JEREMÍAS 4:13 - Dios Rimashca Shimicunami

¹³ P'iñaj runacunaca, acapana shina callpaj carretacunapimi, p'uyu amsayashpa shamuj shina chayamungacuna. Paicunapaj caballocunapish, aguilata yalli callpajcunami. ¡Aij ñucanchijlla, imachari tucushun! ¡Ñucanchijtaca tucuchichunmari chai runacunapaj maquipi churashca!

JEREMÍAS 4:13 Iomraidhean Croise

2 SAMUEL 1:23

Saulhuan Jonatanhuanca, alli c'uyanacujmi carca. Alli apanacujmi carca. Paicunapaj causaipipish manataj ch'icanyajcunachu carca. Huañuipipish manataj ch'icanyancunachu. Aguilacunata yalli callpajcunami carca. Leoncunata yalli fuerzayujcunami carca.

ISAÍAS 13:5

Caru llajtamanta soldadocunamari shamun. Cielo callarimantamari shamucun. Mandaj Diosca pai p'iñarishpa llaquichina caspihuanmi shamucun. Tucui cai pachata chingachingapajmari shamucun.

ISAÍAS 19:1

Egipto llajta ima tucuna cashcataca cashnami huillachishca: Mandaj Diosca callpacuj p'uyupi tiyarishcami Egiptomanca yaicunga. Egiptopi tiyaj rurashcalla dioscunaca paipaj ñaupajpimi chujchungacuna. Egipciocunapish tucuicunami manchaihuan huañucungacuna.

ISAÍAS 3:8

Jerusalenca ñuturishcami saquirishca. Judaca urmashcamari. Paicunapaj c'alluhuan, paicunapaj rurashcacunahuan, Mandaj Diosta p'iñachishcamanta, Mandaj Dios jatun mandaj cashcata yanganchishcamantami chashna tucushca.

ISAÍAS 5:28

Paicunapaj puntajlla caspicunapish ashtahuan puntajllata rurashcami canga. Paicunapaj arcocunapish shitanajllami canga. Paicunapaj caballocunapaj sillucunapish, yacu rumi shinami canga. Paicunapaj carrocunapaj ruedacunapish, acapana shinami callpanga.

ISAÍAS 66:15

Riqui, Mandaj Diosca nina lunyacunpimi shamunga. Paipaj carrocunaca jatun acapana shinami shamunga. Paica nina sindirij shina p'iñarishcata tallishpa llaquichingapajmi shamunga. Nina lunyacujhuan llaquichingapajmi shamunga.

JEREMÍAS 10:19

–¡Aij ñucalla, jatun nanaihuanmari cani! Ñuca chugrita yallitaj nananca. Shina cajpipish ñucaca: Cai ungüica ñucataca japinallatajmi cashca canga. Chashna ungushca puricushatajchari yuyarcanimi.

JEREMÍAS 4:12

Ñucaca, paicunata sinchita llaquichingapajmi yallitaj sinchi huairata cachani” nishcami cangacuna.

JEREMÍAS 4:31

Punta cutin huachana nanaihuan caj huarmi shina capariricujtami uyarcani. Sión urcupi causajcunamari caparirishpa huacacun. Maquicunata chutashpamari: “¡Aij ñucalla, cunantajca imachari tucusha! Cai huañuchij runacuna huañuchigrinca” nishpa capariricun.

JEREMÍAS 46:18

Tucuita Mandaj shuti Jatun Mandajca cashnami nin: Ñuca causaj Diostajmi cashna nini: Tucui urcucunata yalli jatun Tabor urcu shina jatunmi shamunga. Mama cucha uripi ricurij Carmelo urcu shina jatunmi chayamunga.

JEREMÍAS 48:40

Mandaj Diosca cashnamari nin: “Alasta chutashpa águila shamuj shinami, Moab llajtataca llaquichinaman shamunga.

JEREMÍAS 49:22

Bosra pueblopi causajcunata llaquichinamanca, alasta pascashpa huairapi águila shamuj shinami shamunga. Chai punllapica Edom runacunaca, ashtahuan c'ari c'aricunapish, huachana nanai japishca huarmi shinami canga” ninmi.

JEREMÍAS 6:23

Chai runacunaca arcotapish, shitashpa macanacuna lanzatapish aisashcami shamungacuna. Paicunaca pitapish mana llaquishpa huañuchijcunami. Mama cucha yacu manchanayajta huajiashpa jatarij shinami uyarimungacuna. Sión urcu pueblopi causajcunalla, chaicunaca cancunahuan macanacungapajmi caballocunapi tiyarishpa, allichirishca shamungacuna” ninmi.

