JEREMÍAS 4:18 - Dios Rimashca Shimicunami

¹⁸ Cancuna millaita rurashpa causashcallatajmi cancunataca cai llaquipi churashca. Cancunapaj millai causaillatajmi shunguman chayajta jayajta ubyachinga” ninmi.

JEREMÍAS 4:18 Iomraidhean Croise

SALMOS 107:17

Yuyai illajcunaca llaquichishcacunami tucurcacuna. Paicuna c'ariyaj ñanpi purishcamantami llaquichishca tucurcacuna. Paicuna millaita rurashcamantami chashna tucurcacuna.

PROVERBIOS 1:31

Paicunapaj causaipi imatami tarpurcacuna, chaillatatajmi micungacuna. Paicuna munashca shina rurashcallamantatajmi amijta micungacuna.

PROVERBIOS 5:22

Diosta mana manchaj runataca, pai millaita rurashcallatajmi llaquipi urmachin. Quiquin juchacunallatajmi allita huatashpa charicun.

ISAÍAS 50:1

Mandaj Diosca cashnami nirca: “Cancunapaj mama Israelta ñuca shitashca cajpica shitashca cashcata ricuchij quillcaca ¿maipitagari? ¿Pimantaj ñucaca divishcaniyari? Chai divimantaca c'atushpa p'angangapajpish ñucaca ¿pimantaj diviyashcaniyari? Ashtahuanpish cancunataca millaicuna tucushcamantami c'aturcani. Cancunallataj c'ariyashcamantami cancunapaj mama Israeltaca shitarcani.

JEREMÍAS 14:16

Paicuna huillashcata uyajcunatapish espadapish, yaricaipish huañuchijpimi, Jerusalén pueblo callecunapica shitashca siringacuna. C'aricunatapish, huarmicunatapish, churicunatapish, ushushicunatapish pi mana pambaipajmi canga. Paicuna millaita rurashcamantaca, paicunapaj jahuallapitajmi llaquita tallisha.

JEREMÍAS 2:17

¿Manachu cancunata Mandaj Dios ñanta pushacujpi, cancuna paimanta anchurishcamanta, cashna llaqui tucunguichij imashi?

JEREMÍAS 2:19

Cancunapaj juchallatajmi llaquichinga. Ñucata mana cazushca juchallatajmari cancunataca llaquipi churanga. Chaipimi cancunaca ñuca cancunata Mandaj Diosmanta anchurinapish, ñucata mana cazunapish, yallitaj mana alli cashcata, llaqui tucuna cashcata yachanguichij. Tucuita Mandaj Jatun Diostajmi chashna nini.

JEREMÍAS 26:19

Chashna huillajpipish, Miqueastaca jatun mandaj Ezequiaspish, cai tucui Judá llajtapi causajcunapish mana huañuchishcacunachu. Ashtahuanpish pai jatun mandajca, Mandaj Diosta manchashpami, Mandaj Diospaj ñaupajpi mañashca. Chashna mañajpica, Mandaj Diosca paicunata llaquichishami nicushca cashpapish, jarcarishpa mana llaquichircachu. Chashna cashcamantaca ñucanchijca ¿imamantataj cai runataca yanga huañuchishpa, ñucanchijllataj jatun llaquipi yaicushunri?” nircacunami.

JEREMÍAS 5:19

Chai punllacunapica: Ñucanchijta Mandaj Diosca ¿imamantataj ñucanchijtaca cashna llaquichinchu imamí? ningacunami. Chashna nijpica cashna ningui: Cancunallatajmari Mandaj Diosta saquishpa, cancunaman pai cushca llajtapi shujtajcunapaj dioscunata adorarcanguichij. Chai shinallatajmari cancunaca mana rijsishca runacunata servishpa paicunapaj llajtapi causagringuichij ningui” ninmi.

JEREMÍAS 5:25

Cancuna chashna millaicuna tucushcamari chai allicuna shamunata jarcarca. Cancunapaj juchallatajmari chai allicunataca cancunamanta anchuchirca nichigari.

JEREMÍAS 6:19

Tucui cai pachapi causajcunapish uyaichij: Cai runacunapajca jatun llaquitami apamugrini. Paicunallataj ñuca rimashcata mana uyashun nishpa, ñuca mandashcacunata p'iñashpa millaita rurashcamantami, paicuna japina cashcata cugrini.

LAMENTACIONES 3:15

Cai tucui llaquicunahuanmi ñacachihuarca. Ajenjota ubyachishpamari machachihuarca.

EZEQUIEL 39:24

Ñucata c'ariyashpa yallitaj millaita rurashcamantami, paicunataca llaquichircani. Chaimantami paicunamantaca ñuca ñahuitapish anchuchircani ninmi.

OSEAS 7:2

Paicuna millaita rurashcacunata ñucaca yuyaipi charicuna cashcataca mana yuyancunachu. Ashtahuanpish paicuna millaita rurashcacunallatajmi ñuca ñaupajpica tucuita ricuchicunga.