JEREMÍAS 39:8 - Dios Rimashca Shimicunami

⁸ Caldeo soldadocunaca mandana huasitapish, tucui Jerusalén pueblo huasicunatapishmi rupachircacuna. Muyundij jatun pircacunatapish urmachircacunami.

JEREMÍAS 39:8 Iomraidhean Croise

2 REYES 25:8

Nabucodonosor Babilonia llajtata chunga iscun huatata ña mandacujpi, chai huatapaj pichca quilla, chai quillapaj canchis punllapimi, Babilonia llajtata jatun mandajpaj cuidaj soldadocunata mandaj, paipajta ruraj Nabuzaradanca Jerusalenman shamurca.

2 CRÓNICAS 36:19

Shinallataj Diospaj huasitapish rupachircacunami, Jerusalén muyundij jatun pircatapish urmachircacunami. Mandashpa tiyana huasicunatapish ninata japichishpa tucui rupachircacunami. Chai huasicunapi imalla ashtahuan alli tiyashcataca, tucuimi tucuchircacuna.

NEHEMÍAS 1:3

Chaimi paicunaca: “Prezu apacujpi miticushpa chai llajtapi saquirijcunaca yallitaj llaqui pingaimi causacuncuna. Jerusalén muyundij pircacunatapish urmachishca, chai pungucunatapish ninahuan rupachishpa chingachishcami siricun” nishpami huillarcacuna.

SALMOS 79:7

Paicunami Jacobtaca tucuchircacuna. Pai causanatapish chingachircacunami.

ISAÍAS 5:9

Achca huasicunami urmachishca saquiringa. Sumaj jatun huasicuna cashca cashpapish shitashcami saquiringa nishpa tucuita Mandaj Dios nishcami ñuca rinrinman uyarirca.

JEREMÍAS 17:27

Ashtahuanpish samana punlla huaquichichun ñuca mandashcata mana cazushpa, chai punllapi ima cargatapish apamushpa, cai Jerusalén puebloman yaicuchijpica, jatun ninahuanmi cai pungucunataca rupachisha. Chai ninaca, Jerusalén pueblopi caj mandana huasicunandijmi tucui rupachinga, pi mana huañuchi tucungachu” ninmi.

JEREMÍAS 21:10

Ñucaca llaquichingapajmi tigrashpa ricurcani, mana ima allita cungapaj ricucunichu. Babilonia llajtata jatun mandajpaj maquipimi churani. Paimi ninata japichishpa tucuchinga ninmi Mandaj Diosca ningui.

JEREMÍAS 32:29

Chai caldeocuna yaicushpami, cai pueblotaca ninata japichishpa tucui rupachingacuna. Israelcunaca huasi jahuacunapimi inciensota Baalman cushpa rupachijcuna carca. Shujtajcunapaj dioscunamanpish vinota cushpami tallijcuna carca. Chashna rurashpami ñucata p'iñachircacuna, tucui chai huasicunatami rupachingacuna.

JEREMÍAS 34:2

Israelcunata Mandaj Diosca ñucataca cashnami nin: “Judá llajtata jatun mandaj Sedequiaspajman rishpa cashna nigri: Mandaj Diosca cashnami nin: Cai pueblotaca ñucatajmi Babilonia llajtata jatun mandajman cugrini. Pai japishpaca ninata japichishpami, tucui rupachinga.

JEREMÍAS 34:22

Cunan rishca cajpipish, ñucallatajmi cutin cai puebloman tigrachimusha. Paimi cancunahuan macanacushpa mishanga, cai pueblotaca ninahuanmi tucui rupachinga. Chashna rurashpami, cai Judá llajta pueblocunataca shuj runallatapish mana saquishpa, shitashca, chushajta saquisha ninmi Mandaj Diosca” nircami.

