JEREMÍAS 4:2 - Dios Rimashca Shimicunami

² Chaimantaca mana nij tucushpalla, alli yuyaihuantaj, tucui shunguhuantaj: Mandaj Diosca causacunmi nichigari. Chaipica shujtaj llajtacunapi causajcunapish, ñucamantamari allicunata chasquingacuna. Ñucahuanmari cushicungacuna” ninmi.

JEREMÍAS 4:2 Iomraidhean Croise

GÉNESIS 22:18

Ñuca mandashcata can cazushcamantami, cambaj huahua huahuacunamantaca tucui cai pachapi causajcunapish alli nishca cangacuna– nircami.

1 REYES 3:6

Shina nijpi Salomonca: “Cambajta ruraj ñuca yaya Davidca cambaj ñaupajpica mana nij tucushpalla, cashcatataj rurashpa, mana caita chaita yuyashpami cambaj ñaupajpi causarca. Chaimantami paitaca yallitaj c'uyashcangui. Chashna llaquij cashcataca pai mandashpa tiyanapi paipaj shuj churi tiyarichun saquishpami ricuchishcangui. Chaica cunan punllami pajtashca.

SALMOS 72:17

Paipaj shutica huiñaipajmi canga. Inti tiyashcacama paipaj shutica ama chingarichun. Tucui llajtacunami paimanta alli nishca cangacuna. Paica alli nishcami canga.

SALMOS 99:4

Jatun mandajpaj mandacuipica cashcata ruranahuan jundami. Quiquinca cashcata ruranatami chashnataj cachun churangui. Jacobpaj huahua huahuacunapurapimi, cashcata rurashpa mandanata, mandana shinataj mandanata churashcangui.

ISAÍAS 45:23

Ñucatajmi chashnatajmi rurasha nircani. Cashcatataj rurana shimicunaca ñuca shimimantami llujshin. Chashna nishcaca mana huashaman tigrarishcachu canga. Ñuca ñaupajpica tucuicunami cunguringacuna. Tucuicunami ñuca shutipi imatapish rurashun ningacuna.

ISAÍAS 45:25

Israelpaj huahua huahuacunataca, Mandaj Dios ña mana juchayujchu canguichij nijpica, tucuicunami paita jatunyachingacuna.

ISAÍAS 65:16

Cai pachapi maijanpish allicunata cuchun nishpaca, imatapish pajtachij Diospaj shutipimi chaitaca ninga. Cai pachapi maijanpish imatapish chashnataj cashcatami huillani nishpapish, imatapish pajtachij Diospaj shutipimi chashnatajmi ninga. Ñaupaman llaquita apashcacunataca cungarishcami canga. Tucui llaquimi ñuca ñaupajmantaca ña illanga.

JEREMÍAS 10:10

Ashtahuanpish Mandaj Diosca Diostajmari. Paica huiñaita Jatun Mandajmi, causaj Diosmari. Pai p'iñarijpica, allpapish chujchunmi, llajtacunapi causajcunapish mana causai tucunchu.

JEREMÍAS 12:15

Paicunataca llujshichishpa cachashca q'uipami, ñucallataj llaquishpa cutin quiquin llajtaman tigrachimusha. Chashna tigrachimushpami, quiquin allpacunata cutin cusha.

JEREMÍAS 12:16

Chai llajtacunapi causajcunami ñuca runacunataca: Baalpish ricucunmi ninata yachachircacuna. Q'uipataca chai shinallataj paicunapish ñuca agllashcacunaman ñuca cushca yachanata yachachuncuna. Tucui shunguhuan chaita yachashpa, ñucatapish: Mandaj Dios ricucunmi nichuncuna. Chashnaca ñuca agllashcacunapurapi causangallacunami.

JEREMÍAS 16:19

Mandaj Dioslla, canmari ñucata pacajpish, ñucaman fuerzata cujpish cangui. Llaquihuan cajpipish, canmari huaquichihuangui. Tucui cai pacha llajtacunapi causajcuna cambajman shamushpamari, cashna ningacuna: “Ñucanchij yayacunaca imata mana rurai tucuj, yanga dioscunallatamari charishcacuna. Chaicunaca imata mana cui tucuncunachu.

JEREMÍAS 3:17

Ashtahuanpish chai punllacunapica Jerusalentamari: Mandaj Dios mandashpa causana pueblo ningacuna. Tucui llajtacunamanta Jerusalenman shamushpamari, Mandaj Dios ñucataca alabangacuna. Ña mana paicunapaj millai sinchi shungucuna yuyachishcata rurangacunachu.

