JEREMÍAS 4:11 - Dios Rimashca Shimicunami

¹¹ Chai llaqui punllacunapica, tucui cai Judá runacunapish, Jerusalenpi causajcunapish cashnami nishca cangacuna: “Ñuca agllashcacunapajmanca, shitashca pamba lomacunata purij huairamari shamushca. Chai huairaca ñucullata apashpa, chuya granota saquingapajca, mana shamunchu.

JEREMÍAS 4:11 Iomraidhean Croise

SALMOS 11:6

Mandaj Diosca millaicunapaj jahuapica, rupachij llaquitami tamyachinga. Paicuna japina cashca copataca azufrehuan rupacuj ninata, ima tiyashcata rupachij huairatami cunga.

ISAÍAS 22:4

Chaimantami cashna nircani: “Ñuca llajtapi causajcunata ñutuchishca cashcamanta ñuca yallitaj amijta huacachun saquichijlla. Ama ashtahuan huacaichu nishpa cushichinataca ama yuyaichijchu.

ISAÍAS 27:8

Paipi retoñashcacunataca ricushpalla llaquichingui. Inti llujshin ladomanta huaira quillapi sinchi huairallahuanmi llaquichinga.

ISAÍAS 41:16

Chaicunataca aventanguichijmi, huairami apanga. Acapanami caita chaita apanga. Ashtahuanpish canca Mandaj Diospimi jatunta cushicungui. Israelcunapaj jucha illaj Diospimi sumajyaringui.

ISAÍAS 64:6

Ashtahuanpish ñucanchijca tucuicunamari mapacuna shina tucushcanchij. Ñucanchij cashcata ruranchij nishcacunapish mapa llachapa shinami tucushca. Tucui ñucanchijca p'angacuna shinami urmarcanchij. Ñucanchij millaita rurashcacunallatajmari huaira shina apashca.

JEREMÍAS 13:24

Chaimantami cancunataca shitashca pambamanta shamuj huairapi t'amuta cachaj shina, maita cachagrini ninmi.

JEREMÍAS 14:17

Cunanca tucuicunata cashna nigri: Ñuca llajtapi causajcunapajca, c'arihuan manaraj chayarinacushca soltera shina cajpipish, jatun llaquimari chayamushca. Yallitaj jatun nanaimari japishca. Cunantajca tutapish, punllapish huacacushallami. Ñuca ñahuimantaca manataj huiqui illangachu.

JEREMÍAS 23:19

Mandaj Dios cachashca jatun llaquica, jatun acapana shinami shamunga. Pai allichishpa charicushca jatun llaquica, millaicunapaj jahuapimi urmanga.

JEREMÍAS 4:12

Ñucaca, paicunata sinchita llaquichingapajmi yallitaj sinchi huairata cachani” nishcami cangacuna.

JEREMÍAS 8:19

¡Aij, ñuca llajtapi causajcunalla! Manchanayajta caparirishcamari carucunamanta uyaricun. “¿Mandaj Diosca Sionmantaca illanchu imatagari? Sionta Jatun Mandajca ¿ñachu mana chaipi tiyacun imatagari?” nincunamari. Mandaj Diosca: “¿Imamantataj rurashcalla shujtaj yanga dioscunata cungurishpa ñucata p'iñachircacuna?” nircami.

JEREMÍAS 9:1

Ñuca uma pugyu tucujpica, ñuca ñahuicunamanta yacu huiñacuj shina huiqui llujshicujllapica, ñuca llajtapi causajcuna huañushcamantaca, tutapish punllapish huacacuimanllachari.

JEREMÍAS 9:7

Chashnacuna cajpimi, tucuita Mandaj Diosca cashnapish nin: “Ñuca agllashcacunataca imata ashtahuan mana rurai tucunichu. Cunanca ninapi churashpami, tucui mapata anchuchigrini.

