JEREMÍAS 4:19 - Dios Rimashca Shimicunami

¹⁹ ¡Aij ñuca shungulla! ¡Aij ñuca shungulla! Ñuca shungu angucuna nanaihuan p'itirigrinca. Ñuca shunguca manchanayajta saltacunca. Jatun macanacuipaj trompetapi tocashcapish, caparishcapish uyarijpica, maitataj ñuca almaca upalla cangari.

JEREMÍAS 4:19 Iomraidhean Croise

HABACUC 3:16

Ñucaca, chai tucuitami uyarcani. Chaita uyashpaca, ñuca aichapi imalla tiyajcunapish zaillami mancharirca. Rimagrishpapish ñuca shimi jitacunaca chujchurcami. Ñuca tullucunapish ismucuj shinami carca. Ñuca yuyaipica, ña tucuricuj shinami tucurcani. Chashna cashpapish, llaquichij runa paipaj soldadocunahuan huaicashpa cai llajtaman yaicumujpipish, ñucaca chai llaqui punllapica mana imata manchashachu.

ISAÍAS 22:4

Chaimantami cashna nircani: “Ñuca llajtapi causajcunata ñutuchishca cashcamanta ñuca yallitaj amijta huacachun saquichijlla. Ama ashtahuan huacaichu nishpa cushichinataca ama yuyaichijchu.

ISAÍAS 16:11

Chaimantami moabcunamantaca ñuca huijsaca arpa cuerda shina chujchun. Kir-haresetmantapish ñuca shunguca chashnallatajmi chujchun.

JEREMÍAS 9:10

Urcucunapimi caparishpa huacasha. Chaquishca pambacunapipishmi huacagrisha. Cunanca chai michina pambacunataca, maijan purishpallapish mana ricurinca, huagracuna huacashcapish mana uyarinchu. Sacha animalcunapish, huairata purij pajarocunapishmari mancharishpa maitatajshi rishcacuna.

JEREMÍAS 9:1

Ñuca uma pugyu tucujpica, ñuca ñahuicunamanta yacu huiñacuj shina huiqui llujshicujllapica, ñuca llajtapi causajcuna huañushcamantaca, tutapish punllapish huacacuimanllachari.

ISAÍAS 21:3

Chaimantami ñucaca huasha nanaihuan chujchucurcani. Huachana nanaihuan caj huarmita shinamari llaquica ñucataca japirca. Chaita uyashpaca llaquillami carcani. Chaita ricushpaca musparircanimi.

Gálatas 4:19

Ñuca huahuacunalla, cancuna Cristo shina tucungacamami, cancunamantaca huachana nanaicunahuan shina cutin llaquita apacuni.

DANIEL 8:27

Chai q'uipaca Daniel ñucaca, tucui aicha ñuturishca shina saquirishpami, achca punllacunata ungushca carcani. Chaimanta jatarishpaca jatun mandajpajta imata ruracushcallatatajmi rurashpa catircani. Ashtahuanpish muscuipi shina ricushcata yuyarishpaca, manchaihuanmi carcani. Chaitaca mana entendircanichu.

DANIEL 7:15

Daniel ñucaca chaicunata muscuipi shina ricushpaca, tullu ñutcu mancharishpami, ñuca yuyaica musparircani.

ISAÍAS 15:5

Chaipica Moabmantaca caparishpami huacasha. Chai llajtamanta llujshishpa rijcunaca, Zoarcamami miticushpa ringacuna. Paicunaca quimsa huatayuj huagra shinami ringacuna. Luhit huichitami huacaihuan huichiyangacuna. Horonaimman rina ñantaca llaquichishcamanta huacanata huacaihuanmi ringacuna.

SALMOS 116:7

Cunantajca samari tucunimi. Mandaj Diosmari ñucapaj allita rurarca.

Romanos 10:1

Huauquicuna, israelcuna quishpirishca canaman chayachun nishpami, ñuca shungupica chai yuyailla Diosta mañacuni.