JEREMÍAS 37:10

Cancunahuan macanacucuj caldeo soldadocunataca, tucuicunata chugrichinguichijchari. Chashna chugrichishca huaquin soldadocunalla saquirishpapish, paicunapaj carpa huasicunamanta llujshimushpa cai pueblotaca ninata japichishpa tucui rupachingallami ninmi” nircami.

JEREMÍAS 38:18

Ashtahuanpish Babilonia llajtata jatun mandaj cachashca mandajcunapajman mana canllataj llujshishpa paicunapaj maquipi yaicujpica, cai puebloca caldeocunapaj maquipi churashca cangami. Paicunaca ninata japichishpa tucuimi rupachingacuna. Canpish paicunapaj maquimantaca, manataj quishpiringuichijchu ninmi– nircami.

JEREMÍAS 5:10

Cai pueblo muyundij pircacunaman huichiyashpa t'unichij. Chai pircacunaca mana ñucapajchu, jahua umamanta callarishpa urmachichijlla. Shina cashpapish ama tucui chingachichijchu.

JEREMÍAS 7:20

Chashna cashcamantaca, Mandaj Diosca cashnapishmi nin: “Cunantajca jatunta p'iñarishpami, cai llajtapica jatun llaquita talligrini. Runacunapaj jahuapi, animalcunapaj jahuapi, yuracuna jahuapi, grano chagracuna jahuapimi mana huañuj lunyacuj ninata shina shitagrini” ninmi.

LAMENTACIONES 1:10

Paita p'iñajca ima sumaj charinacunatacatucuitamariquichushpa aparca. Pai ricucujpimari Diospaj huasimanca shujtaj llajta runacuna yaicurca. Can Diosca chaicunataca cambajllacuna tandanacushcapica, ama yaicuchun nishcamari carcangui.

LAMENTACIONES 2:2

Jatun Diosca jatunta p'iñarishpami, Jacobpaj huasicunataca shujllatapish mana saquishpa, tucui huasicunata urmachirca. Judapaj tucui jatun torrecunataca pambapimi shitarca. Tucui Judá llajtatami mandajcunandijta cumurichirca.

LAMENTACIONES 2:7

Jatun Diosca paipaj altartapish shitarcami, paipaj huasipi tiyanatapish millarcani. Chaimantamari pai mandashpa tiyana huasi muyundij jatun pircata urmachichun, p'iñajcunapaj maquipi churarca. Mandaj Diospaj huasiman paicuna yaicushpaca, fiesta punllapi shinami caparirircacuna.

EZEQUIEL 16:41

Cambaj huasicunatapish ninahuanmi rupachingacuna. Achca huarmicuna ricucunpimi, cantaca llaquichingacuna. Chashna llaquichishpami, cantaca huainayashpalla causanamantapish cambaj c'uyashcacunaman allicunata cunatapish saquichisha.

EZEQUIEL 23:47

Paicunataca millai runacunami rumicunahuan shitangacuna, espadacunahuanpishmi tujsingacuna. Paicunapaj churicunatapish, ushushicunatapish huañuchingacunami, huasicunatapish ninahuanmi rupachishpa tucuchingacuna.

EZEQUIEL 33:21

Ñucanchijca ñami chunga ishqui huatata prezu tiyarcanchij. Chunga ishqui huata chunga quillapaj pichca punllapimi, ñapish shuj runaca Jerusalenmanta miticushpa ñucapajman shamurca. Chai runaca: “Pueblotaca shujtajcuna quichunmi” nishpami huillarca.

AMÓS 2:5

Chashna mana allita rurashcamantaca, Judá llajtapica ninatami japichisha. Chai ninallatajmi, Jerusalén pueblota mandashpa tiyana huasicunatapish rupachinga” nircami.

MIQUEAS 3:12

Cancuna chashna rurashcamantaca, Sión urcuca tarpuna allpata shina yapushcami canga. Jerusalén puebloca, rumi montonllami tucunga. Diospaj huasi tiyana urcupish q'uihua jundashca sachallami saquiringa.