JEREMÍAS 4:6 - Dios Rimashca Shimicunami

⁶ Sión pueblopi miticunaman callpamuchun banderata alzaichigari. Janaj llajtamantamari jatun llaquita cachagrini, ama uniyaichijchu. Chaica cancunataca tucuchingamari.

JEREMÍAS 4:6 Iomraidhean Croise

ISAÍAS 62:10

¡Pungucunata pasashpa pasashpa richigari. Ñuca agllashcacunapaj ñanta allichichigari. Rumilla ñancunataca sumaj llambujllata ruraichigari. Rumicunata anchuchichigari. Llajtacuna ricuchun banderata alzaichigari!

JEREMÍAS 10:22

Judá llajtapi caj tucui pueblocunata shitashcata saquingapajmari, janaj llajtamantaca caparirishpa shamuncuna. Chacal animalcuna causanatamari rurangacuna– nircanimi.

JEREMÍAS 18:11

Chashna cashcamantaca cunanca tucui Judá runacunatapish, Jerusalenpi causajcunatapish cashna ni: Mandaj Diosca cashnami nin: Ñucaca cancunata llaquichinatamari yuyarircani. Ñamari alli yuyarishcata charicuni. Ama chaita rurachunca, tucuicuna millai causaita saquishpa cutirichigari. Allita rurai callarichigari ninmi nigri” nircami.

JEREMÍAS 21:7

Chai q'uipaca, Judá llajtata jatun mandaj Sedequiastapish ungüipi, espadapi, yaricaipi mana huañushpa, cai pueblopi causacujraj paita servijcunatapish, Babilonia llajtata jatun mandaj Nabucodonosorpaj maquipimi churasha. Paicunata p'iñashpa huañuchingapaj shamushca chai mandajpaj maquipi churajpica, espadahuanmi huañuchichinga. Paica pita mana llaquingachu, pimanta mana nanaringachu. Japishcahuan huañuchingallami ninmi nigrichij ningui.

JEREMÍAS 22:7

Canta urmachichunca, alli macanacunayuj runacunatami apamusha. Paicunami cambaj ashtahuan sumaj cedro caspicunataca, p'itishpa tucui rupachingacuna.

JEREMÍAS 25:9

Chaimanta cunanca tucui janaj lado llajtacunapi causaj ch'ican ch'ican aillucunatapish, Babilonia llajtata jatun mandaj ñucata servij Nabucodonosortapishmi caiman pushamugrini. Paitami cai llajtapi causajcunatapish, cai muyundij tucui llajtacunatapish llaquichishpa tucuchichun churagrini. Chashna huiñaipaj shitashcata saquishpami, chanzata rurashpa asinata rurasha. Ñuca Mandaj Diostajmi chashna nini.

JEREMÍAS 4:21

¿Maicamachari bandera alzashcata ricusha, trompeta tocashcata uyasha?

JEREMÍAS 50:2

“Llajtacunapi huillashpa yachaj chayachichigari. Banderacunatapish ricunallapi churashpa cashna huillaichigari: Babilonia puebloca shujtajpaj maquipi urmanca. Bel shuti diosca yallitaj pingai tucunca, Merodac diospish ñuturishcamari. Paicunapaj rurashcalla tucui dioscunamari ñutushca siricun nishpa caparichigari. Imata ama upalla saquirichijchu.

JEREMÍAS 50:22

Cai pachapica, jatun caparinacuimari tiyan.

JEREMÍAS 51:12

Babilonia pueblo muyundij jatun pircapi banderata shayachichigari. Ama llujshichun, alli cuidaj soldadocunata churaichij. Alli allichirishca chapaichigari. Mandaj Diosmari pai munashca shina llaquichinata yuyarirca. Babiloniapi causajcunata chashna llaquichisha nishcataca pajtachingatajmi.

JEREMÍAS 51:27

Tucui cai pachapi banderata alzaichigari. Chai pueblopi causajcunahuan macanacungapaj, trompetapi tocashpa tucui llajtacunamanta tandanacuichigari. Tucui runacuna paicunahuan macanacungapaj. Ararat, Mini, Askenaz shuti llajtacunamanta tandanacuichigari. Chai pueblopi causajcunahuan macanacuipi alli pushachun, alli mandajta churaichigari. P'iña langostacunatajlla caballocunapi tiyarishca huichiyamuichigari.

JEREMÍAS 51:54

Caldeocuna causan Babilonia llajtapica, jatun llaquihuan caparirishcamari uyaricun.

JEREMÍAS 6:1

Benjaminpaj huahuacuna, Jerusalenmanta llujshishpa callpaichigari. Ñamari janaj lado llajtamantaca, cancunata tucuchij jatun llaqui shamucun. Tecoa pueblopica, bocinapi tocashpa huillagrichigari. Bet-haquerem pueblo c'uchupi cushnita churashpa ricuchichigari.

JEREMÍAS 6:22

Mandaj Diosca cashnapishmi nin: “Janaj lado llajta runacunami shamugrin. Cai pacha tucuri llajtamantaca huaranga, huaranga runacunami shamugrin.

EZEQUIEL 9:1

Ñuca uyacuitami sinchita cashna caparirca: “Huañuchijcunaca ñamari pueblomantaca chayamushcacuna. Chingachingapajmari, paicunaca macanacunacunatapish maquipi apashca shamucuncuna” nircami.

EZEQUIEL 9:2

Shina nijpica, janaj lado punguman shamuna ñantami sujta runacuna shamucujta ricurcani. Paicunapish chingachingapajmi, macanacunacunata maquipi apamurcacuna. Chai runacunapaj chaupipica, shujtaj runami lino churanata churashca carca. Paica cinturapica, quillcanapaj tintatami apamurca. Paicuna yaicushpaca, broncemanta rurashca altar c'uchupimi shayarircacuna.

SOFONÍAS 1:10

Mandaj Dios ñucatajmi cashnapish nini: Chai jatun llaqui punllapica Chalhua pungumantaca, ñucanchijta llaquihuayari nishpa caparirinacushcami uyaringa. Caishuj pungumantaca llaquinayajta huacashcami uyaringa. Lomacunapipish jatun mancharina llaquicunami ricuringa.

ZACARÍAS 6:6

Yana caballocunaca carretataca, huichimanmi aisashpa rircacuna. Yuraj caballocunaca caishuj carretataca, chaininijmanmi aisashpa rircacuna. Bayo caballocunahuan caj carretataca, urimanmi aisashpa rircacuna.