AMÓS 3:6

Trompetapi tocashca pueblopi uyarijpica ¿manachu gentecunaca mancharishpa caparincuna? Mandaj Dios manapish llaquichijpica, pueblopica ¿ima llaqui tiyangallachu imashi?

DANIEL 7:28

Pai huillashca shimicunaca chaicunami. Daniel ñuca, chaita uyashpaca ñuca yuyaipica yallitaj musparishpami, ñuca ñahuipish shujtajyarcani. Shina cashpapish tucui chaicunataca ñuca shungupimi huaquichircani.

LAMENTACIONES 2:11

Ñuca aillupuracunaca chashna jatun llaquimi tucurca. Malta huahuacunapish, chuchucuj huahuacunapish pueblo chaupi pambacunapimi yaricaihuan urmashpa huañurcacuna. Chaita ricushpami shunguta allashpa llaquirishpa huacarcani. Ñuca ñahuicuna tucui yacuyacuj shinami huiquica llujshirca.

LAMENTACIONES 1:16

Ñucata ayudashpa, ñuca almata samachijca ñucamanta caruyashcamari. Ñuca huahuacunatapish p'iñajcuna shamushpa, tucuicunata huañuchincunaca. Chaimantamari huacani, ñuca ñahuicunamantaca huiquica yacu shina llujshicunllamari.

JEREMÍAS 23:9

Llulla huillajcunahuanca yallitaj p'iñarishpami, shungu p'aquirishpa llaquirini. Ñuca tullucunacama chujchucunipishmi. Jucha illaj Mandaj Diospaj shimicunata uyashpaca, paipaj ñaupajpica yuyai chingarijta vinohuan machashca shinami tucuni.

JEREMÍAS 20:9

Ñucaca: “Mandaj Diostaca mana ashtahuan yuyarishpa, paimanta ña ama ashtahuan huillasha” yuyarcanipishmi. Shina cajpipish cambaj shimica ñuca shungupica, tullucama nina rupachij shinami tucurca. Ñuca shungullapi charisha yuyashpapish manataj upajlla saquiri tucurcanichu.

JEREMÍAS 13:17

Cancuna jatun tucushpa caita mana uyajpica imatataj rurashapish, cancunamantaca pacallapi huacashpa saquirishatajchari. Mandaj Diospaj oveja canllata prezu apajpica, ñuca ñahuicuna yacuyashpa tucuringacama jatunta huacacushallatajchari.

JEREMÍAS 4:21

¿Maicamachari bandera alzashcata ricusha, trompeta tocashcata uyasha?

JEREMÍAS 4:5

Judá llajtapipish, Jerusalenpipish huillaichigari. Trompetacunapi tocashpa tucui llajtapi yachaj chayachichigari. Tucuicuna tandanacushpa, jatun pircayuj pueblocunaman yaicuichigari nishpa caparichij.

SALMOS 146:1

Ñuca almalla, Mandaj Diosta alabayari.

SALMOS 119:136

Quiquin mandashcata mana pajtachishcamantami ñuca ñahuimanta huiquica jatun yacu shina rirca.

SALMOS 119:53

Millaita rurajcunata ricushpamari yallitaj p'iñarini. Paicunaca quiquin mandashcamanta anchurishpami chashna tucuncuna.

SALMOS 103:1

Ñuca almalla, Mandaj Diostaca allimari cangui niyari. Paipaj jucha illaj shutitaca ñuca tucui cashcahuanmi alli nini.

SALMOS 16:2

Ñuca almalla, Mandaj Diostaca cashnami nircangui: “Canca ñucata Mandajmi cangui, can illajllaca ñucapajca ima alli mana tiyanchu”.

JUECES 5:21

Cisón jatun yacu, ñaupamanta tiyaj yacu. P'iñajcunataca p'ichajtami aparcangui. Ñuca almalla ama manchashpa rishun.