LAMENTACIONES 2:11

Ñuca aillupuracunaca chashna jatun llaquimi tucurca. Malta huahuacunapish, chuchucuj huahuacunapish pueblo chaupi pambacunapimi yaricaihuan urmashpa huañurcacuna. Chaita ricushpami shunguta allashpa llaquirishpa huacarcani. Ñuca ñahuicuna tucui yacuyacuj shinami huiquica llujshirca.

LAMENTACIONES 3:48

Ñuca llajtapi causajpuracuna jatun llaqui tucushcamantami, ñuca ñahuicunamantaca jatun yacuta shina huiquita jichani.

LAMENTACIONES 4:10

Ñuca aillupura alli shunguyuj huarmicunamari, paicunapaj huahuacunallatataj, quiquin maquihuan yanurcacuna. Jatunta llaquichi punllapica, quiquin huahuacunatamari micurcacuna.

LAMENTACIONES 4:3

Chacalcunapish, paicunapaj huahuacunamanca chuchuchinmi. Ashtahuanpish ñuca aillupura huarmicunaca, shitashca pambapi causaj avestruz shina huahuacunata mana llaquijcunamari.

LAMENTACIONES 4:6

Ñuca aillupuracunallatajmari, Sodoma pueblopi causajcunapaj juchata yalli, millaita rurarcacuna. Chai puebloca, macanacunaman manapish pi shayarijpi ñapish chingarircallami.

EZEQUIEL 17:10

Riqui, cai yuraca caipimi tarpushca tiyacun. ¿Cushicushpallachu causanga? Inti llujshinmanta rupaj huaira shamushpa urmachijpica ¿manachu anguyashpa tucui chaquiringa? Verdijlla yura cashpapish, tarpushca huachullapitajmi chaquiringa ninmi ni” nircami.

EZEQUIEL 19:12

Shina cajpipish p'iñarishpami, p'itishpa pambaman shitashca carca. Rupaj huairami paipaj granocunatapish chaquichirca. Paipaj sinchi ramacunapish p'aquishcamantami chaquirirca. Ninami tucuita rupachishpa tucuchirca.

OSEAS 13:15

Huauquicunapurapica pai miraricujpipish inti llujshin ladomanta huaira shamushpa, shitashca pambamanta Mandaj Diospaj huaira jatarishpami pajchashpa llujshicuj yacutaca chaquichinga. Pajchashpa llujshicuj jatun yacucunaca chaquiringami. Paicunapaj achca valij sumaj charinacunatapish quichushpami apanga.

OSEAS 13:3

Chaimantami tutamantapi caj p'uyu shinalla chingaringa. Tutamantapi caj shulla shinallami chingaringa. Trillashca ujshata jatun acapana apashca shinami chingaringa. Huasimanta llujshicuj cushni shinallami chingaringa.

OSEAS 4:19

¡Paicunataca huairami paipaj alaspi apanga. Rurashcalla dioscunaman animalcunata huañuchishpa cushcamantaca pingaimi tucungacuna!

HABACUC 1:11

Chai q'uipaca, acapana shinami yaicungacuna. Paicunaca rurashcalla diostami, fuerzata cuchunpish mañangacuna” nircami.

HABACUC 1:6

Riquichij, ñucaca caldeocunatami cancunapajman cachagrini. Paicunaca huañuchijcunami, utca imatapish mana allita rurajcunami. Paicunaca, cai pachata tucuita purishpa, shujtajcunapaj allpacunata, huasicunata quichujcunami.

Mateo 3:12

Granota chuyanapaj palaca ñami paipaj maquipi. Paipaj trigotaca huaquichinapimi churanga. Ujshataca manataj huañuj ninapimi rupachinga” nircami.

Lucas 3:17

Trigo montonta chuyanapajca palaca ñami paipaj maquipi. Paipaj trigota tandashpaca huaquichinapimi churanga. Ujshataca manataj huañuj ninapimi rupachinga– nircami.