JEREMÍAS 4:3 - Dios Rimashca Shimicunami

³ Mandaj Diosca, tucui Judá llajtapi causajcunatapish, Jerusalenpi causajcunatapish cashnami nin: “Allpacunata yapushpa chagracunata ruraichij. Ña ama casha chaupicunapi tarpuichijchu.

JEREMÍAS 4:3 Iomraidhean Croise

GÉNESIS 3:18

Can tarpushca granocunaca casha yuracunahuan, casha q'uihuacunahuanmi huiñanga. Chashna p'ucushcatami micungui.

ÉXODO 23:11

Ashtahuanpish canchis huatapica imata ama tarpunguichijchu. Israelcunapurallataj imata mana charijcuna chai huata ñau granocunata tandashpa micuchun saquinguichijlla. Chaimanta saquirishcatapish purij animalcuna micuchun saquinguichijlla. Uva chagracunatapish, olivo chagracunatapish chashnallataj saquinguichijlla.

OSEAS 10:12

Cancunaca cancunapajca cashcata ruranata tarpuichigari. Llaquishcata cozichaichigari. Allpataca allichichigari. Mandaj Diosta mashcana punllapimari canguichij. Pai shamushpa cashcata ruranata yachachina punllacama allichirichigari.

Mateo 13:22

Cashalla allpapi tarpushca shinaca, Diospaj Shimita huillashcata uyashpapish cai pachapi ima shinalla rurajcuna rurashca shina charijyana yuyaicunahuan umarishpami, huillashca Shimitaca chai yuyaicuna tapajpi, paicunapaj causaipica imata mana granon.

Mateo 13:7

Asha muyuca, casha chaupipimi urmarca. Cashacunapish huiñajpi augarishpa mana huiñai tucurcachu.

Marcos 4:7

Asha muyuca, casha chaupipi urmashpa huiñashpapish, cashacunapish huiñajpi augarishpa mana huiñai tucushpami mana granorca.

Lucas 8:14

Cashalla allpa shinaca huillashca Shimita uyajcunami. Ashtahuanpish uyashpa rishca q'uipaca, cai pachapaj munaicuna, charijyana munaicuna, aichata cushichina munaicuna tapajpimi, paicunapaj causaipica imata mana granon.

Lucas 8:7

Asha muyuca casha chaupipimi urmarca. Cashacunandij huiñashpa cashacuna llapijpimi mana granorca.