NÚMEROS 10:9

Cancunapaj llajtapi cajpi cancunata p'iñajcuna cancunahuan macanacunaman shamugrijpi, paicunahuan macanacunaman llujshigrishpaca yallitaj sinchita trompetacunapi tocachinguichij. Chashna rurajpimi Mandaj Dios cancunapaj Dios cancunata yuyarishpa, cancunata p'iñajcunamanta quishpichishca canguichij.

GÉNESIS 49:6

Paicunapaj yuyarinacushcataca ñuca almaca mana munanchu. Ñuca espirituca paicunapaj tandanacuitaca mana munanchu. Yallitaj p'iñarijcuna cashcamantami runacunataca huañuchircacuna. P'iñarishca cashcamantaca huagracunapaj garroncunacamami p'itircacuna.

1 Corintios 14:8

Macanacuiman rinataj shina tono trompetapi mana uyarijpica ¿pitaj macanacunapajca allichiringari?

JEREMÍAS 6:24

Chai runacunaca pitapish mishajcuna cashcata uyashpaca, ñucanchij rigracunapish chujchushpa huarcurinmi. Ñucanchijtaca jatun manchaimari japin. Huachacuj huarmi shina jatun nanaihuanmari canchij.

JEREMÍAS 8:21

Ñuca llajtapi causajcuna llaquita apacujpimari, ñucapish jatun llaquihuan cani. Llaquihuan, manchaihuan yuyai amsayashcamari cani.

JEREMÍAS 42:14

cashna ninguichijchari: Egipto llajtaman rishuntaj ninchijmi. Chaipica jatun macanacuitapish mana ashtahuan ricushunchu, macanacuiman llujshichun trompetapi tocashcatapish mana uyashunchu, yaricaipish mana tiyangachu. Chaipimi sumajta causashun ninguichijchari.

JEREMÍAS 49:2

Chaimantami Mandaj Diosca cashnapish nin: “Shuj punllaca Amón runacuna causan Rabá pueblopica, jatun macanacuitami churasha. Chaipica caparirishpami llujshingacuna. Chai puebloca rumi montonllami saquiringa. Chai muyundij tucui caishuj pueblocunapish rupachishcami canga. Chai punllami israelcunaca, paicunata quichushca pueblocunata cutin tigra japingacuna” ninmi Mandaj Diosca.

JEREMÍAS 50:22

Cai pachapica, jatun caparinacuimari tiyan.

DANIEL 4:19

Shina nijpica, Beltsasar nishca Danielca paipaj yuyaipi musparishpa achcata mancharishpami shuj horas shinata upajlla saquirirca. Chaimi jatun mandajca: “Beltsasar, ñuca muscushcata, chai imata nisha nishcata huillanataca ama manchaichu” nirca. Shina nijpimi Beltsasarca cashna nirca: “Ñuca amito, can muscushcaca canta p'iñajcunapaj cashpachari alli canman. Chai imata nisha nishcapish canta imapish tucuchun nicujcunapaj cashpachari alli canman.

2 REYES 4:19

chaipi cashpami paipaj yayataca: –¡Aij, ñuca umalla, ñuca umalla!– nijpi, yayaca paipajta ruraj shuj runataca: –Mamapajman apai– nirca.

2 REYES 8:11

Shina nishpaca, Diospaj runaca Hazaeltaca ñahui pucayashpa pingai tucungacamami ricurashpa saquirirca. Chai q'uipaca Diospaj runaca huacarcami.

ISAÍAS 21:4

Ñuca shunguca musparinmari. Caitajta ricushpaca upayanimari. Cushijlla cana tutaca manchaihuan canami tucushca.

JEREMÍAS 8:18

Cai jatun nanaihuanca, ñuca shunguca imatajshi tucugrij yuyachinca.

LAMENTACIONES 1:20

Mandaj Dioslla, caitaj jatun llaquihuan canica, ricuhuayari. Canta yallitaj mana cazushcata yuyarishpamari, shunguhuantaj yallitaj llaquirini. Ñuca shungu chaupirishpami nanarini. Canllapipish espadamari tucuchicun. Cai ucupipish huañushpa tucurincunaca.