JEREMÍAS 4:22 - Dios Rimashca Shimicunami

²² Ñuca runacunaca alli yuyaihuan canapaj randica, imatapish mana uyashun nij rumi shungucunamari. Allitaca imata mana yachancunachu, millaita ruranapajtajcarinpish jatun yachajcunamari.

JEREMÍAS 4:22 Iomraidhean Croise

GÉNESIS 39:16

Paipaj cusa shamungacamami Josepaj churanataca paipaj c'uchupi charicurca.

2 SAMUEL 13:3

Amnonca paihuan alli apanacuj Jonadab runatami charirca. Jonadabpaj yayaca Davidpaj huauqui Simeami carca. Jonadabca, yachaj tucushca umaj runami carca.

SALMOS 36:3

Paipaj shimipica, millaita rimana, umanallami tiyan. Alli yuyaiyuj canata chingachishcami. Allita runatapish saquishcami.

SALMOS 36:4

Camapi cashpapish millaita ruranallatami yuyarin. Mana alli ñanllapi purinatami munan. Millaitaca mana p'iñanchu.

SALMOS 53:4

Mana allita rurajcunaca imata mana entendijcunami. Ñuca agllashcacunataca tandata micuj shinallami millpuncuna. Taita Diostaca mana mañancunachu.

SALMOS 82:5

Mana yachancunachu, mana entendincunachu. Yallitaj amsapimi purincuna. Tucui allpata aparij rumicunapish chujchuncunamari.

PROVERBIOS 28:5

Millai shungu runacunaca cashcata ruranataca mana yachancunachu. Ashtahuanpish Mandaj Dios yuyailla causajcunaca, chaita ruranataca tucuitami yachan.

ISAÍAS 1:3

Huagrapish paipaj dueñota rijsinmi, burropish paipaj dueño rurashca corralta rijsinmi. Ashtahuanpish israelcunaca ñucapaj cashcataca mana entendincunachu. Ñuca agllashca israelcunaca ñuca paicunapaj dueño cashcataca mana rijsincunachu” ninmi.

ISAÍAS 27:11

Chai yura ramacuna chaquijpica, p'aquishcami canga. Huarmicuna shamushpami ninata japichingacuna. Cai Israelcunaca mana yuyaita charijcunami. Chaimanta paicunata rurajca mana llaquingachu. Paicunata rurajca manataj llaquingachu.

JEREMÍAS 10:8

Tucui paicunaca upacunami, imata mana yachajcunami. Paicunapaj yanta caspicunaca, imata mana yachachi tucunchu.

JEREMÍAS 13:23

Etiopía llajta runaca, mana yuraj aicha tucui tucunchu. Leopardopish, muru millmataca mana shujtajyachi tucunchu. Chai shinamari cancunapish, millaita ruranapi aichayashcamantaca, manataj ima allita ruranaman tigrari tucunguichij.

JEREMÍAS 2:8

Curacunapish: ¿Mandaj Diosca maipitagari? ninallatapish mana yuyarircacunachu. Ñuca mandashcacunata charijcunallatajmi ñucataca mana rijsircacuna. Michijcunapish ñucata c'ariyancunami, ñucamanta huillajcunapish Baalpaj shutipimi imatapish huillancuna. Chashna rurashpami imata mana rurai tucuj, yanga dioscunata catincuna” ninmi.

JEREMÍAS 4:21

¿Maicamachari bandera alzashcata ricusha, trompeta tocashcata uyasha?

JEREMÍAS 5:21

Shungu illaj ch'ahuanyashca runacuna, cancunaca ñahuita charishpapish, mana ricunguichijchu. Rinrinta charishpapish, mana uyanguichijchu. Cunanca caita uyaichigari:

JEREMÍAS 5:4

Shina cajpipish ñucaca cashnami yuyarcani: Cai huajcha runacunallami yuyai chingarishca shina causacungacuna. Caicunallamari paicunata Mandaj Dios mandashcatapish, ima shina causachun pai munashcatapish mana yachangacuna.

JEREMÍAS 9:2

Mana cashpaca shitashca pambapi ñanta purijcuna llandurina shinallatapish ñuca causanapaj maijan cujpica, ñuca llajtapi causajcunata saquishpa chaimanchari riman. Chaipitajca paicunamanta ch'icanyaimanmi. Paicunaca tucuicuna huainayajcuna, mana cazujcunamari.