JEREMÍAS 33:9

Ñucapajca jatunta cushicunami cangacuna. Tucui cai pacha llajtacunaca, paicunamantami ñucataca jatun nishpa, sumaj nishpa alabangacuna. Israelcunapaj ñuca imalla allita rurashcata tucuicuna uyashpami manchangacuna, chujchungacuna. Paicuna mancharina allicunata rurashpami, sumaj causaita cusha. Chaita ricushpami, ñucata manchangacuna” ninmi.

JEREMÍAS 5:2

Maijancuna: Mandaj Dios ricucunmi nishpapish, yangallami chashna nincuna” ninmi.

JEREMÍAS 7:5

Ashtahuanpish cancunaca causaita allichishpa, allita ruraichij. Tucui shunguhuantaj caishuj chaishujhuan alli caichij.

JEREMÍAS 9:24

Ashtahuanpish maijan cushicusha nishpaca, Mandaj Dios ñucata rijsishpa, ñuca ima nishcatapish cazuj cashpa, cai pachapipish ñucaca c'uyaihuan tucuicunapaj allita ricushpa, cashcata ruracujta rijsij cashpa cushicuchun. Ñucaca chaimanta cushicuchunmi munani” ninmi Mandaj Diosca.

OSEAS 2:19

Ñucahuan huiñaita cachunmi cazarasha. Cashcata ruraj cashcahuan, can imallata japina cashcahuan, c'uyaj cashcahuan, llaquij cashcahuanmi cazarasha.

JOEL 2:12

Mandaj Diosca cashnami nin: “Chaimanta cunanca ayunashpa huacashpa, llaquirishpa tucui shunguhuan ñucapajman cutirichij.

ZACARÍAS 8:8

Paicunataca, Jerusalenpi causachunmi pushamusha. Chaipimi paicunaca ñucapajlla causangacuna, ñucapish paicunapaj Diosmi casha. Ñucaca paicunapajca mana llullaj, cashcata ruraj Dios cashami” ninmi.

MALAQUÍAS 1:11

Ñucaca inti llujshinpi tiyaj llajtacunamantaca, inti huashicunpi tiyaj llajtacunapi causajcunacama rijsishcami cani. Chaimantami tucuipi ñucamanca inciensotapish, imalla cuna cashcatapish mapa illajllata cuncuna. Chaimanta ñucaca tucui llajtacunapi rijsishcami cani. Tucuita Mandaj Diostajmi chashna nini.

1 Corintios 1:31

Chashna cana cashcamantaca, cashnami quillcashca tiyacun: “Maijanpish allimi cani nirijca, Jatun Diospi allimi cani nirichun” ninmi.

2 Corintios 10:17

Pipish jatun tucusha nishpaca, Mandaj Jesuspi jatunyarichun.

Gálatas 3:8

Diosca, mana judiocunapish crijpi justificana cashpami, Quillcachishcapica ñaupaman ricuchirca. Chaimantami Abrahammanca: “Canmantaca tucui mama llajtacunami alli nishca canga” nishpa alli huillaitaca ñaupaman huillarca.

DEUTERONOMIO 10:20

Mandaj Dios cancunapaj Taita Diosta manchaichij. Paipajllata ruraichij, paillata catichij, imapish chashnataj cashcata nicushpaca paipaj shutipi nichij.

DEUTERONOMIO 4:30

Chai llaquicuna japijpi, chai llaquicunahuan cai punllacunami Mandaj Dios cancunapaj Taita Diosman cutirishpa pai rimashcata uyanguichij.

DEUTERONOMIO 6:13

Mandaj Dios cambaj Taita Diosllata manchangui, paipajllata rurangui. Imatapish paipaj shutillapi pajtachishami ningui.

Filipenses 3:3

Ñucanchijmi circuncisionta rurashcacuna, Espiritupi Diospajta rurajcuna canchij. Aichata p'itichishcapica mana shunguta churashpami, Cristo Jesuspi jatunyarinchij.

RUT 3:13

Cunan tutaca caipi pacarilla. Caya punllami cambaj c'uchulla familia cambaj allita rurasha nishcata, mana rurasha nishcata tapusha. Cambaj allita pai mana rurasha nijpica, Mandaj Diospish ricucunpimi, cambaj allita rurangapaj ari nisha. Cunanca pacaringacama caipi samarilla– nirca.

1 SAMUEL 20:3

Cutinmi Davidca: –Cambaj yayaca cambaj ñaupajpi ñuca alli ricurishcataca allimi yachan. Chaimantami Jonatanca llaquiringami nishpa mana huillashca canga. Mandaj Diosca causajmi, canpish yachanguimi. Ñuca huañunapajca shuj chaqui saruillami illan– nircami.