JEREMÍAS 40:3 - Dios Rimashca Shimicunami

³ Pai Mandaj Diosca chaitaca, pai nishca shinatajmi rurashca. Cancunallataj Mandaj Diosta mana cazushpa paita p'iñachijpi, pai rimashca shimicunatapish manataj uyajpimi, cai tucui llaquicuna shamushca.

JEREMÍAS 40:3 Iomraidhean Croise

NEHEMÍAS 9:28

Ashtahuanpish sumaj causaipi cashpaca, cutinllataj millaita ruranaman tigrashpami Diospaj ñaupajpi millai tucucurcallacuna. Paicunataca paicunata p'iñajcuna llaquichichun paicunapaj maquipimi saquijlla carcangui. Cutinllataj quiquinpajman tigrarishpa quiquinta caparijpica, quiquinca jahua pachamantami uyarcangui. Quiquinca ima shina c'uyaj cashca shinallatajmi cutin cutin p'iñajcunapaj maquimanta cacharichicurcanguilla.

NEHEMÍAS 9:33

Quiquinca cashcata ruraj cashpami, ñucanchij ima shina cashca shinallataj ñucanchij jahuaman llaquicunata cachashcangui. Ashtahuanpish ñucanchijmari mana allita rurashcanchij. Quiquinca imata mana pandata rurashcanguichu.

JEREMÍAS 11:17

Canta tarpuj, tucuita Mandaj Diostajmari cantaca llaquichishami nini. Israelcunapish, can Judá runacunapish Baalman inciensota cushpa rupachishpa, millaita rurashpa ñucata p'iñachishcamantami chashna ruragrini” nircami.

JEREMÍAS 22:8

Achcacunami cai pueblo c'uchuta puringacuna. Paicunaca caishuj chaishujmi: Cai puebloca sumaj, jatun pueblomari carca. ¿Imamantashi Mandaj Diosca cashna llaquichirca? ninacungacuna.

JEREMÍAS 39:16

“Ebed-melecpajman rishpa cashna nigri: Tucuita Mandaj, israelcunapaj Diosca cashnami nin: Ñucaca, cai pueblopajca ima allita mana rurashachu, ashtahuanpish imalla llaquicunata cachashami nishpa ñuca huillashcatami pajtachigrini. Chai llaqui punllacuna chayamucujtaca, cambaj ñahuihuantajmi ricungui.

JEREMÍAS 44:23

Cancunami shujtajcunapaj dioscunaman inciensota cushpa, Mandaj Diostaca yallitaj p'iñachircanguichij. Mandaj Dios mandashcataca manataj cazurcanguichijchu. Ima shinalla causanata yachachishcacunatapish manataj pajtachircanguichijchu. Chaimantami cancunataca cai tucui llaquicuna japishca. Cunan punllacamallatajmi chashna llaquipi causacunguichij– nircami.

JEREMÍAS 50:7

Ñuca ovejacunataca maipi puricujta japishpapish huañuchircacunallami. Paicunata p'iñajcuna chashna huañuchishpaca: Caicunata huañuchishcamanta mana juchachishca cashunchu. Paicunallatajmari paicunata cuidashpa pushashpa causaj Mandaj Diosta mana cazurcacuna. Paicunapaj ñaupa yayacuna shunguta churashca Mandaj Diostamari p'iñachircacuna nircacunami.

LAMENTACIONES 2:17

Mandaj Diosmari pai rurasha nishcata rurarca. Ñaupamanta pai huillachishcatamari pajtachirca. Pai urmachina cashcataca mana llaquishpami, tucuita urmachirca. Canta p'iñajcunatamari mishashpa tucuchichun churarca. Canta mana ricunachijcunamanmari mishachun fuerzata curca.

Romanos 2:5

Ashtahuanpish cambaj rumiyashca, mana cutirisha nij shungumantami, Taita Dios p'iñarishpa ima shina rurashcatataj ricuchishpa llaquichina punllapaj cambajllataj huaquichicungui.

Romanos 3:19

Ashtahuanpish Mandashca ucupi cajcunataca, tucui ima shina cana cashcata Mandashcallataj yachachicushcatami yachanchij. Tucui cai pachapi causajcunata ima shina cashcata Dios ricuchicuipica, tucuicunallataj shimi mana llujshishpa upalla cachunmi chashna yachachicun.

DEUTERONOMIO 29:25

Chaita cutichijca: 'Mandaj Dios paicunapaj ñaupa yayacunapaj Taita Diosmi Egiptomanta paicunata llujshichimucushpaca pai munashca shina causachun ari nichishca carca. Paicunallataj chaita p'aquishpa,