelcunata Mandaj Dios Moisesman cushca mandashcacunata alli yachajpish, quillcajpishmi carca. Mandaj Taita Dios Esdrashuan cajpimi, jatun mandajca pai imata mañashcatapish curcalla.

NEHEMÍAS 1:11

Mandaj Dios quiquintami rogani. Cambaj shutita alli nina yuyaihuan cajcunataca cambajta ruraj ñuca mañashcatapish, cambajta ruraj caishujcuna mañashcatapish uyahuai. Cambajta ruraj ñuca jatun mandajpaj ñaupajpi alli ricurichun ayudahuai” nishpami Diosta mañarcani. Chai punllacunaca ñucaca jatun mandajman vinota pasachijmi carcani.

JOB 22:29

Maijan pingachishca cajpica: Jatunyachishcami canga ninguimi. Mana jatun tucujcunataca, Taita Diosmi quishpichinga.

PROVERBIOS 16:7

Mandaj Diosta cushichishpa, sumajta causaj runataca paicunata p'iñajcunapish alli tucushpa mana llaquichincunachu.

PROVERBIOS 21:1

Jatun mandajpaj shungutaca, Mandaj Diosmi paipaj maquipi charicun. Uchilla larcacunapi yacuta chaupij shina, pai munashcatami rurachin.

JEREMÍAS 15:11

Mandaj Dioslla, ñucata p'iñajcunata llaqui japijpi llaquilla puricujpica, cantamari paicunata ayudachun mañarcani. Paicunamanta mana chashna mañashca cajpica, paicuna ñucata llaqui tucuchun nishca shina pajtachunlla.

JEREMÍAS 26:24

Jeremiastaca, Safanpaj churi Ahicam shuti mandajmi, chaipi tandanacushcacuna ama huañuchichunca, paicunapaj maquipi churachun mana saquirca.

JEREMÍAS 39:14

Jeremiastaca, prezuna huasi canllamanta llujshichichircacuna. Chaimanta llujshichishpaca, Ahicampaj churi Gedaliasmanmi curcacuna. Ahicampaj yayaca Safán shutimi carca. Jeremiastaca paipaj huasipi pushashpa causachunmi, Gedaliasmanca curcacuna. Chashnami Jeremiasca, Judapi saquirishcacunallahuantaj causarca.

JEREMÍAS 40:4

Cunan ñucaca maquicunapi cadenacunahuan huatashca ricushcamanta cacharinimi. Ñucahuan Babiloniaman rina cambaj yuyaipi alli cajpica, ñucahuan jaculla. Cantaca alli cuidashpa pushashallami. Babiloniaman ñucahuan rina mana alli yuyachijpica, saquirilla. Cai tucui llajtapica, maipi cambaj ashtahuan alli cana cajpi, maiman rina ashtahuan alli yuyachijpica chaiman rilla.

JEREMÍAS 41:1

Chai huatapaj canchis quillapimi, jatun mandajpaj huahua huahuapura Netaniaspaj churi Ismaelca, jatun mandajpajta rurashpa causashca maijan mandajcunandij, shujtaj chunga runacunandij Gedaliaspajman Mizpa puebloman shamurcacuna. Netaniasca Elisamapaj churimi carca. Ismaelca tucui paicunahuan shamushpami, Mizpa pueblopica Gedalías jatun micuita rurashpa carajpi tandalla micurca.

JEREMÍAS 41:18

Babilonia llajtata jatun mandajca, Ahicampaj churi Gedaliastami Judá llajtata mandachun churashpa saquishca carca. Netaniaspaj churi Ismael, paita huañuchishcamanta caldeocunata manchashpami, Egiptoman rinata yuyarircacuna.

JEREMÍAS 41:2

Ña micushpaca Netaniaspaj churi Ismaelca, paihuan caj chunga runacunandij jatarishpami, Ahicampaj churi Gedaliastaca espadahuan chugrichishpa huañuchircacuna. Chashnami Safanpaj nieto Gedaliastaca huañuchircacuna. Paitaca Babilonia llajtata jatun mandajllatajmi Judá llajtata mandaj cachun churashpa saquishca carca.

Hechos 27:3

Cayandij punllaca Sidonmanmi chayarcanchij. Julioca achcata llaquishpami, Pablopaj amigocuna paiman imallatapish cuchun nishpa ricugrichun saquirca.

Hechos 27:43

Chashna nijpica patsaj soldadocunata mandajca, Pablota mana huañuchisha nishcamantami cashna nirca: –Huambunata yachajcunaraj huambushpa allpaman llujshichun.

Hechos 28:10

Paicunapish ñucanchijtaca achcata c'uyashcata ricuchishpami, ña rishun nijpica ñucanchijpaj imalla illashcacunata cushpa cacharcacuna.

Hebreos 13:6

Chashna cajpimi, imata mana manchashpa: “Jatun Diosca ñucata ayudajmi. Pipish ñucata imata ruranataca, mana manchanichu” ninchij.