JEREMÍAS 4:14 - Dios Rimashca Shimicunami

¹⁴ Jerusalenpi causajcunalla, ¿maicamataj millaita rurana yuyailla canguichigari? Cancunata quishpichichun nishpaca, shungumanta tucui millai yuyaita maillarichigari.

JEREMÍAS 4:14 Iomraidhean Croise

SALMOS 119:113

Mishqui shimi jayaj shungu runacunataca p'iñanimi. Ashtahuanpish quiquin mandashcataca c'uyanimi.

SALMOS 51:2

¡Millaita ñuca rurashcataca ashtahuan ashtahuan maillahuayari. Ñuca juchataca p'ichahuayari!

SALMOS 66:18

Ñuca shungupi millaita huaquichij cajpica, Jatun Diosca mana uyanmanchu carca.

PROVERBIOS 1:22

“Yachai illajcuna, ¿maicamataj yachai illajllataj causashun ninguichij? Chanzata rurajcuna, ¿maicamataj chanzata rurashpa cushicunguichigari? Ch'ahuanyashcacuna, ¿maicamataj yachanataca p'iñanguichigari?

ISAÍAS 55:7

Diosta mana rijsij cambaj ñanta saquishpa, Mandaj Diosman cutiri. Millai runa millai yuyaita saquishpa, Mandaj Diosman cutiri. Paimi paitaca llaquinga. Ñucanchij Diospaj perdonca yallitaj jatunmi.

JEREMÍAS 13:27

Tucui lomacunapipish, tucui pambacunapipish huainayanallata yuyashpami, huacarishpa purircangui. Ñucaca chaitaca ricucurcanimari. ¡Aij, Jerusalenlla! ¿Mashna huata llaquita apashpachari chuya saquiringui? ¿Ima horaschari mapa illajlla saquiringui?” ninmi.

JEREMÍAS 17:1

Judá runacunalla, cancunapaj shungupica fierropi churashca diamante puntahuan rumipi quillcashca shinami juchaca tiyacun. Cancuna shayachishca altar gachucunapipishmi chashna quillcashca tiyacun.

JEREMÍAS 18:11

Chashna cashcamantaca cunanca tucui Judá runacunatapish, Jerusalenpi causajcunatapish cashna ni: Mandaj Diosca cashnami nin: Ñucaca cancunata llaquichinatamari yuyarircani. Ñamari alli yuyarishcata charicuni. Ama chaita rurachunca, tucuicuna millai causaita saquishpa cutirichigari. Allita rurai callarichigari ninmi nigri” nircami.

JEREMÍAS 2:22

Cancuna lejiahuan c'acurishpa maillarijpipish, mashna jaboncuna tucurijta armajpipish, cancunapaj jucha mapaca manataj ñuca ñaupajmanta anchuringachu. Ñuca ñahuipi ricuringallami. Mandaj Jatun Diostajmi chashna nini.

JEREMÍAS 6:19

Tucui cai pachapi causajcunapish uyaichij: Cai runacunapajca jatun llaquitami apamugrini. Paicunallataj ñuca rimashcata mana uyashun nishpa, ñuca mandashcacunata p'iñashpa millaita rurashcamantami, paicuna japina cashcata cugrini.

EZEQUIEL 18:31

Millaita rurashpa juchayuj tucushcataca cancunamanta anchuchichij. Chashna rurashpaca shungutapish, yuyaitapish mushujyachichij. Israelcuna, ¿maitataj yangamantaca huañunguichigari?” ninmi.

ZACARÍAS 8:17

Shinallataj cancunaca shungullapipish, shujtajcunata llaquichinataca ama yuyanguichijchu. Llullashpa huillajcunatapish ama c'uyanguichijchu. Ñucaca, tucui cai millai ruranacunatami p'iñani” ninmi Mandaj Diosca.

Mateo 12:33

Alli yura cajpica, alli granomi p'ucun. Mana alli yura cajpica, mana alli granomi p'ucun. Ima yura cashcataca granota p'ucujpimi rijsinchij.

Lucas 11:39

Mandaj Jesusca: –Fariseocuna cancunaca vasotapish, platotapish jahuallatami maillanguichij. Ashtahuanpish ucu shunguca, shuhuana, imatapish mana allita rurana yuyaihuan jundami canguichij.

Juan 13:9

Chaimi Simón Pedroca: –Mandaj Jesús, ama ñuca chaquicunallata maillahuaichu. Ashtahuanpish maquicunandij, umandij armachihuai– nirca.

Hechos 8:22

Canca mana alli shungu canata saquishpa Taita Diosta mañai. Can chashna mana allita yuyacushcata Taita Dios perdonangapishchari.

Romanos 1:21

Taita Diosta chashna rijsishpapish, Taita Diosta jatunyachina shinatajca mana jatunyachircacunachu, mana pagui nircacunallapishchu. Chaipaj randica, paicunapaj yuyaicunapipish yangallatami yuyarircacuna. Chaimantami paicunapaj rumi shungucunapish amsayachishca carca.

1 Corintios 3:20

Cashnapish ninmi: “Jatun Diosca yachaisapacunapaj yuyaicunataca rijsinmi, chai yachaica yanga cashcatapish yachanmi”.

Santiago 4:8

Diosman c'uchuyaichij, paipish cancunapajman c'uchuyangami. Juchayujcuna, maquicunata p'icharichij. Ishqui yuyaiyujcunapish, cancunapaj shungucunata chuyayachichij.