JEREMÍAS 9:3

Mandaj Diosca cashnami nin: “Paicunapaj c'alluhuanca puntajlla caspita arcohuan shitaj shinamari llullancuna. Cai llajtapi charijyashpapish, ima allitaca mana rurancunachu. Ashtahuanpish ashtahuan millaicuna tucushpami, ñucataca ña mana rijsincuna.

JEREMÍAS 9:5

Mana llullaca, shujllapish mana tiyanchu. Tucuicuna caishuj chaishuj umanacunllami. Paicunapaj c'alluca llullangapajca, mana huatarinchu. Millaita ruranallapimi yuyaita churancuna.

EZEQUIEL 16:30

¡Millai shungu cashpami, cai tucui mana allicunataca rurarcangui! Huainayashpalla causaj mana pingaj huarmi shinami rurarcangui. Mandaj Jatun Diostajmi chashna nini.

OSEAS 4:1

Israelcuna, Mandaj Dios rimashcata uyaichij. Mandaj Diosca cai llajtapi causajcunataca p'iñarishpami rimacun. Cai llajtapica cashcata rurajcunapish, llaquijcunapish, Diosta rijsijcunapish mana tiyanchu.

OSEAS 4:6

Ñuca agllashcacunaca yachai illaj cashcamantami chingachishca carcacuna. Ashtahuanpish cantaca yachaita yanganchishcamantami ñucapajta ruraj cura canamantaca anchuchisha. Cambaj Taita Dios mandashcatamari cungarircangui. Ñucapish cambaj huahuacunataca cungarishami.

OSEAS 5:4

Paicunapaj Taita Diospajman cutirinataca mana yuyancunachu. Paicunapurapica huainayachij espiritumi tiyan. Chaimi Mandaj Dios, Diostaj cashcataca mana entendincuna.

AMÓS 3:10

Samaria pueblopi causajcunamantaca Mandaj Diosca cashnami nin: “Paicunaca imatapish allita ruranataca manataj yachancunachu. Ashtahuanpish shujtajcunata macashpa quichushcacunallatami, paicunapaj mandana huasicunapipish jundachincuna” ninmi.

MIQUEAS 2:1

Millaita rurajcunaca camapi siricushpapish, millaita ruranallatami yuyancuna. Cayandijtaca paicuna yuyashca shinatajmi rurancuna. Mandanata paicunapaj maquipi charicushcamantami, chashna rurancuna. ¡Aij paicunaca imachari tucungacuna!

MIQUEAS 7:3

Millaita rurashpa pajtachingapajmi, jatun mandajca imatapish cuchun mañan. Juezpish camarita japishpallami allichij tucun. Mandajpish pai munashcatami rimarin. Chaimantaca chaitatajmi rurancuna.

Lucas 16:8

Chai millai mayordomo yachaisapa tucushpa, chaita rurashcamantaca amoca allimi nircami. Taita Dios mana agllashcacunarajmi luzpaj huahuacunata yalli, paicunapuraca caishuj chaishuj allita chashna rurancuna.

Juan 16:3

Ñuca Yayatapish, ñucatapish mana rijsishcamantami chashna rurangacuna.

Romanos 1:22

Yachaisapacunami canchij yuyashpapish, ch'ahuancunami tucurcacuna.

Romanos 1:28

Paicunallataj Taita Diosmantaca imata mana yachashun nijpimi, manapish rurana cashcata rurachun Taita Diosca paicunapaj ch'ahuanyashca yuyaillapitaj saquirca.

Romanos 16:19

Cancuna cazucushcataca maipipish tucuicuna yachashcamantami, cancunamantaca achcata cushicuni. Ashtahuanpish allitaca yachajcuna, mana allitaca mana yachajcuna caichij ninimi.

Romanos 3:11

Entendijpish mana tiyanchu, Diosta mashcajpish mana tiyanchu.

1 Corintios 14:20

Huauquicuna, yuyanapajca ama huahuacuna shina caichijchu, ashtahuanpish yuyajcuna shina yuyaichij. Ima mana allipajca, huahuacuna shina caichij.

DEUTERONOMIO 32:28

Ashtahuanpish israelcunamanca manamari pi yuyaita cushcachu. Mana yuyaita japi tucuncunachu.

DEUTERONOMIO 32:6

Cancunaca yuyai illaj muspacunamari canguichij. Manachari paica, cancunata ruraj cancunapaj yayari. Manachu pai cancunata rurashpa causaiyujta rurarca. Chashna jahuachu cancunaca millaita rurashcahuan cutichinguichij.