JEREMÍAS 4:23 - Dios Rimashca Shimicunami

²³ Cai llajtata ricujpica, chushaj allpallami ricurirca. Jahua pachata ricujpipish, amsallami carca. Ima achijyachij mana ricurircachu.

JEREMÍAS 4:23 Iomraidhean Croise

GÉNESIS 1:2

Cai pachaca imaman mana rijchaj, imapish illaj, yacuhuan junda amsallami carca. Taita Diospaj Espirituca yacu jahuapimi cuyuricurca.

ISAÍAS 13:10

Chashna llaqui cajpica jahua pacha uchilla luzerocunapish, uchilla luzerocunamanta achijyachicuj jatun luzerocunapish mana achijyachingachu. Intipish pacarijpi llujshicushca manaraj unipimi amsayanga. Lunapish lamyachina illajllami canga.

ISAÍAS 5:30

Chai punllaca jatunta huajiashpami shamunga. Mama cucha yacu huajiaj shinami shamunga. Jahua pachamanta achijyachijcunapish amsayangami. Maijanpish cai llajtata ricushpaca, jatun amsa llaquitami ricunga.

JEREMÍAS 2:12

Caita ricushpaca jahua pachapish mancharishpa chujchuiyari, jatunta manchariyari. Mandaj Diostajmi chashna nini.

JEREMÍAS 9:10

Urcucunapimi caparishpa huacasha. Chaquishca pambacunapipishmi huacagrisha. Cunanca chai michina pambacunataca, maijan purishpallapish mana ricurinca, huagracuna huacashcapish mana uyarinchu. Sacha animalcunapish, huairata purij pajarocunapishmari mancharishpa maitatajshi rishcacuna.

LAMENTACIONES 3:2

Ñucataca achij luzman pushanapaj randica, amsamanmi pushahuarca.

JOEL 2:10

Paicunata ricushpaca cai pachapish, jahua pachapish chujchungami, intipish, lunapish amsayangami, luzerocunapish ña mana achijyachingachu.

AMÓS 8:9

Mandaj Jatun Diosca cashnapishmi nin: “Ñuca llaquichi punllapica, intipish chaupi punllapi ña mana achijyachingachu. Achij punllatami cai pachataca amsayachisha.

ZACARÍAS 14:6

Chai punllapica intipish, lunapish, luzerocunapish mana achijyachingachu.

Mateo 24:29

Chai jatun llaqui punllacuna ña tucurijpica, intica amsayangami, lunapish mana achijyachingachu. Luzerocunapish jahua pachamanta urmangacunami, jahua pachapi jatun mana cuyuripajcunapish cuyuringami.

Mateo 24:35

Jahua pachapish, cai pachapish tucuringami. Ashtahuanpish ñuca huillashca shimicunaca manataj tucuringachu.

Apocalipsis 20:11

Chaimantaca yurajlla jatun tiyarinatapish chai jahuapi tiyacujtapishmi ricurcani. Paipaj ñaupajmantaca allpa pachapish cielopish tucuimi chingarirca. Cutinca ña manataj ricurircachu.