JEREMÍAS 4:9 - Dios Rimashca Shimicunami

⁹ Mandaj Diosca cashnapishmi nin: “Chai llaqui punlla chayamujpica jatun mandajpish, pai churashca mandajcunapish manchaihuan upayangacunami. Curacunapish imata mana shimi llujshi tucungacunachu. Huillajcunapish manchaihuan chujchungami” ninmi.

JEREMÍAS 4:9 Iomraidhean Croise

2 REYES 25:4

Chaimi chai pueblopaj jatun pircata jutcushpaca macanacuj runacunaca tuta llujshishpa miticushpa rircacuna. Paicunaca caldeocuna chai pueblo muyujpi cajllapitajmi jatun mandajpaj huerta ladopi caj ishqui pircapaj punguman rina ñanta miticushpa rircacuna. Jatun mandajca Arabá pambaman rina ñantami rirca.

SALMOS 102:4

Ñuca shunguca chugrimari, q'uihua shinamari chaquirishca. Chaimantamari micunatapish cungarishcani.

ISAÍAS 19:16

Chai punllapica egipciocunaca huarmicuna shinami cangacuna. Tucuita Mandaj Dios paicunata llaquichingapaj paipaj manchachij maquihuan jatarijpimi manchaihuan paipaj ñaupajpi chujchungacuna.

ISAÍAS 19:3

Egipciocunapurapica alli yuyaiyuj canaca mana tiyangachu. Paicuna imallata ruranata yuyarishcatapish chingachishami. Chaimi paicunaca paicunapaj rurashcalla dioscunata, paicunapaj brujocunata, huañushcacunahuan rimajcunata, adivinocunata tapungacuna.

ISAÍAS 28:19

Chai yacu jundai shamui callarishpaca cancunataca llaquichicungallami. Tucui tutamantacunami llaquichicungalla. Punllapish tutapish llaquichicungallami. Chaita uyashpa entendishpaca yallitaj mancharinami canga.

JEREMÍAS 2:26

Chai juchamantaca, israelcunaca shuhua japi tucushpa pingai tucuj shinami pingai tucunga. Paicunata jatun mandajcunandij, paicuna churashca mandajcunandij, curacunandij, huillajcunandijmi pingai tucungacuna.

JEREMÍAS 25:34

Michijcuna, caparirishpa huacaichigari. Oveja canllacunata pushajcuna, llaquirishpa allpapi singuichigari. Cunan punllami cancunataca cungata p'itishpa, tsirapana pajtashca. Sumaj vasota p'aquishca shinami saquiringuichij.

JEREMÍAS 37:19

Babilonia llajtata jatun mandajca cancunatapish, cai llajtatapish mana llaquichinaman shamungachu nishpa cancunaman huillajcunaca ¿maitagari?

JEREMÍAS 48:41

Chashna shamushpami tucui pueblocunata mishanga, tucui jatun torrecunayuj pueblocunatapishmi mishashpa japinga. Chai punllaca Moab runacunaca ashtahuan c'ari c'aricunapish, huachana nanaihuan caj huarmi shinami cangacuna.

JEREMÍAS 5:31

Huillajcunapish, llullashpallami huillancuna. Curacunapish, paicuna munashca shinami yachachincuna. Ñuca agllashcacunapish chaitamari munancuna. Chashna cashcamantaca, llaqui chayamui punllaca ¿imatataj ruranguichigari?” ninmi.

JEREMÍAS 52:7

Chaimantami pueblo muyundij jatun pircapica, shuj jutcuta rurarcacuna. Chaimantaca tucui soldadocunami, ishqui pirca chaupipi caj punguta tuta llujshircacuna. Chaita llujshishpaca, caldeo soldadocuna tucui muyundijta chapacujllapitajmi, jatun mandajpaj jardín c'uchu ñanta callpashpa Arabá pambaman rircacuna.

Hechos 13:41

“Uyaichij, ñuca huillashcata mana cazushpa yanganchijcuna. Mancharishpa, maipi ima tucuichij. Cancuna causacui punllacunapi, mancharinacunata ñuca rurana cashcata, maijan huillajpipish mana cringuichijchu” nishcami.