JEREMÍAS 9:19

Sionmantaca: “Ñucanchij allpacunata shitashpamari rigrinchij. Ñucanchij huasicunataca tucuimari urmachincuna. Caitaj jatun llaquitamari rurancuna, jatuntamari pingai tucunchij” nishpa huacashcamari uyaricun.

LAMENTACIONES 4:19

Ñucanchijta japingapaj catijcunaca, huairata purij aguilacunatapish yalli utca callpajcunami carca. Urcucunata catishpami japircacuna, shitashca pambapipish muyundijta jarcashpami japircacuna.

EZEQUIEL 26:10

Paicunapaj caballocuna purishpa jatarichishca ñutu allpahuanmi taparingui. Llaquichishca puebloman t'unirishca patacunata yaicucuj shina, cai pueblopi tiyaj pungucunata caballocunapish, ruedacunapish, carretacunapish c'ulun nishpa yaicumujpica, cai pueblo muyundijta pircashca patacunapish chujchungami.

EZEQUIEL 38:9

Chai llajtamanca jatun acapana shinami huichiyangui. Chai llajtataca cambaj tucui soldadocunapish, canhuan tandanacushca achca runacunapish p'uyu shinami tapangacuna” ninmi.

DANIEL 11:40

Huatacuna ña pajtamujpimi, ura lado llajtata jatun mandajca paihuan macanacugringa. Chaimi janaj lado llajtata jatun mandajca carrocunahuan, caballopi tiyarishca gentecunahuan, achca barcocunahuan tucushpa ura lado llajtata jatun mandajhuan macanacungapaj jatun acapana shina jataringa. Paica ura lado llajtaman yaicushpaca tucuita mishashpami ringa.

DANIEL 7:4

Punta animalca leonman rijchajmi carca. Chaica aguilapaj alasyujmi carca. Ñuca ricucujllapitajmi, paipaj alasta p'itishpa paitaca pambamanta jatarichirca. Paica shuj runa shinami ishqui chaquihuan shayarirca. Paipaj yuyaitaca gentepaj yuyai shinatami rurarca.

OSEAS 8:1

Ñucahuan ari ninacushcata p'aquishcamanta, ñuca mandashcacunata mana cazushpa c'ariyashcamantami Mandaj Diospaj huasi jahuamanca shuj águila shamucun. Chaitaca trompetapi tocashpa huillayari.

MIQUEAS 2:4

Cancuna llaquita apacui punllapica yuyachij shimicunahuanmi, yupashpa yupashpa cashna huacangacuna: “Tucuicunamari llaquichishca canchij. Mandaj Diosmari caipi causajcunataca ashallata rurashca. Ñucanchij allpacunatapish quichushpamari, shujtajcunaman chaupishpa cushca” ningacunami.

NAHUM 1:3

Mandaj Diosca tucuita rurai tucujmi, mana utca p'iñarijmi. Chashna cashpapish, millaita rurajcunata llaquichinataca manataj saquinchu. Mandaj Diosca c'ulun nishpami, jatun acapanapi purin. Pai purina p'uyuca, ñutu allpa shinami.

HABACUC 1:8

Paicunapaj caballocunaca leopardotapish yalli callpajcunami cangacuna. Tuta purij atujcunatapish yalli p'iñacunami cangacuna. Macanacujcunapish chai caru llajtamantaca caballocunapimi tiyarishpa yallitaj achcacuna shamungacuna. Paicunaca, aguilacuna huañuchinaman callpacuj shinami callpamungacuna.

ZACARÍAS 6:1

Cutinllataj ñuca ñahuita huichilla alzashpami, chuscu carretacuna ishqui urcu chaupimanta llujshicujta ricurcani. Chai urcucunaca, bronce urcucunami carca.

Mateo 24:30

Chaipimi jahua pachapi, Runa Aichayuj shamucujta ricuchij señal ricurijpi tucui cai pacha aillucunaca, Runa Aichayujca jahua pachamanta p'uyupi tucuita rurai tucuj cashcahuan, achijnicuj sumaj shamucujta ricushpa huacangacuna.

DEUTERONOMIO 28:49

Mandaj Diosca cancunata llaquichichunca, cai pacha tucuri caru llajtamanta cancuna mana entendipaj rimaita rimaj shujtaj gentecunatami apamunga. Paicunaca águila shinami utca callpangacuna.

Apocalipsis 1:7

Uyaichij, Cristoca p'uyupimi shamucun. Paitaca tucuicunami ricungacuna. Paita lanzahuan tujsijcunapish ricungacunami. Paita ricushpaca, cai pachapi tucui causajcunami jatunta huacangacuna. Ari, chashnatajmi canga.