JEREMÍAS 4:25 - Dios Rimashca Shimicunami

²⁵ Tucui muyurishpa ricujpipish, maipi shuj runallapish mana ricurircachu. Huairata purij pajarocunacamami mancharishpa, maitatajshi rishca carca.

JEREMÍAS 4:25 Iomraidhean Croise

JEREMÍAS 12:4

Cai llajtapi causacujcunaca: “Ñucanchij imata ruracujtaca, Diosca mana ricungachu” nishpami, yallitaj millaita rurancuna. Chaimantamari q'uihuacunapish tucui chaquishpa, allpapish shitashca pamba shina chaquishca saquiricun. Animalcunapish, pajarocunapish huañushpa tucuricunmari. ¿Maicamataj chashna saquigringuiyari?

JEREMÍAS 9:10

Urcucunapimi caparishpa huacasha. Chaquishca pambacunapipishmi huacagrisha. Cunanca chai michina pambacunataca, maijan purishpallapish mana ricurinca, huagracuna huacashcapish mana uyarinchu. Sacha animalcunapish, huairata purij pajarocunapishmari mancharishpa maitatajshi rishcacuna.

JEREMÍAS 9:9

Chashna rurashcamantaca ¿manachu llaquichisha imatagari? Chashna millai runacunataca ¿manachu p'iñarishpa ñacachisha imatagari?” ninmi Mandaj Diosca.

EZEQUIEL 38:20

Mama cuchapi causaj chalhuacunapish, huairata purij alasyuj animalcunapish, sachapi causaj animalcunapish, pambata llucashpa purij animalcunapish, cai pachapi causaj tucui runacunapishmi ñuca ñaupajpica chujchungacuna. Urcucunapish t'unirishpa urmangami, jarcata rurashcacunapish, pircacunapish urmangami.

OSEAS 4:3

Chaimantami cai llajtaca achca jatun llaquilla canga. Cai llajtapi causajcunaca tucuicunami fuerza illajlla tucungacuna. Sacha animalcuna, huairata purij alasyuj animalcunaca huañungami. Mama cuchapi causaj chalhuacunacamami huañunga.